Nutaarsiassat
Kommuneqarfik Sermersuumi Meeqqanut Ilaqutariinnullu politikki nutarterneqarpoq
Kommuneqarfik Sermersooq Meeqqanut Ilaqutariinnullu politikkimik nutarterisussanngorpoq, pingaarnertullu sammineqartussat ilagaat meeqqat inuusuttullu inuuniarnermikkut ajornartorsiuteqartunut isumassuinerup pitsanngorsarneqarnissaa, kiisalu massakkut inisseeriaatsit sukumiisumik eqqarsaatigineqarnissaat nalilersorneqarnissaallu.
U15-it futsalimi pissartanngorniunneranni Kommuneqarfik Sermersuumeersut angusaqarluartut
Holdit sisamat kommunitsinneersut pitsaanerit tallimat akornanni inissipput. Sapaatip akunnerani kingullermi U15-inut futsalimi Nunatsinni pissartanngorniuttoqarnerani kommunitsinneersut maluginiarnartumik angusaqarluarput. Pissartanngorniunneq Nuummi ingerlanneqarpoq, Nunarput tamakkerlugu peqataaffigineqarluni.
Najugaqalivinnissamut sungiusarfik Blok 8 pillugu innuttaasunik ataatsimiisitsineq
Kommuneqarfik Sermersooq Nuummi angerlarsimaffeqanngitsunut najugaqalivinnissamut sungiusarfik pillugu innuttaasunik ataatsimiititsinermut innuttaasut soqutiginnittut kikkulluunniit qaaqquai. Ataasimiinnermi siunertaalluni paasinninnerulersitsinissaq aammalu ataatsimuusseq nukittorsassallugu, taakkumi pingaaruteqarmata isummat pigiliuteriikkat akiorniarnissaat aammalu kikkut tamarmik inissaqartinneqartutut misigisimalernissaannut.
Blok 8-mi najugaqalivinnissamut sungiusarfik pillugu innuttaasunik ataatsimiititsinermut takkullutit peqataajartorit
Nuummi Narsarsuarmi nutaanik najugaqartoqalerpoq. Angerlarsimaffeqanngitsut femtenit suliffeqareersut najugaqarnerminnillu pitsanngorsaanissaminnik neriuuteqareersut, najugaqalivinnissamut sungiusarnissaminnut akuersisimapput, blok 8-mi ineeqqami najugaqarnissaminnut periarfissinneqarlutik.
Teriannianik piniarneq
Terianniat pisarineqarsinnaapput Maanna Nuummi Paamiuni kitaanilu nunaqarfinni terianniat piniagaanerannut peqataasoqarsinnaavoq: maajip 15-iata tungaanut 2024.