Illoqarfiit
Kommuneqarfik Sermersooq
Kommuunerujussuaq angissutsimigut nunarsuarmi immikkuullarissutut inissisimavoq, inuussutissarsiornerullu iluani annertuunik periarfissaqarluni.
Aatsitassarsiornermi molybdænit, kuultit, platinit, rubiinillu periarfissat taasinnaasatta ilaannannguaraat siunissami aatsitassarsiornerup iluani piiarneqarsinnaasut.
Tamakku saniatigut erngup nukinganik nukissiorfiliornissamut periarfissaqarluarpoq suliffeqarfissuarnut soorlu aluminiuliorfinnut innaallagissap nukinganik annertuumik pisariaqartitsiffiusunut.
Aalisarnikkut annertuumik suli periarfissaqarpoq, minnerunngitsumik Tunumi sumiiffiit annertuut suli misissorneqanngitsut eqaaginnarutsigit.
Ilinniartitaanerup iluani kommuunerujussuarni annertuumik periarfissaqarpoq, Nuummi ilisimatusarfissuaq, Paamiuni Imarsiornermik Ilinniarfik, Ammassalimmi tunngaviusumik perorsaanermik ilinniarfik periarfissat ilaannannguinut ilaallutik.
