Pas – Nalinginnaasumik paasissutissiineq

Pas-i tassaavoq kinaassutsimut uppernarsaat Kalaallit Nunaata avataani angalaniaruit atugassat. Taamaattorli Danmark-iliaannassaguit Island-imiillu ingerlaqqissanngikkuit pas-eqartariaqanngilatit. Ilutigisaanik oqartussaasunut saaffiginninninni kinaassutsimut uppernarsaatitut pas-it atorsinnaavat.

Kalaallit Nunaanni aamma Danmark-imi atuuttumik pas-imik Kalaallit Nunaanni pissarsisoqarsinnaavoq. Pas-ini marluusuni taakkunani assigiinngissut tassaavoq:

• Danmark-imi atuuttumik pas-ip saqqaani allaqqavoq ”Danmark – Den Europæiske Union”
• Kalaallit Nunaanni atuuttumik pas-ip saqqaani allaqqavoq ”Danmark – Kalaallit Nunaat”

Pas-it sumi atuussinnaassuseqarnerat assigiinngissuseqanngilaq, taamaallaalli assigiinngissuseqalaarput pas-ip iluani allassimasuni oqaatsit sorliit atorneqarnerat:

• Kalaallit Nunaanni atuuttumik pas-ip quppernera siulleq kalaallisut, qallunaatut tuluttullu allaqqavoq, quppernermilu 1-imi aamma 2-mi allassimasut Danmark-imi atuuttumik pas-imiittuninngarnit oqaatsit amerlanerunngillat
• Danmark-imi atuuttumik pas-ip quppernera siulleq dansk-isut, tuluttut aamma fransk-isut allaqqavoq, quppernermilu 1-imi aamma 2-mi Kalaallit Nunaanni atuuttumik pas-imiittuninngarnit oqaatsit amerlanerupput

Taassuma saniatigut pas-it taakku marluk assigiinngissuseqanngillat.

Kalaallit Nunaanni najugaqaruit, Kalaallit Nunaanni atuuttumik imaluunniit Danmark-imi atuuttumik pas-imik pisaassanerlutit nammineq aalajangigassaraat.

Kikkut tamarmik 12-inik ukioqalereersimasut 1. januar 2012-ip kingorna pas-itaarniarner-mut atatillugu inuaat ipaasaat skannertissavaat. Inuak politeeqarfimmi skannerneqassaaq skannikkallu pas-itaarnermuinnaq atorneqassapput. Pas-it inuaat ipaasaannik 1. januar 2012-ip pilerneqarsimanngitsut nunanut allanut isilernermi ajornartorsiutaasinnaapput. Pas-it 1. januar 2012 sioqqullugu piniarneqarsimasut ajornartorsiutaanavianngillat, taamaalillunilu atuuttussaatillugu atorneqarsinnaallutik.


Piumasaqaatit
Kalaallit Nunaanni imaluunniit Danmark-imi atuuttumik pas-imik pissarsiniaruit dansk-isut innuttaassuseqassaatit. Dansk-isut innuttaassuseqarputit imaappat:

• Angajoqqaatit marluullutik kalaaliuppata dansk-iuppataluunniit
• Anaanat kalaaliuppat dansk-iuppalluunniit
• Imaluunniit Kalaallit Nunaanni imaluunniit Danmark-imi inunngorsimaguit aamma ataatat dansk-isut innuttaassuseqarpat

Malugiuk
Nalinginnaasumik pingaarnertut ataasiinnarmik pas-imik peqarsinnaavutit. Tamanna ima isumaqarpoq, assersuutigalugu pas-it visum-imik qinnuteqaassunneqaraluarpalluunniit, utaqqiisaa pas-imik immikkut ittumik pisaarsinnaanngilatit.