UPERNAAKKUT 2011 -MI SALIINISSAQ

UPERNAAKKUT 2011 -MI SALIINISSAQ

Nuuk saligaatsuutiguk.

Upernaaq nuannertaqaaq, taamaakkaluartorli aputip aakkiartornera ilutigalugu eqqagarpassuit saqqummerput illoqarfimmilu saliinissamut piffissanngorluni. Nuup illoqarfia ikioqatigiilluta saligaatsunngortitsigu kusanartunngortillugu.

Nuummi upernaakkut saliinermut atatillugu ulloq 25.maj 2011-mi eqqagassanik katersineq aallartissaaq. (Eqqaasarnermut atatillugu Namminersornerullutik Oqartussat nalunaarutaat nr.28, 17. september 1993-imeersoq tunngavigalugu). Illunik piginnittut, illunik ataasiakkaanik ilaqutaariinnullu arlalikkaartunut inissiartalinnik attartortut tamarmik, suliffeqarfiit, umiarsualiviit pisortallu suliffiutaat eqqaminniit 25-meter tikillugu imaluunniit illup sanilerisap affaa tikillugu saliinissaminnik pisussaatitaaffeqarput. Kuuffiit kusernillu illut eqqaaniittut ilanngullugit aamma salinneqassapput.

Nammineerluni eqqagassaatinik aallertarneq
Kommuneqarfik Sermersooq illoqutigiinnut tamanut ilaqutariinnullu arlalikkaartunut inissiartalinnik attartortunut tamanut eqqagassanut ikuallajasunut minnernut puussiarsuarnik agguaassissaaq. Puussiarsuarnik amerlanernik atorfissaqartitsigaanni Sanarfinermut Avatangiisinullu Ingerlatsivimmut, Imaneq 20-mut imaluunniit Sarfaarsuarmi Atortussaasivimmut aallertorqarsinnaavoq.

Akunnerit 24-tiimit sioqqullugit, eqqakkat katersorneqannginnerini, eqqagassat katersatit aqqusernup sinaanut ilissavatit, taava akeqanngitsumik aaneqassapput. Nammineq pigisamik illuutillit aamma eqqagassanik anginernik akeqanngitsumik aallertitsinissaminnik periarfissaqarput.

Pingaaruteqartuuvoq igitat aqquserngup sinaanut igitaaneri nalornissutaajunnaarlugit inissinneqarsimanissaat, katersinermut atatillugu tiguneqarsinnaanngorlugit

Ilissi aqqusinissinnit eqqagassat qaqugu aaneqassanersut ataani allassimasumi takusinnaavat.

Eqqagassat imatut agguataakkit:

1. Ass. Eqqagassat naatsiivimmeersut pappilissallu ikuallajasuut minnerit puussiarsuarnut tunniunneqarsimasunut immiussuunneqassapput.

2. Eqqagassat anginerit ass. Pequttat, natersuit ima angissuseqassapput nammineerluni kivitsinikkut lastbilinut usiliunneqarsinnaassallutik, tassa imaappoq: annerppaamik 50 kg annerpaamillu sanimut 2,5-meterinik takissuseqassallutik.

3. Ikuallajasuunngitsut ass. Savimernit, kissarsuutit, errorsiviit marraallu.

4. Eqqagassat ulorianartut ass. Elektronik-inut tunngasut, qalipaatit sinnikui, nillataartitsiviit, qerititsiviit kiisalu qarasaasiat.

Eqqagassanik katersuinerit illoqutigiinnut taamaallaat atuupput. Sanaartorfiit suliffeqarfiillu pisussaaffeqarput eqqartik eqqiluitsuutillugulu kusanartuutissallugulu kiisalu sanaartorfiup eqqaa eqqagassaqartinnaveersaassallugu namminerlu kommunip eqqakkanik tigooraavianut assartorlugit.

Eqqagassanik aallernissamut pilersaarut
Kommuneqarfik Sermersooq 25. maj, 2011-mi, ataani allassimasut malillugit eqqagassanik

aalleqattaarnissaminut imatut pilersaaruteqarpoq. Ullormi aallerfissami eqqagassat aqqusernup sinaanut kingusinnerpaamik nal.07.00 ilineqareersimassapput.

Pingasunngorneq 25. maj
Innannguaq, Avannamukaanut, Gertrud Raskvej, Uulineq, Jonathan Petersenip Aqqutaa, Heilmannit Aqqutaat, Holmit Aqqutaat, Steffen Møllerip Aqqutaa, Avannarliit, Isaajap Aqqutaa, Qaanniviit, Ballesvej, Rasmus Berthelsenip Aqqutaa, Organip Aqqutaa, Hans Egedesvej, John Møllerip Aqqutaa, Abel Egedip Aqqutaa, C.E. Jansensvej, Farip Aqqutaa, Inspektørbakken, Kunuutip Aqqutaa, Stadionvej, Augo Lyngip Aqqutaa, Nikolaj Rosingip Aqqutaa, Rasmuuseeqqap Aqqutaa, Aantuukasiip Aqqutaa.

Sisamanngorneq 26. maj
H.J. Rinksvej, Børnehjemsvej, Kutaa, Kissarneqqortuunnguaq, Flygården, Piita Lundip Aqqutaa, Prinsessevej, C.P. Holbøllsvej, Quassunnguaq, Sanilia, Fjeldvej, Sipisaq Kangilleq, Kongevej, Kirkevej, Ceresvej, Perngarfik, Tuujuk, Qimerlua, Aqqusinersuaq, 400-rtalik, Adolf Jensensvej, Tuapannguit, Karl Lundip Aqqutaa, Intaleeqqap Aqqutaa, Kuussuaq, P.H. Lundsteensvej, Ilivinnguaq, Imaneq, Naapittarfik, Iviit, Qoorunnguaq, Qapiarfiusaaq, Samuel Kleinschmidtip Aqqutaa.

Tallimanngorneq 27. maj
Lyngby-Taarbækvej, Kiassaateqarfik, Noorlernut, Saqqarlernut, Saqqarliit, Sipisaq Avannarleq, Jens Kreutzmannip Aqqutaa, Solbakken, Evakueringsvej, Sanamut Aqqut, Dronning Ingridsvej, Svend Junge-p Aqqutaa, Jagtvej, Qatserisut, Niels Hammekenip Aqqutaa, Nuukullak, Paassaasivik, Kujammukaanut, Sipisaq Kujalleq, Kujallerpaat, Inussuk, Qaqisarfik, Marinevej, Qasapi, Niisi, Aalisartut Aqqutaat, Poorsimaat.

Arfininngorneq, 28. maj
Sarfaannguit, Industrivej, Issortarfimmut, Eqalugalinnguit, Qernertunnguanut, Timerlia, Qiterlia, Avallia, Akua, Anunngnit.

Pingasunngorneq, 1.juni
Nerngallaa, Paarnat, Avalequt, Avaalaqiaq, Qajaasat, Kimmernat, Kangillinnguanut, Kigutaarnat, Paarnarluit, Attartu, Iiminaq, Tupaarnat, Kakillarnat.

Sisamanngorneq, 2. juni
Peter Th. Høeghip Aqqutaa, Nuussuaq, Nuniaffik, Tinupattak, Sangoriaq, Saqqaa, Ole Brandtip Aqqutaa, Manngua, Qaava, Nigerleq.

Tallimanngorneq, 3. juni
Sorlaat, Sinarsua, Salliarnaq, Narsaviaq, Nunngarut, Qaarsunnguaq, Qassuserfik, Iggiaanut, Qeqertanut, Nukkalloq, Sarfaarsuit, Pukuffik, Qarsaalik, Atertaq.

Arfininngorneq, 4. juni
Siaqqinneq, Kivioq, Manutooq, Manguaraq, Qattaaq, Uiaq, Nukappiakuluk, Aqisseqarajooq, Illerngit 2001, Qarsoq, Asiarpak, Musaq, Uiffak, Kuanneq, Paarnarluk, Tikiusaaq, Pupik, Piloq, Qunguleq, Seernaq, Pissisia.

Naammagittaalliorneq ilitsersorneqarnerlu.

Uunga saaffiginninnissamut tikilluaqquneqarputit:

• Nuuk Transport, naammagittaalliuutinut: 55 75 80/32 24 80

• Sanarfinermut Avatangiisinullu Ingerlatsivik, paasissutissiineq ilitsersorneqarnerlu: 34 74 00

Kommuneqarfik Sermersoop siumut qujassutigerusuppa; inuuttaasut suleqatigalugit illoqarfiit pingaarnersaat – Nuuk saligaatsuutillugulu kusanartuutikkusukkatsigu.