Aningaasaateqarfik Kommuneqarfik Sermersooq – Reykjavik – Tórshavn

Aningaasaateqarfimmi Kommuneqarfik Sermersuumi, Reykjavíkimi aamma Tórshavnimi politikerit innuttaasullu akornanni paaseqatigiittoqarnerulernissaa suleqatigiittoqarnerulernissaalu kiisalu tamakkununnga tunngatillugu sammisassanik tapersersuisarnissaq, assersuutigalugu kulturimut, atuartitsinernut timersornernullu tunngasunut, siunertarineqarpoq.

Aningaasaateqarfik sammisassanut legatinik illoqarfiit akornanni attaveqaatinik siuarsaasunik suleqatigiinnerulersitsisunillu, assersuutigalugu kulturimut, ilinniartitaanernut timersornernulluunniit tunngasunut, qinnuteqaatinik maannakkut tigusaqarsinnaavoq.

Qinnuteqaateqarnissamut immersuiffissaq nittartakkami ”innuttaasunut” ataanni, imaluunniit Innuttaasunik Sullissivinni aaneqarsinnaavoq. Qinnuteqaatit sammisassat, piffissalersuutit missingersuutillu pillugit sukumiisumik allaaserinninnernik imaqassapput.

Qinnuteqaatit kingusinnerpaamik tallimanngornermi apriilip ulluisa 20-ani 2012, Kommuneqarfik Sermersuumit tiguneqareersimassapput

Qinnuteqaatit uunga nassiunneqassapput:

Kommuneqarfik Sermersooq

Att. Aningaasaateqarfik Kommuneqarfik Sermersooq, Reykjavik, Tórshavn

Postboks 1005

3900 Nuuk

Sap. ak. 19-imi Aningaasaateqarfimmi siulersuisut ataatsimiinnerminni legatinik tunniussinissaq pillugu aalajangiissapput.

Aningaasaateqarfik Kommuneqarfik Sermersooq/Reykjavik/Tórshavn

Qinnuteqaammut immersugassaq uani aajuk 


Aningaasaateqarfik pillugu aalajangersagaq uani atuaruk (pdf-fil 30,3KB)