Erninermi sulinngiffeqarneq ullormusiaq
Erninermut atatillugu sulinngiffeqarneq tassaavoq piffissaq, meeqqap inunngorneranut atatillugu angajoqqaanngortut imaluunniit meeravissiartaartut meeqqamik paarsinissamut suliffimminnit sulinngiffeqarallarsinnaanermut pisinnaatitaaffeqarfigisaat. Erninermi ullormusiat aningaasaqarnikkut ikiorsiissutaapput, angajoqqaat erninermut atatillugu sulinngiffeqarnerminnut pissarsiarisinnaasaat.
Erninermut atatillugu sulinngiffeqarnissamik aamma erninermi ullormusiaqarnissamik qinnuteqarsimaguit, qinnuteqaatillu tamakkiisumik taperserneqarsimanngippat, kommune tunngavilersuinissaminut naammagittaalliornissamullu ilitsersuinissamut pisussaaffeqarpoq. Assersuutigalugu aalajangiinerit naammagittaalliutigisinnaavatit makku:
- naartunermi aamma erninermi sulinngiffeqarneq
- meeravissiartaarnermi sulinngiffeqarneq aamma meerarsiaqarnermi atukkat
- sulinngiffeqanerup nalaani ullormusiaqarsinnaanermut pisinnaatitaaneq
- erninermi ullormusianik pinngitsaalisaasumik aqutsivigineqarneq
- aningaasanik utertitsinissamut piumasaqaateqarneq
- erninermut atatillugu sulinngiffeqarnermik unitsitsineq
Naammagittaalliorumaguit, kommunimi aalajangiinerup allaganngukkap naammagittaalliutigiumasavit tiguneraniit sivikinnerpaamik sapaatit akunneri sisamat qaangiunneranni Inunnik Isumaginninneq pillugu Naammagittaalliuteqartarfimmut taama iliorsinnaavutit.
Kommune aalajangiippat illit taperserneqanngitsutit, taava kommune pisussaavoq naammagittaalliornissami immersugassaq ilinnut tunniutissallugu. Naammagittaalliorluni immersuiffissaq kommunimit pissarsiarisimanngikkukku, uani aasinnaavat.
Naammagittaalliornissamut immersuiffissaq. (Immersuiffissaq taamaallaat dansk-isut allassimavoq)
Naammagittaalliutit uunga nassiutissavat:
Inunnik Isumaginninneq pillugu Naammagittaalliuteqartarfik
Postboks 689
3900 Nuuk
Naammagittaalliutit aamma qarasaasiakkut nassiussinnaavat uunga: dsa@nanoq.gl
Malugiuk
Aalajangiinerup naammagittaalliutiginiakkavit nuutinnera ilanngutissagakku eqqaamagiuk.
Naammagittaalliut nammineerlutit allassinnaanngikkukku, najukkanni innuttaasunut sullissivimmi imaluunniit nunaqarfimmi allaffimmi ikiorneqarsinnaavutit.
