Inissiineq, anineq akiliisarnerlu

Meeqqavit ulluunerani paaqqinnittarfimmi inissamik pissarsinissaanik imaluunniit peerneqarnissaanik kissaateqaruit, immersugassaq immersussavat atsiorlugulu, najukkannilu innuttaasunik sullissivimmut imaluunniit nunaqarfiup allaffianut tunniutissallugu. Saaffiginnikkuit, nassassavatit:

• Meeqqavit atertaarneranut kuisinnermulluunniit allagartaa
• Sumi najugaqarnissinnut uppernarsaat
• Ukiup aningaasarsiorfiusup siuliani inoqutigiit ukiumut aningaasarsiaasa allagartaat – taanna meeqqavit ulluunerani paaqqinnittarfimmiinneranut akiliutissavit naatsorsornissaanut atorneqassaaq

Akigititat
Ulluunerani paaqqinnittarfiit akigititaat kommunip aalajangertarpaa. Akiliutissaq apeqqutaavoq

• ilaqutariittut ukiumut aningaasarsiassi annertussusaat
• kiisalu meeqqanik qassinik paaqqinnittarfinniittuuteqarnersi aalajangiisuussallutik

Meeqqavit ulluunerani paaqqinnittarfimmiinneranut akiliinngikkuit, meeqqavit inissani annaaratarsinnaavaa.


Malugiuk
Utaqqinarsinnaavoq ulluunerani paaqqinnittarfimmi inissiiniartoqartillugu.

Angajoqqaatut meeqqavit paaqqinnittarfimmi sorlermiinnissaa kissaatigisinnaavat.

Meeqqat meeraaqqerivimmi angerlarsimaffimmiluunniit paarsisartumi inissisimappat meeqqanut paaqqinnittarfimmiinnissamut ukiui naammalerpata neqeroorfigineqassaasi.

Inissisimaffiit allannguuteqarpat, soorlu avikkuit, suliffittaaruit ilinniagaqaleruilluunniit aamma meeqqavit ulluunerani paaqqinnittarfimmiinneranut akiliutitit allannguuteqassapput. Inissisimaffiit allannguuteqarpat pisussaavutit kommunimut saaffiginnissallutit.