Aningaasanut pinnguaatinik ikkussiniarnermi qinnuteqaat

Akuersissut piginnittumut immikkoortumut, immikkut sumiiffimmi aamma immikkut maskinamut tunniunneqartarpoq. Pissutsini taaneqartuni allanngortoqartillugu nutaamik qinnuteqartoqassaaq. Tamatuma saniatigut ukiut marlukkaarlugit akuersissummik qinnuteqartoqassaaq aamma akuersissut utertinneqarsinnaavoq piumasaqaatinik naammassinngitsuuisoqartillugu (akiitsut, naammagittaalliuutit il.il.)


Aningaasanik pinnguaatinut siullermeerluni qinnuteqarneq

Qinnuteqartoq ima iliussaaq:

• Qinnuteqarnermut immersugassaq immersussavaa (allatseqarfimmit tunniunneqartoq)
• Inip initussusianik aqqissuusaaneranullu titartakkamik ilanngussissaaq
• Akuersissutit uku piniassavai: Politiiniit akuersissut inimi ikkussivigineqartumi nalinginnaasumik tamanut akornutaanngitsoq.

Malugiuk: Umiarsuaatillit qinnuteqarpata Imarsiornermi Aqutsisoqarfimmut politiinuunngitsoq qinnuteqartoqassammat.


Aningaasanut pinnguaatinut sumiiffimmiiginnartumi nutaamik qinnuteqaqqinneq – qinnuteqaammik piginnittooreersumit.

Qinnuteqartoq ima iliussaaq:

• Akuersissutip atuunnera qaangiutsinnagu nutaamik qinnuteqaqqinnissaq. Immikkut ittumik immersugassamik atuisoqassanngilaq.
• Politiinut nutaamik qinnuteqartoqassanngilaq.

Aningaasanut pinnguaatimik nutaamik inissiineq

Pinnguaat nutaamik allamut inissinneqarniarpat nutaamik qinnuteqartoqassaaq. Qinnuteqaaat qinnuteqaatitut siullertut suliarineqassaaq.

Sapinngisaq malillugu pinnguaammik atorunnaarsitsinermi sulinermi pineqarnerussaaq inissiffiusimasoq. Takuuk aningaasanut pinnguaatinik atorunnaarsitsinermi immikkoortoq.


Piginnittuunnermut attartuinermulluunniit pissutsinik allannguineq

Aningaasanut pinnguaatinut piginnittuuneq/attartortuuneq akuerisaasumut allannguuteqarpat sumiiffiali taannaaginnarluni tamanna kommunalbestyrelsimut nalunaarutigineqassaaq.


Siumoortumik akuersissuteqarnissamut nalunaarneq

Qinnuteqartoq ima iliussaaq:

• Siullermik qinnuteqartutut iliuuseq malissavaa.

Kommunalbestyrelsip qinnuteqaammik suliarinninnera

Qinnuteqaat Nuup Kommuneani aningaasanut pinnguaatit amerlassusissaasa (90/10) sinnernerinik kinguneqassappat suliaq kommunalbestyrelsimi aalajangigassanngorlugu ingerlateqqinneqassaaq.


Aningaasanut pinnguaatinik toqqorsineq / atorunnaarsitsineq

Piginnittoq/attartortoq ima iliussaaq:

• Kommunimut nalunaaruteqassaaq aningaasanut pinnguaatit toqqorniarlugit/atorunnaarsinniarlugit.
• Atorunnaarsitsinermut immersugassaq immersorlugu krydserlugulu atorunnaarsitsinerunersoq imaluunniit toqqorsinerunersoq kiisalu qaqugumiit.
• Atorunnaarsitsinerup/toqqorsinerup kinguninngua siullermeerluni akuersissut kommunimut utertillugu.

Malugiuk! Akuersissut toqqorneqarpat aningaasanut pinnguaat piginnittumit allamit sumiiffimmi allami ATORNEQARSINNAANNGILAQ. Toqqorsineq pinnguaammut aalajangersimasut atuuppoq.


Toqqorsinermik atorunnaarsitsineq

Piginnittoq imaq iliussaaq:

• Toqqorsineq atorunnaarsikkumallugu qaqugumiillun nalunaaruteqassaaq. Immikkut ittumik immersugassaqanngilaq.

Akuersissutinik utertitsineq

Kommunalbestyrelsi pissutsini aalajangersimasuni akuersissutinik utertitsisinnaavoq. Pissutsit kommunip maleruagassaani allaqqapput.