Ittoqqortoormiini nannuttassat tamakkerneqarput
Attaveqarfik
Kommuneqarfik SERMERSOOQ Innuttaasunut sullissivik Postbox 10053900 Nuuk Tlf.: +299 36 70 00 Fax: +299 31 11 51
E-mail: saaffik@sermersooq.gl Ammasarfii
Ataas. - pinga.: 10 – 15
Sisamanngorneq: 12 – 17
Tallimanngorneq: 10 – 12
Tupaarnami sullissineq
Tupaarnaq tunngaviusumik sullissinermini, meeqqat ajoqutilittut isiginiarneq ajorpau kisiannili meeqqat pisariaqartitaannik pingaaruteqartunik inerikkiartornissaannullu periarfissanik eqqortunik tuniorarneqartarsimannginnerannut sulissutiginnittarluni.Meeqqat silassorissutsimikkut naliginnaasuupput kisiannili inooriatsikkut perorsaasunit ikorfartorneqarnissaminnik pisariaqartitsisuullutik. Meeqqat amerlanertigut angerlarsimaffinnit ajornartorsiorfiusunit kiisalu ulluinnarni isumassorneqarnikkut sumiginnagaaffiusunit assigiinngitsunillu atornerluiffiusunit aggersuupput. Angajoqqaajusut nukissaminnik amigaateqartarput eqqarsartaatsikkullu erloqissuteqakkajuttuusarlutik.il.il.
Tupaarnap meeqqanut isiginninnera naapertorlugu; meeqqat inuunerminni, inunnut pingaarutilittut isigisaminnut ataasuteqaatitut sunniivigeqateqarsimapput. Uagut akulerunnitsigut imminut tatiginermik pisariaqartitaminnik toqqissisimanermillu ineriartortitaqassapput. Tupaarnami sullissinikkut meeqqap ulluinnarni inersimarpalaartumik ilumoortumillu akuuffiginissaa pingaaruteqarpoq kiisalu meeqqap pisariaqartitaanik eqquutsitsisutut tapersersorneqarnissaa Tuparnami sullissinermut aamma ilaalluni. Tupaarnami ataatsimooqatigiinneq akisussaaqatigiinnerlu meeqqamut ineriartortitsisartutut isigaarput. Taamaammat meeqqamut inersimasumullu iluaqutaasussamik ataatsimut anguniagassanik ujartueqatigiinnissaq pisariaqarpoq. Suliassat assigiinngitsuusinnaapput ulluinnarni inerniliiffiginiagassat imaluunniit pilersaarutit annertunerusut soorlu; pinialunnerit, aalisarnerit tuperluni asiaqatigiinnerit, il.il.
Meeqqat atuarfimminni ajornartorsiukkajuttarput nakkarsaataasinnaasorpassuarnillu misigisaqartarlutik. Taammaammat Tupaarnami isumaqarpugut atuarfimmi sammisaqartarnikkut ineriartortitsissutaasinnaasunit allanik piginnaatsitaaffinik ilikkagassanillu aamma nassaassaqartoq. Pingaaruteqarpoq meeqqap naammassisaminik tulluusimaarutiginnissinnaanera pikkoriffeqartutullu misigisimanissaa. Tupaarnami timersorneq, eqaarsaarneq, pinialunneq, aalisarneq, sanalunneq, nipilersorneq iffiorneq nerisassiorneq allallu sammineqartarput. Meeqqanut suliassissutigineqartartut pikkoriffigisaallu aqqutigalugit meeqqat misilitassanut sapernarnerusunut sapiissuseqarnerulerlutillu imminut tatiginerulertarput.
Tupaarnaq meeqqap ulluinnarni inuuneranut siumut isiginninnermik ilusilersuinernillu suliaqartarpoq, taamatut iliornikkut perorsaanikkut ineriartornissamullu meeqqat ataasiakkaat assigiinngissutaat suliarissallugit periarfissaqalertarmat.