Nuummi aliasuuteqartut naapittarfiat

Nuummi aliasuuteqartut naapittarfiat

”Inuusugut assigiinngitsunik aliasuuteqaraluarlutaluunniit iliuuserisartakkagut misigissutsigullu tupinnaannartumik assigiittarput. Aliasunneq, kamanneq anniarnerlu malugisinnaallutigullu oqaatigisinnaagaangatsigit, inuunerpullu namminneerluta aqussinnaasaraangatsigu iluaallatsitsinerusarpugut.Taamaaliorlutalu inuunermik merserinninnginneq, nuannaarneq neriunnerlu aqqutissiorsinnaalersarpagut.” - café Lyttenimiit issuakkat.

Nuup Kommuneani imminornissamik pinaveersaartitsisut »Piareersimasut« inersimasunik qanigisaminnik toqusoqarsimanerata kingunerisaanik aliasuuteqartut naapittarfiannik pilersitsisimapput. Aliasuuteqartut naapittarfianni aliasuttunik allanik aapitsisarlutillu aliasuutitik pillugit inuit allat oqaloqatigisarsinnaavaat. Kisimiinngilatit, aliasuuteqarninni ikiorusuppatsigit.

Ukiaanerani 2011-imi aliasuuteqartut naapittarfianni ataatsimiittarnissat ulluni makkunani ingerlanneqassapput:

• 22.januar
• 19.februar
• 19.marts
• 16.april
• 14.maj
• 11.juni
• 17.september
• 15.oktober
• 19.november
• 17. december

Ataatsimiinnerit tamarmik Blok 10 - 002 nal 13.00 – 15.00 ingerlanneqartassapput. Ataatsimiinnerit marlunnik oqaaseqarluni ingerlanneqartassapput.

Katerisimaarnerni pulaartoqartarpoq, peqataasut namminneq qinigaat najoqqutaralugit naatsumik oqalugiartussamik. Taasinnaavarput sammisassat soorlu: ”ikorfartoqatigiinnik pilersitsineq” aamma ”meeqqanik oqaloqateqarneq”.

Oqalugiartoqareeraangat peqataasut ikorfartoqatigiinnut pingaasunut agguataarneqartarput sukkut
qimagaasimaneq najoqqutaralugu soorlu Imminut toqunnermik, Kræftimik napparsimaneq allatulluunniit toqukkut qimagussimasoq.