Attaveqarfik

Kommuneqarfik SERMERSOOQ Innuttaasunut sullissivik Postbox 1005
3900 Nuuk Tlf.: +299 36 70 00 Fax: +299 31 11 51
E-mail: Ammasarfii
Ataas. - pinga.: 10 – 15
Sisamanngorneq: 12 – 17
Tallimanngorneq: 10 – 12
  • Attaveqarfik peeruk

Siusinaartumik pensionisiat

Siusinaartumik pensionisiat aningaasaqarnikkut ikiorsiissutaapput, peqqissutsit patsisaalluni sulisinnaajunnaaruit qinnutigisinnaasatit.

Siusinaartumik pensionisiat tunngaviusumik aningaasartaqarput, akinut naleqqussarneqarsimasunik aamma tapinik ilaqartinneqartunik.

Illit pillutit suliaq sivisuumik suliarineqarsinnaavoq, matumani patsisaavoq

  • piginnaanngorsaqqinnerup ingerlanneqarnissaa pisariaqarsinnaammat
  • nakorsap uppernarsaataa aamma piginnaanngorsaqqinneq pillugu oqaaseqaat pissarsiariniarneqassammata


Illit pillutit suliaq Oqartussaasoqarfiit Assigiinngitsunik Suliallit Suleqatigiiffiata suliarisussaavaa, Isumaginninnermullu Ataatsimiititaliamut innersuussissaaq, siusinaartumik pensionisiaqalissanersutit taassuma aalajangiiffigissallugu.


Piumasaqaatit
Siusinaartumik pensionisianik pisartagaqalerumaguit

  • 18-it 65-illu akornanni ukioqassaatit
  • Kalaallit Nunaanni, Danmark-imi Savalimmiuniluunniit ukiuni pingasuni aalajangersimasumik najugaqarsimassaatit
  • Kalaallit Nunaanni, nunat avannarliit arlaanni imaluunniit nunami EØS-imik isumaqatigiissummut ilaasumi aalajangersimasumik najugaqassaatit
  • aamma nalinginnaasumik piginnaanngorsaqqinneq ingerlassimassallugu


Taakku saniatigut tulliuttut arlaat pigisariaqarpat

  • dansk-isut innuttaassuseqassaatit
  • Nunani avannarlerni Inunnik isumaginninnermi Sillimmasiineq pillugu isumaqatigiissummut ilaassaatit
  • imaluunniit pensionisiat pillugit qinnuteqarneq sioqqullugu Kalaallit Nunaanni ikinnerpaamik ukiunik pingasunik najugaqarsimassaatit


Paasissutissat
Qinnuteqaatit nutaanngilinngisaannassaaq, illit pillutit suliaq qanorluunniit sivisutigisumik suliarineqaraluarpat.

Siusinaartumik pensionisiat ilinnut tunniunneqartarnissaat akuerineqarpat, piginnaanngorsaqqinnerup ingerlanneqarnerata naammassinera qaammammik qaangerpagu, nalinginnaasumik taakku tunniunneqartalersarput.

Siusinaartumik pensionisiat annertussusaat illit isertitannit aallaaveqartarmata, aningaasaqarnikkut atukkatit eqqortut – aamma siusinaartumik pensionisiaqalereerlutit taakku allannguuteqassagaluarpata – ilisimatitsissutiginissaannut pisussaatitaavutit.

Relateret