PBS-imut ilanngunneq

Una aqqutigalugu toqqaannartumik akiliisarnermut (Betalingsservicemut) ilanngussinnaavutit, taamaalioruit akiligassatit siunissami ingerlaannartumik akilertalissavatit. Kommuneqarfik Sermersooq akiligassanik akiliisarnerit immikkoortiterneqarput, ilannguffigisinnaasatit tassaapput: 

• Immikkoortoq 1: Ullormut paaqqinnittarfiit aamma Meeqanik paaqqinninneq 
  
• Immikkoortoq 2: Eqqaavilerineq 
  
• Immikkoortoq 3: Paaviaaneq 
  
• Immikkoortoq 7: Kollegiemi inimik attartornermut akiliut aamma iserternermi akiliut
  

Ilanngunniarluni immersuiffissap immersornissaa ajornanngitsuuvoq. Qulaani immikkoortoq akiliiffigisartakkannut tunngasoq toqqaruk kiisalu ilanngullutit:

Inuttut suliffiuteqanngitsutut: 

• Immersukkit ateq (navn) najukkat (adresse) aamma illoqarfik (by) 
• Immersoruk immersugassaq "CPR-nr. eller CVR-nr." illit CPR-normut allallugu (kittoraarsernagu) 
• Tamatuma kingorna aningaaserivippit ilisarnaataa (reg. nr.) kiisalu kontoit normua allakkit 
• Immersuiffissami "Kundenr." CPR-normut allaguk (kittoraasernagu)

Suliffeqarfittut: 

• Immersukkit ateq (navn) najukkat (adresse) aamma illoqarfik (by) 
• Immersoruk immersugassaq "CPR-nr. eller CVR-nr." illit GER-normut Inuussutissarsiutinik Ingerlataqartunik Nalunaarsuiffimmeersoq allallugu (takuuk www.ger.gl ) 
• Tamatuma kingorna aningaaserivippit ilisarnaataa (reg. nr.) kiisalu kontoit normua allakkit 
• Immersuiffissami "Kundenr." illit Nuup Kommuniani akiliisartutut normut allassavat (qaammatikkaartumik nalunaarut takuuk)

Peqataaniarlutit nalunaarutivit suliarereernissaata tungaanut akiligassavit allattorsimaffianik nassinneqartarallassaatit, akilissallugu eqqaamasassat. Peqataaniarluni nalunaarneq qaammatit marluk angullugit suliarineqartarpoq.

Eqqakkat paaviaanerlu
Eqqakkat aaneqartarnerannut paaviaanermullu peqataalerniarluni peqataajunnaarniarluniluunniit nalunaarneq sullissivik Sanarfinermut Avatangiisinullu ingerlatsivik aqqutigalugu pisarpoq. Malugiuk! Illup piginnittua kisimi qulaani pineqartunut peqataalerniarluni peqataajunnaarniarluniluunniit nalunaarsinnaatitaavoq.

Betalingsservice pillugu sukumiinerusumik paasisaqarsinnaavutit uani.