Siunnersuisoqatigiit siunertaat

Kommuneqarfik Sermersooq eqqumiitsuliortorpassuaqarpoq kuturikkullu ingerlalluartumik nukittuumillu ingerlataqarfiulluni. Tamatumani pineqarput nalitsinni eqqumiitsulianiit ukiut tuusintillit arlallit oqaluttuarisaanerat pillugu oqaluttuanut.

Kommunip kultureqarnermut politikkiata kulturikkut nutaaliorneq tapersersussavaa eqqumiitsuliortullu sulinermi pitsaasumik atugassaqartinneqarnerat peqataaffigissallugu.

Tamanna siunertaralugu kulturilerinermut tunngasunut immikkut qinnuteqarnermut immikkoortitanut aningaasanik atugassiissuteqartoqarpoq.

Kommuneqarfik Sermersuumi kommunalbestyrelsip 2009-mi novembarip 17-iani aalajangerpaa Aqutsinermut inatsimmi § 31, imm. 3 naapertorlugu Kulturimik siuarsaaneq pillugu Siunnersuisoqatigiit pilersinneqassasut.

Kulturimik siuarsaaneq pillugu Siunnersuisoqatigiit kommunalbestyrelsit tunngavigisassatut aalajangersagaat malillugit aningaasanut kulturimut immikkoortitanut qinnuteqaatinik suliaqartussaavoq:

Siunnersuisoqatigiit katitigaanerat aaqqissuussaanerallu

Kulturimik siuarsaaneq pillugu Siunnersuisoqatigiit arfineq marlunnik ilaasortaqarput.

Kommunalbestyrelsimi ilaasortat sisamat – borgmesteri gruppillu siulittaasui pingasut. Kulturip Illorsuanit Katuamit toqqarneqartoq ilaasortaq ataaseq,

Eqqumiitsuliortut kattuffiannit KIMIK-imit toqqarneqartoq ilaasortaq ataaseq, Kulturimik suliaqartut ilaat, kommunalbestyrelsemit toqqarneqartoq ilaasortaq ataaseq.

Ilaasortat qinigaaffimmut ataatsimut toqqagaasarput.

Borgmesteri Kulturimik siuarsaaneq pillugu Siunnersuisoqatigiinni siulittaasuuvoq Inerisaanermullu ataatsimiititap siulittaasua siulittaasup tulleralugu.

SIUNNERSUISOQATIGIINNI ILAASORTAT 2010 - 2013:

• Asii Chemnitz Narup, borgmesteri, siulittaasoq
• Mille Søvndahl Pedersen, gruppimi siulittaasoq IA aamma Piorsaanermut ataatsimiititami siulittaasoq, siulittaasup tullia
• Martha Abelsen, gruppimi siulittaasoq Siumut
• Justus Hansen, gruppimi siulittaasoq Demokratiit
• Kimmernaq Kjeldsen, Kommunalbestyrelsimit toqqagaq
• Niels Motzfeldt, KIMIK-mit toqqagaq
• Inge Olsvig-Brandt, Katuamit toqqagaq

Siunnersuisoqatigiit siulittaasuat siunnersuisoqatigiinnut avammut sinniisuussaaq, siulittaasoq allatut aalajangiussaqarsimanngippat.

Siunnersuisoqatigiit suliaannut akissarsiaqartitsisoqanngilaq, aningaasartuutilli suliamut attuumassuteqartut kommunimit akilerneqassapput.

Aningaasanut immikkoortitanut qinnuteqarfissatut killiliussanut atasumik Siunnersuisoqatigiit ukiumut 3-4-riarlutik ataatsimiittarput.

Siunnersuisoqatigiit ataatsimiinneri tamanut ammasuunngillat.

Tapiiffigineqarnissamik qinnuteqaatinik suliaqarnermi kulturimut siunnersuisoqatigiit nalilissavaat ilaasortaasut attuumavallaarnersut. Ilaasortaq attuumavallaassaguni tamanna paasissutissiissutigissavaa.

Siunnersuisoqatigiit innersuussutaat nalinginnaasumik amerlanerussuteqartut taasinerisigut aalajangerneqartassapput.

Ilaasortat taasisinnaatitaasut ikinnerpaamik sisamat najuutsillugit Siunnersuisoqatigiit aalajangiisinnaassuseqassapput.

Siunnersuisoqatigiit innersuussutaat Kommunalbestyrelsimut saqqummiunneqassapput.

Borgmesterip Allatseqarfia Kulturimik siuarsaaneq pillugu Siunnersuisoqatigiit ataatsimiinnerini suliaqarnerinilu allatseqarfittut atuutissaaq.