Iserit A/S, Kommunip inissiaatileqatigiiffiutaa

Kommunip inissiaatileqatigiiffiutaata Iserit A/S-ip Komuneqarfik Sermersuup sulisuinut inissiat innersuuttarneri suliarisarpai utaqqiisaalu inissiat ingerlataralugit. Tamakku saniatigut suliffiup kommunip inissiaataasa tunineqartarnerat ingerlataralugu, soorlu piginneqatigiilluni inissiat inissiallu "attartortumiit piginnittumut" aaqqissuussat tunniunneqartarneri. 

Kmmuneqarfik Sermersooq inissianik 1.200 miss. inissiaataateqarpoq, taakkulu 1.januar 2006-imiit Kommuneqarfik Sermersuuata nammineq inissiaatileqatigiiffianiit, Iserit A/S-imiit, aqunneqalerput.

Apeqqutissaqaruit, soorlu attartorlugu inigisat pisiarissallugu soqutigigukku imal. Kommuneqarfik Sermersuuani atorfeqarsimaguit suliffinnullu atatillugu inissannik perusukkuit, taava sianerit oqarasuaammut 36 30 00. Iserit A/S nammineq nittartagaqarpoq.