Ittoqqortoormiini nannuttassat tamakkerneqarput
Attaveqarfik
Kommuneqarfik SERMERSOOQ Sanarfinermik Avatangiisinullu Ingerlatsivik Imaneq 20, 1. & 2. salPostboks 1005
3900 Nuuk Tlf.: 36 74 00 Fax: 32 43 06
E-mail: sai@sermersooq.gl Ammasarfii
Nunaminertanik tunniussisarneq
Kalaallit Nunatsinni nuna tamarmi aallaqqaatitut ataatsimoorullugu tamanit pigineqarmat nunaminertaq nutaaq atulertinnagu pinerit tamaasa nunaminertanik pisortanut atornissaanut pisinnaatitaassummik qinnuteqartassaatit. Taanna atornissaanut pisinnaatitaassut nunaminertamik tunineqarneq aqqutigalugu pissarsiarissavat.Nunaminertanik tunniussinerni qinnuteqaateqartarneq aamma nunaminertanut kommunip killingata avataaniittunut atuuppoq. Kommunit killeqarfiisa avataanni nunaminertanik qinnuteqaateqarnermi qinnuteqaat Kommuneqarfik Sermersooq-mut nunaqarfiit illoqarfiillu allafiinnut tunniunneqassaaq, taannalu Namminersorlutik oqartussanut ingerlateqqinneqartassaaq suliassanngorlugu, tassa Ineqarnermut Attaveqarnermut Avatangiisinullu Naalakkersuisoqarfik-mut.
Nunaminertamik atugassiisarnermi piumasaqaatit nalinginnaasut uani takuneqarsinnaapput.
Nunaminertamik tunineqarnissat qinnuteqaatigissavat kommunimut makkuninnga pisoqassatillugu:
- Nutaamik illuliornermi
- Illu allanngortitissappat ilassappalluunniit
- Illu atuutereersup atorneqarnera allanngortissappat
- Piginninneq allamut nuunneqassappat
Qinnuteqaateqarnermut immersuiffissaq uani ippoq. Immersuiffissaq immersorneqassaaq, atsioriarlugu nunaqarfimmi illoqarfigisamiluunniit kommuunip allaffiinnut tunniunneqassaaq.
Qinnuteqaateqarnermi piumasaqaatit
Qinnuteqaammi paasissutissiissutigissavatit nunaminertap qinnutigineqartup angissusia sumiinneralu, kiisalu nunaminertap qanoq/sumut atornissaa kissatiginerlugu.
Nunaminertami tunniunneqartumi sanaartorusukkuit suliassat missingersorlugit sumiiffimmi qanoq isikkoqarnissaa, illup tunngaviata isikkua illullu silataaniit isikkua ilanngullugit nassiunneqassapput.
Qinnuteqaateqarnissaq piareerpat immersuiffik nunap assinganik ilalerlugu nunaqarfimmi imal. kommunip allaffianut tunniutissavat, qinnuteqaallu tassanngaanniit suliap suliareqqinneqarnissaanut ingerlateqqinneqassaaq.