Attaveqarfik

Kommuneqarfik SERMERSOOQ Sanarfinermik Avatangiisinullu Ingerlatsivik Imaneq 20, 1. & 2. sal
Postboks 1005
3900 Nuuk Tlf.: 36 74 00 Fax: 32 43 06
E-mail: Ammasarfii
  • Attaveqarfik peeruk

Sanaartornissamut akuersissut

Sanaartornermut suliap pisortanit suliarineqartinnagu suliassat suussusii ersarissumik naammattumillu nalunaarsorneqassapput, taamaalilluni piffissamik sipaartoqassammat paasissutissanik pisariaqartunik ujarlerneq pinngitsoortinneqassammat, tassa inatsisit aalajangersakkallu naapertorlugit sanaartornermik ingerlatsinermi pisortatut suliarinninnermut tunngatillugu.

Sanaartornissamut akuersissummik qinnuteqaateqartinnani nunaminertap atorneqarnissaanut akuersissummik qinnuteqaateqaqqaartoqartariaqarpoq, tassa nunaminertaq illuliorfissatut qinersimasaq eqqarsaatigalugu. Nunaminertanik tunniussisarnernut paasissutissat qinnuteqaateqarnermilu immersuiffissat uani aaneqarsinnaapput.

Sanaartornissamut akuersissut pillugu qinnuteqaateqarfissaq uani takusinnaavat
Sanasinnaanermut akuersissut pillugu qinnuteqaateqarnissamut ilitsersuut uani takusinnaavat

Suliarinninnerup oqinnerunissaa pillugu immikkoortut makkua immersorneqassapput:

  • Nunaminertamut agguaassinermi A nr.
  • Sanaffissap sumiiffiata (koordinater) nalunaarutigineqarnera
  • aqquserngup aqqa/sanaffissaq
  • B-nr. (illup normua)

Qinneteqaat uunga nassiunneqassaaq:
Nuup Kommunia
Teknikkimut Avatangiisinullu Ingerlatsivik
Sanaartornerni pisortat
Postboks 1005
3900 Nuuk

Imaluunniit nammineerluni tunniussinikkut

Sanaartornerup aallartinnissaanut akuersissut
Sanaartornermut pisortat suliassamik sananermi teknikkikkut aalajangersakkat, Sanaartornermi malittarisassat 2006 (BR-2006), najoqqutassiat il. il. naapertorlugit nassaarpat sanaartornerup aallartinnissaanut akuersissut nassiunneqassaaq.

Sanaartornerup aallartinnissaanut akuersissut aatsaat tigoreerukku sanaartorneq aallartinneqarsinnaavoq, tassa sanaartornerup aallartinnissaanut akuersissummut piumasaqaateqartoqarsimassappat tamakku qiviarneqaqqaartariaqarmata.

Sanaartorneq naammassineqarpat
Sanaartorneq naammassineqarpat sanaartornermi pisartaq naggataarutaasumik qimerluuinissamik qinnuigineqassaaq.Ilutigalugu pisortat allat akuersissutaasa assilineqarneri nassiunneqassapput. Sanaartornermut pisortaq illuliornermut oqaaseqaateqarsimanngippat suliassarlu akuersissutigineqarsimasoq naapertorluarlugu ingerlatsisoqarsimappat, illumik atuilersinnaanermut akuersissummik nassinneqassaatit. Tamatumallu kingorna illu aatsaat atorneqarsinnaalissaaq.

Ilaqutariinnut ataatsinut (illut marloqiusat, rækkehusit il. il.) illunut akuersissutit akiliut nalingininnaq 500,- kr.uuniussasoq aalajangiunneqarpoq inissiamut ataatsimut. Sanaartukkanut allaanernut 500,- kr.-uuni aalajangiunneqarpoq 3,- kr.uunilu m2-terimut 200 m2 sinnersimagaanni.

 

Relateret