Attaveqarfik

Kommuneqarfik SERMERSOOQ Innuttaasunut sullissivik Postbox 1005
3900 Nuuk Tlf.: 36 71 90 Fax: 32 33 75
E-mail: Ammasarfii
Ataas. - pinga.: 10 – 15
Sisamanngorneq: 12 – 17
Tallimanngorneq: 10 – 12
  • Attaveqarfik peeruk

Illorput, Nuussuaq

Illorput marlunnik immikkoortunik attartorneqarsinnaasunik iniuteqarpoq. Ataatsimiinnernut, pikkorissarnernut, nalliuttorsiortunut, ilassinninnernut atorneqarsinnaavoq. Ataani allassimasut atuakkit!


Inersuaq

Illorput-mi inersuaq ataatsimiinnernut, kursusernernut, ilassinninnernut nalliuttorsiortunillu attartorneqarsinnaavoq.

Inersuup attartorneranut igaffik ilaavoq. Igaffimmi iganermut nerinermullu atortut pigineqarput.

Inuit 80-it inersuarmiissinnaatitaapput.


Ineeraq

Illorput-mi ineeraq ataatsimiinnernut, kursusernernut, ilassinninnernut nalliuttorsiortunut unnuiffissatullu attartorneqarsinnaavoq.

Ineeraq igaffeeraqarpoq. Igaffimmi iganermut nerinermullu atortut pigineqarput.

Inuit 20-it ineeqqamiissinnaatitaapput.


Piffissamik inniminniineq

Attartornissamik paasiniaaffissaq piffissamillu inniminniiffissaq; jomg@sermersooq.gl –ikkut ingerlasinnaavoq, imaluunniit oqarasuaat atorlugu uunga; 34 73 17.


Attartornermi isumaqatigiissut

 

Attartornissaq aatsaat qulakkeerneqartarpoq, isumaqatigiissut attartortup attartortititsisullu atsioqatigiinnerisigut.

Attartornermut akiligassaq sapaatip akunnera ataaseq sioqqullugu akilereerneqassaaq, akiliummut eqqiaaneq ilaavoq.

Attartornermut akit

Attartornermut akiliut konto normumut uunga ikineqarsinnaapput; 6471-1000052 imatut ilisarnaaserlugu 53-06-65-71-00, atillu allallugu.

Akiliisimanermut uppernarsaat uunga nassiunneqarsinnaavoq; jomg@sermersooq.gl , uppernarsaatip takutereernerata kingorna aatsaat isumaqatigiissummik atsioqatigiittoqarsinnaavoq.

Sanaluttarfik

Illorput sanaluttarfeqarpoq, ulluinnarni ammasarfii 9.00-16.00. Kikkulluunniit sanalunnermik soqutigisallit sanalukkiarsinnaapput.