Tapiiffigineqarsinnaanermut periarfissat

Namminersorlutik Oqartussat aallarnisaasunut suliffeqarfinnullu iluanaarnartumik arlalinnik aaqqissuussinissamik neqerooruteqarput. Ilaatigut tunngaviusumik klippekortinik, avammmut nioqquteqarnermut nutaaliornermullu klippekortinik tunniussisarneq, taarsigassarsinermut qularnaveeqqusiisarneq tunisassianillu ineriartortitsinermut tapiissuteqartarneq eqqarsaatigalugu Grønlands Turist- og Erhvervsråd aqqutigalugu Namminersorlutik Oqartussanut attaveqartitsisarpugut.

Aaqqissuussinermut ilanngunneqarsinnaassagaanni suleriaasissaliornissaq piumasaqaataavoq.

qularnaveeqqusiinermut tunisassianillu ineriartortitsinermut tapiissutinut qinnuteqarfissaq ataani pissarsiarisinnaavat.

• Suleriaasissaq 
  
• Tunisassianik ineriartortitsinermut tapiissutit
  • Takornariartitsisarnermik inuussutissarsiuteqarnermi nunamilu inuussutissarsiuteqarnermi tunisassianik ineriartortitsinermut kiisalu takornariartitsisarnermik inuussutissarsiuteqarnermi taarsigassarsianik allanngortitsisarnermut tapiissuteqartarneq pillugu Namminersornerullutik Oqartussat nalunaarutaat nr. 9, 5. april 2002-meersoq.
    
• Taarsigassarsinermut qularnaveeqqusiineq
  • Takornariartitsisarnermik inuussutissarsiuteqarnerup aamma nunami inuussutissarsiutit siuarsarneqarnissaat pillugit Inatsisartut inatsisaat nr. 14, 12. november 2001-imeersoq.

Aamma allaffitsinnut alakkarsinnaavutit Nuukullak 35, 3900 Nuuk.