Attaveqatigiiinnermut immikkoortortaq - AI

Attaveqatigiinnermut immikkoortortap pingaarnertut suliassaraa kommunimit nutaarsiassat paasissutissiinerillu innuttaasunut aamma soqutiginnittunut allanut siammartissallugit, attaveqaatit assigiinngitsut kiisalu kommunip nittartagaa aammalu Kommuneqarfik Sermersuumi sumiiffinni tamani Infoboardit atorlugit.

Immikkoortortami suliassat assigiinngiiaartorpassuit nutaarsiassalerinerinnaanngillat, aammali kommunimi ingerlatsiviit assigiinngitsut politikkikkullu suliallit oqariartuutiminnik avammut apuussinissaannut kiffartuunnissaat isumagineqartarpoq, takoqqusaarinerit paasisitsiniaanerillu assigiinngitsut atorlugit.

Attaveqatigiinnermut immikkoortortap suliassaanut ilaapputtaaq tusagassiuutinut nalunaarusiornerit, taakkununngalu attaveqarnerit.

Taakkartorneqartut saniatigut immikkoortortaqarfiup suliassaraa Kommuneqarfik Sermersuumi sulisunut nutaarsiassanik paasissutissiinernillu, suliffeqarfiup iluani nittartagaq pingaarnertut atorlugu, suliaqartassalluni.  

Attaveqatigiinnermut immikkoortortaq aamma tassaavoq illit innuttaasutut atuisutulluunniit kommunip suliassaqarfiisa iluini nalornissutinnik attavigisinnaasat.

Immikkoortortap ataatsimoorussamik e-mailianut, saneraani talerperlermi allassimasumut, allassinnaavutit aamma imaluunniit kommunip sianertunut ingerlatitseqqiisarfianut sianersinnaallutit.

Immikkoortortap sulisui tamatigoortut attaveqarfigisinnaavatit, saamiatungaaniittoq  ”Sulisut” iserfigalugu.