Borgmesterip Allattoqarfiata immikkoortortaqarfii

Borgmesterip Allattoqarfia Nuup saniatigut illoqarfinni sisamani sinniisuutitaqarpoq. Borgmesterip Allattoqarfia Paamiuni Tasiilamilu Innuttaasunik Sullissivinni sinniisoqartinneqarpoq tassungalu ilanngullugu Ittoqqortoormiini aamma Kangilinnguani tamarmik ataatsimik immikkoortortami aqutsisumit sinniisuuffigineqarluni.

Najugarisap avatani Borgmesterip Allattoqarfiani suliassat pingaarnerit tassaapput:

• Najukkami politikerinut allattaaneq, tassunga ilanngullugu nunaqarfinni aqutsisunut
• Kommunalbestyrelsip aalajangiineranik siammarterinernut/atuuttussanngortitsinernut akisussaaneq
• Immikkoortortanut tamakkunanilu fagchefinut allaffissornikkut siunnersuinerit
• Aaqqissuussaanerup suliassanut ingerlaavartumik naleqqussarneqartarnissaanut akisussaaneq
• Najukkami allaffissornikkut aaqqiinerit ineriartortinneqarnissaannik nutarterneqartarnissaanillu qulakkeerinninnerit
• Qitiusumik immikkoortortanit pingaarnertut attaveqaatinik qulakkeerinninnissamut akisussaaneq
• Najugarisap avataanut aningaasaliissutinut akisussaaneq
• Suliassat nukinginnartut najukkami sumiiffinnut attuumassuteqartut
• Najugarisap avataanut aningaasaliissutinik malinnaatitsinerit nakkutilliinerillu
• Qinersinissanut piareersaaqataanerit
• Najugarisap avataani najugarisamilu toqqortaasivinnut akisussaaneq
• Angalanernut naatsorsuuserineq aamma ullormusiassanik naatsorsuinerit akiliinerillu
• Pisortanit katitsinerit/palasiunngitsumit katitsinerit
• Kommunip atuakkanik atorniartarfiutaanik isumaginninneq
• Inatsisinik katersaatinik isumaginninneq
• Pisortatigoortumik aaqqissuussinerit
• Toqqortuinerit allakkanillu agguaassinerit
• Najugarisap avataani Sulisoqarnermut immikkoortortatut atuunneq

Tamakku saniatigut Innuttaasunik Sullissivinni aqutsisut najugarisap avataani ingerlatsivinni pingaarnertut akisussaaffeqarput.