Siunnerfilersuiffik

Politikkikkut pingaarnertut piumasaqaataavoq: ”Nutarterineq – Oqilisaaneq – Sorlaqartitsineq”. Ataatsimut aaqqissuineq tunaartaralugu ikorfartorneqassaaq, pisortaqatigiit borgmesterilu peqatigalugit politikkikkut allaffissornikkullu qaffasissuseq pingaartillugu politikkikkut takorluukkanik aalajangiussisinnaassalluni.

Siunnerfilersuiffiup isumagissavai:

• Nutaamik eqqarsarnissamut politikkikkut piumasarineqartut suleqataaffiginissaat ikorfartussallugit pisortaqatigiillu peqatigalugu piviusunngortitsinissamut pilersaarusiornermik suliarinninneq.
• Politikkikkut anguniakkat politikki aqqutigalugu piviusunngortinneqarnissaannut pilersaarusiorneq aamma iliuuseqarnissamut pilersaarusiorneq
• Kommunip iluani suliamut tunngasunik sutigut tamatigut politikkinik ataqatigiissunik saqqummiussassanik suliarinninneq
• Nakkutilliineq aqqutigalugu siulersuineq pillugu paasissutissiinermi kommunip KANUKOKA peqatigalugu ineriartortitassaanut peqataaneq.
• Poltikikkut saqqummiunneqartussanik kommunillu ataatsimut politikkikkut sammisat pillugit borgmesterip oqaasissaanik suliarinninneq

Politikkikkut suliniuteqartoqartillugu SIA eqiingasumik siunersioqatigineqartassaaq.

SIA-p borgmesteri aamma pisortaqatigiit sullisissavai.

SIA-p suliai borgmesterimit aamma pisortaanermit isumasiorneqartassapput.

SIA-p suliat tamaasa ataqqinnilluni naammassisassavai aamma immikkoortortat piviusunngortitsinissamut ingerlatsinermullu akisussaaffeqarlutik suliaqartut qanimut suleqatigissallugit. Suliani tamani aaqqissuussinermi nalunaarsuisoqartillugu sammineqartumut aalajangersimasumut sammineqartumut tunngasunik ilisimasaqartoq peqataatinneqartassaaq. Suliamut peqataasut ataasiakkaat qanoq inissisimanerat, akisussaanerat pillugit kiisalu suliap suliarineqarnissaanut piffissarititaq pillugit erseqqissumik isumaqatigiissusiortoqartasssaaq. Sivisunerusumik sulianik ingerlatsisoqartillugu ”inissiineq” pisariaqarsinnaavoq.
Pisortaq akisussaasoq suleqatigiinnut ilaasortassanik toqqaassaaq.

SIA sutigut tamagut politikkikkut isumalioqatigiissitamik pilersitsinermi, nunanik assigiinngitsunik suleqarteqarnermi aamma kommunit akunnerminni ataatsimiinnissaat oqalliffiusussat politikkikkut piareersaaneranni aalajangersimasumik ataqatigiissaaralutik suliaqartarput.