Attaveqarfik

Kommuneqarfik SERMERSOOQ Ivittuut Rådhuspladsen 1
Postboks 82
3930 Kangilinnguit Tlf.: +299 69 10 77 Fax: +299 69 10 73
E-mail: Ammasarfii
  • Attaveqarfik peeruk

Ivittuut oqaluttuarsartamerngat

Ivittuut 1951-imi kommuninngorpoq. Taamani kryolit-inik ingerlatsivimmit atorluarneqarpoq, 1987-i tikillugu ingerlasimasumit, kryolit-usanik pilersitsisalernerup unammillernarpallaarneranik pissuteqartumik unittariaqalernera tikillugu. Kryolit-mik (græskisut: kryo = siku, lith = ujarak) aserorterineq Kalaallit Nunaanni oqaluttuarisaanermi aningaasatigut ullumikkumut suli annerpaajuvoq tamannalu soorunami ulloq 15. december 1987-imi assaavik matuneqarmat ulluuvoq nuanninngitsoq.

Ivittuut ateqaatigaat iveqarluarnini tassalu nunataata qorsooqqillunilu naggorissuunera aqqata nalunaarpaa. 

Inissisimaffik Ivittuut avannaani isorartussusermi 61 grademi inissisimavoq. Kalaallit Nunaanni kommuunit mikinersaraat - 600 kvadratkilomiiterit missaani isorartussusilik, Lollandip angeqqatigisaatut oqaatigineqarsinnaalluni - avannaatungaa Arsuup kangerluanut kujataatungaanilu Qoornup kangerluanut killeqarfeqarluni. 

600 kvadratkilomiiteriniit nunataa 450 kvadrakilomiiteritut annertutigisoq sermeqanngilaq, 50 kvadratkilomiiterilu sikumit qallerneqarsimavoq, imartarlu 100 kvadratkilomiiteriulluni. Tassani annertussusermi Kalaallit Nunaata pinngortitamik, pisartunillu assigiinngitsunik peqarnera nassaarineqarsinnaapput, Ivittuut Kommuuniani asseqanngitsuusut. Qaqqarsuit kommuunimiittut naliginnaasumik 600-800 miiterinik portussuseqarput, Qilakitsoq (Laksefjeldet) portunersaalluni 1.091 miiteriugami.

Ivittuut eqqaat sermersuup ujangisimanerinik pingasunik peqarpoq, tasaallutik kangerluup iluani Sermeq (Arsuk Bræ) aamma  Qoornup Qinnguata Sermia, (Søndre Qoornoq Bræ) narsaamanermut sermip unerartitaanik ujaraalluni sioralimmik marrannaasunut killeqartoq kiisalu Qinngorlersuup Sermia ( Nordre Bræ)  tatsimut killeqartoq. Qoornup Qinnguata Sermiata immikkut soqutiginaatigaa ammaloqisaanngorsimasunik amerlasuunik katagarnikunik ujaranngorsimasunik ipalinnik peqarmat.