Tasiilap oqaluttuassartamernga

Kommuni pilersinneqarpoq kommunalbestyrelsimut siullermik qinersisoqarmat 1. januar 1963-imi, taamaalilluni ullumikkut kommunalbestyrelsi atuuttoq kommunalbestyrelsiuarsimasut aqqanilissaraat. 

Kommuni nunatamigut angissuseqarpoq 250.000 km2-inik, Danmark-i tallimariarlugu angissuseqarluni.

Ulloq 1. januar 2007 -imi kommunip innuttai 3.079-iupput, taakkunaniillu 1.895-it missaat illoqarfimmi najugaqarlutik, taavalu 1.174 -it missaat nunaqarfinni tallimani agguarsimallutik Kuummiuni, Kulusumi, Tiniteqilaami, Sermiligaami aammalu Isertumi.

Kommuni avannamut killeqarfeqarpoq Ittoqqortoormiit kommuniannut, kimmut kujammullu killeqarfigalugit avannamut Ilulissat, kujammullu Nanortalik, kommunillu kommuneqarfinnut katillugit 13-inut killefarfeqarpoq.

Ukioq tamaat sapaatip akunneranut arlaleriartumik kommunimut timmisartunik tikittoqartarpoq Kangerslussuarmiit (Søndrestrømfjord), Nerlerit Inaanniit (Konstabel Pynt) aamma Islandimi Keflavikimiit Reykjavikkimiillu.  Aasaanerani timmisartut ullut tamaasa Reykjavikkimiit Kulusumut tikerartuartarput timmisartoq ataaseq pingasulluunniit ilaatigullu amerlanerusut.

Immakkut angallattoqarsinnaavoq junip aallartinneraniit oktobarip naaneranut.

Immakkut angallaffiup avataani nunaqarfinnut tamanut sapaatip akunneranut ataasiarluni qulimiguulimmik attaveqatarpoq, Qernertuarsuit Ikkatserlu minillugit.