Meeqqanik Inuusuttunillu Siunnersuisarfik - MIS

Meeqqanik Inuusuttunillu Siunnersuisarfik (misi) / Rådgivningscenter om børn og unge

Misi tassaavoq siunnersuisarfik psykologinik (tarnip pissusaanik ilisimasalinnit) arfinilinnit inuttaqartoq (taakkunanit ataaseq misi-mut fagchefiulluni), aammalu inuttaralugit meeqqanut inuusuttunullu siunnersortit marluk (aappaa misi-mut pisortap tullersortaalluni), inunnik isumaginninnermik siunnersortit pingasut, ilinniagaqarfeqarfimmut meeqqanut inuusuttunullu siunnersortit marluk, talepædagogit (oqallorissaasut) marluk aammalu allaffimmi fuldmægtigi ataaseq. Taakku saniatigut ingerlatsivimmut oqalutsimik misi atorfeqartitsivoq.

Ulluinnarni meeqqat inuusuttullu atugarissaarnerinik siuarsaanissamik misi suliaqartuuvoq. Misi-p sulissunniagai 0-18-inik ukioqarput.

Maannakkut misi-p suliffigivai Nuuk aamma Tasiilaq, nunaqarfiillu arfineq-pingasut. Januar 2012-imi Paamiunut, Arsummut, Ivittuunut aamma Ittoqqortoormiinut PPR-imik aamma VSP-mik suliaqarfiit misi-mut tunniunneqassapput.

Misi-mut suliassat pingaarnerpaat:

·          Immikkut ittumik ilinniartitaanermut annertuumut atatillugu misissuinerit nakkutilliinerillu

·          Angajoqqaanik aamma ilinniarsimasalinnik (ilinniartitsisunik, perorsaasunik, inunnik isumaginninnermik siunnersuisartunik, peqqissaasoqarfimmi sulisunik il.il.) siunnersuillunilu ilitsersuinerit

·          Meeqqanik misissuinerit (misiliisarnerit), oqalunnermik ilinniartitsinerit, aamma meeqqanik inuusuttunillu sivikinnerusunik oqaloqatiginnittarnerit

·          Pinaveersaaniutinik suliat, pingaarnerutillugit pikkorissartitsinertut ilusilinnik, kiisalu sammisat akimorlugit oqalliffinni, suliniutini suleqatigiissitanilu peqataaneq.

Meeqqat angajoqqaaminnit, imaluunniit angajoqqaat suleqatigalugit atuarfimmit meeqqerivimmiillu inassutigineqarsimasut misi-p suliaqarfigai. Inassuteqarnissamut immersuiffik misi-mit pissarsiariniarneqarsinnaavoq.