Nuup Kommuneata ilisarnaataa

Ilisarnaat ilinniartitsisup Ejner Heilmann-ip, Nuuk titartarsimavaa kiisalu heraldiker Sven Tito Achen, Heraldisk Selskab-imeersup sananeqarnera peqataaffigisimallugu. Ilisarnaat Kalaallit Nunaanni Landshøvdingemit ukioq 1973-mi akuersissutigineqarpoq kiisalu 29. oktober 1986-mi Piginnittussaatitaanermut Pisiassat ilisarnaataannut qullersaqarfimmiit nalunaarsorsneqarsimalluni.

Nuummi Ilinniarfissuaq qorsummik qalialik, aappaluttumillu anorisaatilik kiisalu igalaavi sungaatut tungujortumik tunuliaquserlugit sulisarineqarsimapput. Illup ungataani Sermitsiaq takuneqarsinnaalluni. Illup ataatungaani sungaartumik paatitaqarpoq taassumalu ataani pingasunik malingaasiornermik titartaaffigineqarsimalluni.

Ilinniarfissuaq Kalaallit Nunaanni ilinniarfiit kulturikkullu pingaaruteqarnerpaatut inissisimajuarsimavoq. Illutaa ukioq 1907-meersuuvoq aammalu Kalaallit Nunaanni illunut kusanarnerpaanut ilaalluni.

Sermitsiap qaqqaa Nuup qaqqaasa ilisarnarnersaraat kiisalu illoqarfimmiit 15 km-terisut ungasitsigaluni qeqertami Sermitsiami illuni. Sermitsiaq 1208 meterinik portussuseqarpoq.

Qaannap paataata nunap inoqqaavisa inuutissarsiutaannnut, imarmiunillu piniaratarnermut tikkuussisuuvoq, aammattaarlu eqqaasinniarluta Kalaallit Nunaat Nuummiit aqunneqarmat.

Maligaasiornerit pingasut tungujortut imaq kiisalu Nuup Kangerluanullu assersuutaavoq, titarnerillu qaqortut maligaasiortut imaani sikunut assersuutaallutik.