Ittoqqortoormiini nannuttassat tamakkerneqarput
Attaveqarfik
Kommuneqarfik SERMERSOOQ Kommunikationsafdelingen Kuussuaq 2Postboks 1005
3900 Nuuk Tlf.: 36 70 00 Fax: 31 11 51
E-mail: kommunikation2@sermersooq.gl Ammasarfii
Januaari
Kalaalimineerniarfiup nutaap aammaanersiornera
Nuuk: Kalaalimineerniarfik nutaaq utaqqisaasimasoq oqalugiarnernik nipilersornernik kaffisortitsinermillu imalimmik pisortatigoortumik ullumi ataasinngornermi januaarip 31-anni nal.13.00 ammaanersiorneqarpoq.
Imigassaq aanngajaarniutillu immikkut sammineqassaput
Kommunalbestyrelse pingasunngorpat februaarip aappaani nal.9.00-15.45 imigassaq aanngajaarniutillu pillugit immikkut sammisaqassaaq.
’A Taste of Greenland’ pillugu ataatsimiinnersuaq
TV-ikkut aallakaatitassiaq ’A taste of Greenland’ Nuummit aallakaatinneqartussaq sunniuteqarfiginiarukku, taava Kommuneqarfik Sermersuup ataatsimiigiaqqusineranut marlunngorneq 1. februaari Katuami inersuaqqami nal. 19.00 – 21.00-ip tungaanut peqataagit.
Peqqinneq Pitsaaliuinerlu pillugit Sullissivik Tasiilami
Peqqinneq Pitsaaliuinerlu pillugit Sullissivimmi sulisut Nikku Olsen, Karen Kreutzmann, Kiiu Olsen, Villads Sandgreen Linda Petrússenilu ullumi Tasiilamut aallarput.
Motoori unitsiguk avatangiisillu eqqarsaatigikkit
Pinngortitamut piujuartitsinermullu immikkoortortaqarfimmiit kajumissaatigineqarpoq qamutit motorillit imaluunniit sanaartornermut atatillugu maskinat minutsip missaani uninngatinneqassatillugit motooriat unitsinneqartassasoq.
Inuussutissarsiornermik Inerisaavik Paamiuni
Rasmine Geisler aamma Kathrine Rosbach Inuussutissarsiornermik Inerisaavimmeersut ullumi Paamiunut aallarput aallarnisaasunut takornarialerisunullu sapaatiuppat januaarip 30-anni pingasunut Taqqissuumi saqqumiiartorniarlutik.
Aningaasaqarnermut Ataatsimiititap aalajangiisinnaatitaanerata allanngornera
Kommunalbestyrelsep januaarip 21-anni immikkut ittumik ataatsimiinnerani aalajangiuppaat Aningaasaqarnermut Ataatsimiititap aalajangiisinnaatitaaffii ilaneqassasut.
Peqatigiiffiup paasissutissai nalunaarutiginissai eqqaamaguk
Peqatigiiffiit pioreersut kingusinnerpaamik maajip aallaqqaataani paasissutissanik pisariaqartinneqartunik nassiussinikkut Kommuneqarfik Sermersuumit tapiiffigineqarsinnaassapput.
Umiatsianik glasfiberinik iluarsaarnermut pikkorissartitsineq
Kommuneqarfik Sermersooq KNAPK suleqatigalugu Illoqqortoormiuni umiatsianik glasfiberinik iluarsaasinermut januaarip 28-anniit februaarip aappaata tungaanut pikkorissartitsissapput.
Kalaalimineerniarfik nutaaliaq februaarip 1-ani ammassaaq
Kalaalimineerniarfik nutaalianik atortulersugaq pisortatigoortumik januaarip 31-ani Nuummi atoqqaarfissiorneqassaaq, aqaguanilu pisiniartoqarsinnaalissaaq.
Kulturimut tapiissutit agguaanneqarput
Qinnuteqartut 26-t kulturimik siuarsaanermut siunnersuisoqatigiinnit nalilersorneqarput aqqanillillu aningaasaliiffigineqartussatut toqqarneqartut katillugit 1.115.440 kr.-nik aningaasaliiffigineqarlutik.
Unnuk kulturisiorfimmi assilisat
Kommuneqarfik Sermersuup illoqarfinni assigiinngitsuni aaqqissuussai pulaarneqarluarput unnullu ingerlalluaqaluni.
Peqatigiiffinnut kulturikkut ingerlatalinnut isumasioqatigiinneq
Nuummi peqatigiiffiit kulturikkut ingerlataqartutut nalunaarsorsimasut tamarmik januaarip 19-anni nal.13.00-17.00 katersortarfimmi isumasioqatigiinnissamut qaaqquneqarput.
Borgmesterip kulturisiornissami oqalugiarnissaa nuunneqarpoq
Borgmester Asii Chemnitz Narupip Unnuk Kulturisiorfimmi ammaanersiorluni oqalugiarnissaa Kommuneqarfip Allaffiata silataanut nuunneqarpoq, kommunalbestyrelsillu ataatsimiittarfianiinnissaralua taamaatinneqarluni.
2011-mi angalanissamut tapiissutit
Illoqarfimmut nunamulluunniit allamut angalanissamik kissaateqaruit Kommuneqarfik Sermersuup angalanermut aningaasaateqarfia 2011 qinnuteqarfigisinnaavat.
Paamiuni unnuk kulturisiorfik
Unnuk kulturisiorfik savap suppianik, kalattuunik suliffeqarfinnullu pulaarnernik neqerooruteqarpoq.
Borgmesterip kunngikkormiunut marlulissanut tunissutai
Kunngissap nulia Mary januaarip arfineq pingajuani marlulissanik ernivoq, niviarsiaraq nukappiararlu. Inoorlaat borgmesterimit maavaartunik oqortunillu maanna tunissutissarsipput.
Tasiilami unnuk kulturisiorfik
Unnuk taanna Kommuneqarfik Sermersuumi videokkut attaveqaat atorlugu illoqarfiit akornanni attaveqatigiinnermi aliikkusersueqatigiinneq kommunip allaffianiit malinnaaffigineqarsinnaavoq Tunumilu Inuussutissarsiutitigut Ilinniarfik (TII) katersugaasivillu pulaarneqarsinnaallutik.
Nuummi unnuk kulturisiorneq
Kommuneqarfik Sermersuup Nuummi suliffeqarfiutai assigiinngitsut pulaarneqarsinnaapput.
Illoqqortoormiuni unnuk kulturisiorfik
Illoqqortoormiut illoqarfinnut allanut videokonferencetigut attaveqarnikkut unnuk kulturisiorfimmi peqataassapput. Illoqqortoormiut illoqarfinnit allaniit nalunaaquttap akunnerinik marlunnik siulliugami unnummi tassani aatsaat nal.21.00 aallartissaaq.
Unnuk kulturisiorfik: Video atorlugu kommuneqarfik misigisaqarfigiuk
Unnuk kulturisiorfik aallartissaaq nal. 19.00 kommuneqarfimmi illoqarfiit videomik atortorissaarutit atorlugit imminnut attaveqatigiissallutik. Kommunalbestyrelsip ataatsimiittarfianit Nuup, Tasiilap, Paamiut aamma Illoqqortoormiut imminnut attavigisinnaassapput.
Tarnikkut ikiueqqaarnermi atuagaaraq ilitsersuut kalaallisut
Dansk røde korsip atuagaaraata Vejen ud af krisen kalaallisuunngortinnerata ullumi marlunngornermi januaarip 18-anni saqqummersinnera Tungiuinermut Ingerlatsiviup Kalaallillu Røde Korsiata aaqqissuussaannik ilasseqatigiinnermi malunnartinneqarpoq.
Pisortaanertaaq tikilluaqquneqarpoq
Kommuneqarfik Sermersuumi pisortaanertaaq Søren Hald Møller ullumi suliffittaamini aallartippoq suliffittaaminilu borgmesterimit illoqarfinnilu assigiinngitsuni sulisunit videokonferencekkut tikilluaqqusaalluarluni.
Igaffik nutaaliorfik nutaaq ammalerpoq
Tunisassiornissamut iggavimmik akuerisaasumik amigaateqarpit? Februaarip 15-anni Inuussutissarsionermik Ineriartortitsinermi Immikkoortortaqarfik nammineq aallartisartunut akuerisaasumik attartorneqarsinnaasumillu iggaveqartumik illumik ammaassaaq.
Aqqusinerni pujoralak innuttaasut iluaagaat
Nuummi aqqusinerni pujoralak pillugu Kommuneqarfik Sermersuumut piffissami matumani saaffiginnittorpassuusarput. Innuttaasut isumaqarput, aqqusinikkoorluni pujoralak iluaaqisoq, siunissarli qaninnerusoq eqqarsaatigalugu ajoraluartumik tamanna iliuuseqarfigineqarsinnaanngilaq, Sanarfinermut Avatangiisinullu Ingerlatsivimmit taama nalunaaruteqartoqarpoq.
Nuummi refleksit nutaat nuannarineqaqaat
Ippassaq januaarip 12-anni borgmesteri, kommunalbestyrelsimi ilaasortat, pinaveersaartitsinermut siunnersortit betjentillu nuannarineqaqisumik Kommuneqarfik Sermersuup refleksiutaanik nutaanik illoqarfiup qeqqani agguaapput.
Peqqinneq Pitsaaliuinerlu pillugit Sullissivik nutserpoq
Kommuneqarfik Sermersuumi Peqqinneq Pitsaaliuinerlu pillugit Sullissivimmi sulisut blok 5-007-mi allaffittaarput.
Nuummi 1. klassimut allatsinneq
Meeraqaruit ukioq manna arfiniliisussamik taava aggustimi atualernissaanut allatsinnissaanut piffissanngungajalerpoq. 1. klassimut allatsinnissaq pissaaq januaarip 26-anni 27-annilu.
Illoqarfiup qeqqani refleksinik agguaaneq
Kommunalbestyrelsimi ilaasortat pinaveersaartitsisullu refleksinik aqagu pingasunngornermi januaarip 12-ani nal. 16.00 illoqarfiup qeqqani agguaaniarput.
Tasiilami Sermiligaamilu timersortartut ulluat
Ukioq manna timersortartut ulluat aamma tunumi innuttaasunut tamanut ammasumik nalliussillugu malunnartinneqarpoq unnullu ilimagisamiit ingerlalluarnerujussuuvoq.
Inuusunnerusut timersullammaapput
PAAMIUT: Paamiuni timersortartut ulluanni pisarneq malillugu timersornermik aallussilluartunik nersorinninniaasoqarpoq, toqqarneqartullu inuusunnerupput.
Timersortartut nersorneqarnerat
Nuummi timersornerup silarsuaani pikkorinnerpaat ippassaq sisamanngornermi januaarip arferngani nersorneqarput. Nalliussinermiit assit nersornaaserneqartullu assingi uani takusinnaavatit.
Assinik saqqummersitsineq
Nuummiut Kaare Sylvest Pedersen aamma Niels Eske Madsen assinik iikkani qarmanilu titartakkanik pinngortitamilu assitalinnik Nuuk Kunstmuseumimi ullumi tallimanngornermi januaarip arfineq aappaaniit saqqummersitsissapput.
Qeqertarsuatsiaani timersortartut ulluat
Timersortartut ulluat Qeqertarsuatsiaani ippassaq kunngit pingasuni aamma malunnartinneqarpoq.
Timersortartut ulluat
NUUK: Pisarneq malillugu timersortartut ulluat januaarip arferngani kunngit pingasuni ingerlanneqassaaq. 1984-mi timersortartut ulluat siullermik nalliussineqarpoq taamanilu nersorneqartoq siulleq tassaavoq B-67-ip arsartartuisa aqutsisuat sungiusaasuallu Bjarne Kreutzmann.
Qatserisaarfiup allaffia aporneqartoq
PAAMIUT: Ikuallattoqartilluguli kalerrisaarisoqarsinnaavoq, qatserisartullu aggersarneqarasuarsinnaapput.
Timersoqatigiiffiit oqallisinneqassapput
Nuummi timersoqatigiiffiit Kommuneqarfik Sermersuup aaqqissugaanik arfininngornermi januaarip ulluisa 15-anni, nal.13.00-17.00, katersortarfimmi oqallisinneqassapput, ilaatigullu børneattesti oqallisigineqassaaq.