Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Asiip ikinngutigiinnerit nukittorsarpai

Kommuneqarfik Sermersuup illoqarfittullu ikinngutigisat Gentofte, Lyngby-Taarbæk Herlevillu akornanni suleqatigiinnerit nukittorsassapput. Tamanna borgmester Asii Chemnitz Narup kommunillu taakku borgmesteriinik ataatsimeeqateqarnerni aalajangiunneqarpoq.
Herlevimi borgmesteri Kjeld Hansen, borgmestererput Asii Chemnitz Narup aamma kommunitsinni pisortaaneq Søren Hald Møller. Herlevimi borgmesteri Kjeld Hansen, borgmestererput Asii Chemnitz Narup aamma kommunitsinni pisortaaneq Søren Hald Møller.

Gentofte Tasiilamut qanimut attaveqarpoq, soorlu paarlaateqatigiinnissamik isumaqatigiissuteqartoqarpoq, taamaalillutik Gentoftemit meeqqat atuartut Tasiilamut sap. akunnerini marlunni tikeraarsinnaallutik, Tasiilamiillu meeqqat Gentoftemut sap. akunnerini sisamani tikeraarsinnaallutik. Ataatsimiinnermi Gentoftep borgmesteria Hans Toft aamma Asii Chemnitz Narup isumaqatigiipput attaveqarfik tamanna pingaartuusoq, Kommuneqarfik Sermersuumit ingerlateqqinneqartussaq.

Herlev aamma siusinnerusukkut Paamiullu paarlaateqatigiittarnissamik isumaqatigiissuteqarsimavoq, tamannali siorna ingerlanneqarani. Ataatsimiinnermili illoqarfiit akornini attaveqatigiinneq aallarteqqissasoq kommunit borgmesteriisa isumaqatigiissutigaat. Siunissami innuttaasunut, meeqqanut inersimasunullu imminnik kulturerisanillu naapitsisarnissaq periarfiusalissaaq.

Lyngby-Taarbæk aamma Nuuk paarlaassisarnissamik isumaqatigiissuteqarput, taamaalilluni Nuuk orpiliamik pisarluni Lyngby-Taarbæk kapisilinnik pisarluni. Borgmesterip nutaap, Søren R. Rasmussenip suleqatigiinneq suli annertunerusoq piumavaa, borgmesterillu ataatsimiinnerminni isumaqatigiipput kultureqarfik tassani qitiutinneqassasoq.

Assiliisoq: Lise Færch
Nutserisoq: Frederik Lynge

Relateret