Annersuaq aamma Thorap ukiunik 20-nngortorsiornerat

Thora M. Johnsen

- Hinnarik qaqugu aggissagami? Aammaasiit Hinnarik alutornarnerpaajuvoq Annersuarmi meeqqat meeqqerivitsik nalliussigamikku.

- Aajinnga! Kiisami Hinnarik iserpoq, meeqqallu ersattaassillutik tikilluaqquaat.  

Inimi ataatsimoortarfimmi nipaarutivipput, meeqqallu tamarmik Hinnarik malittareqqissaarpaat nipilersorluni aallartimmat. Hinnarik oqaluppoq, meeqqallu erinarsoqatalugit. Takutippaalu nipilersuutit sorliit nammineq atortarnerlugit. Tamaviisa meeqqanik nuannarineqarput, pædagogit aamma angajoqqaat mininnagit. Naggataatigut kiisa meeqqat nuannisavissulerput qitittarlutik angisuunik vaffelertalinnik sikutuutigalutik.

Matut tamanut ammarneqannginnerani piareersarnerit annertuut pipput, taamaattumik kaffeqarpoq, kaageqarluni inilu isersimaffissaq pinnersarneqarluni. Meeqqeriviup meerartai assuarput, erinarsorlutik pulaartit alutorsartippaat, minnerunngitsumillu nalliuttorsiornermi erinarsorlutik.

Annersuup nalliuttorsiornera tassa tamanna, kisianni Thora M. Johnsen aallaqqaataaniilli Annersuarmiilersimasoq, aamma nalliuttorsiutigineqarpoq. Thora nuannaaqaaq, oqaluttuarporlu ukiut taakku 20-t ingerlapallassimaqisut.

Angajoqqaat qitornaminnik meeqqerivimmiittuutillit namminneq aningaasanik tunissuteqarsimapput Nuummilu suliffeqarfinnit tapiiffigineqarsimallutik nalliuttorsiornermik aaqqisuussinissamut. Taamaalillutik Hinnarik aamma meeqqanut mamakujuit pissarsiarineqarsinnaasimapput ullormut puigugassaanngitsumut.  

Allattoq: arkl

Assiliisoq: John David Eriksen

Nutserisoq: AKAPOL/ v. Elisabeth Lyberth