Iluartut ulluat Ivittuuni

Atuakkanik atorniartarfimmi ulloq aallarnerneqarpoq, ullormut tassunga atatillugu qiortaanissamut periarfissiilluni ammatinneqartumi.

Meeqqat inersimasullumi torrallaalluinnarlutik qiortaapput. Kiinarpaat, ilisiitsut aliortukkallu kusanarluinnartunik sanaartorneqarlutik.

Nal. 13.00 Grønnedals Trivselsskole ammarneqarpoq, græskarinik kiisalu immuit puukui atorlugit naneruarfilianik aamma annoraaminernik græskarilianik sanarusuttut tassani periarfissinneqarlutik, kakaomik kissartumik kaffimillu sassaalliisoqarluni.

Nal. 16.00 Ivittuuni angalaarneq aallartippoq, angalaarfissap sinaa ikumatitanik græskarinillu naneruarfilianik qaammarsarneqarsimasoq aqqusiorneqarsimalluni. Iliveqarfitoqaq sanioqqullugu aqqusiortoqarsimavoq, ilerrillu tamarmik naneruutinik ikititeriffigineqarsimallutik. Pisuttuarneq Ivittuut Mine- og Mineralmuseum-imi naaneqarpoq, tassani saqqummersitat isiginnaajutigalugit   kissartortorujoornissamut periarfissiisoqarluni. Ivittuuni angalaarneq naggaserlugu peqataasut tamarmik nerisarfitoqqami iffiugartalinnik suppituutsinneqarput  imeruersaatinillu sassaalliivigineqarlutik.   

Ulloq nuannivissumik iluatsittumillu ingerlanneqarpoq, meeqqanit inersimasunillu 40-t missaanniittunit peqataaffigineqarluni.  

Allattoq assiliisorlu: Joan Bruun Christensen, Ivittuut.

Nutserisoq: Else Jensen