Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

ISO 9001-mut pikkorissarneq aammalu

Inissat 15-iinnaamata pikkorissarusuttut allat 15-it inissaarullutik pikkorissaqataanngitsoorput Kommuneqarfik Sermersuumi Inuussutissarsiutinut Ineriartortitsinermut immikkoortortaq, pitsaasumik aqutsinissamut periutsimik ISO 9001-imik pikkorissartitsimmat, ulluni 21. aamma 22. november. Tamanna pillugu decembarip qaammataani immikkut pikkorissartitsisoqassaaq.

Pikkorissartitsinermi siunertaavoq suliffeqarfiutillit suliffeqarfiutiminnik ineriartortitsinerminni pitsaasumik tunngavissaqarlutik ineriartortitsisinnaanissaat. ISO 9001 immikkut allagartaqarfigilinngikkaluarlugu, suliffeqarfiup suugaluartulluunniit piorsarniarnerani pitsaasumik tunngavissiinissaq eqqarsaataalluni.

Inuussutitssarsiutinut Ineriartortitsinermut immikkoortortap sulissutigaa aallarnisaasut nunani allaneersunik suliffeqarfinnik suleqateqarnerminni piginnaasamikkut qaffassarneqarnerisa pitsaasunik atugassaqartinneqarnissaat, ilaatigut Kalaallit Nunaanni misissuinerit assigiinngitsut ingerlanneqartut iluini atorneqarsinnaasussanik.

Ilutigitillugu Inuussutissarsiutinut Ineriartortitsinermut immikkoortortami sulisut marluk ISO-mik pikkorissarput, ineriartorteqqinnissaanullu pilersaaruteqarlutik. Taamaalillutik suliffeqarfiit pitsaasumik aqutsinerup iluani inerisaanermik attassiinnarnissaminni nalinginnaasumik nalunngittariaqagaannik ikorfartuisinnaaniassagamik.

St. Johns-imi misilittakkat takutippaat, suliffeqarfissuit misissuinermik ingerlatallit aatsitassat niuerutigineqarsinnaanngikkaangata ullormiit ullormut misissuinerminnik unitsitsisinnaasartut,   taamaalilluni aningaasarsiornikkut kaaviaartitat ilanngullugit annaaneqartarlutik.

- Taamaattoqarnissaa uagut naatsorsuutiginngikkalualugu pitsaasuuvoq   piginnaanngorsaatigisinnaasavut  suliffeqarfinnit peqataasunit atorneqarsinnaappata, aatsitassarsiornermut tunnganngikkaluartunut aamma. Suliffeqarfiit peqataasut ilaat kisimik amma aatsitassarsiornermut attuumassutilinnik suliaqarput, Inuussutissarsiutinut Ineriartortitsinermut immikkoortortami aqutsisoq, Marie Flescher oqarpq.

Pikkorissartitsinerit naammassinerini peqataasut 30-t apeqqutinik akisassianik paasiniaavigineqassapput, taamalu paasinarsissalluni sammisami tamatumani qanoq ingerlaqqittoqassanersoq.

Immikkut pikkorissartitsineq decembarip ulluisa arfernanni arfineq-aappaanilu ingerlanneqassaaq.

Allattoq: Else Jensen

Assi: John David Eriksen / toqqorsivik