Kommunalbestyrelsip 2012-imi ataatsimiiffissai

Ataatsimiittarnissat aaqqissuunnissaat pillugu kommunalbestyrelsip aalajangersagaa, novembarip ulluisa 30-ani 2010-meersoq, naapertorlugu Aningaasaqarnermut Ataatsimiititap aamma kommunalbestyrelsip ukiumi tulliuttumi ataatsimiiffisai siunnersuusiorneqartassapput.

Taamaalilluni kommunalbestyrelsi 2012-mi ileqquusumik arfineq-marloriarluni ataatsimiinnissaminik pilersaarpoq. 2012-imilu ataatsimiinnissaq sapaatit akunneri arfineq-pingasut qaangiuppata pissaaq, tassalu marlunngornermi januaarip ulluisa 24-ani pissammat.

Aningaasaqarnermut Ataatsimiititaq 2012-imi ullut 14-ikkaarlugit ataatsimiittassaaq, kommunalbestyrelsip ataatsimiinnissai aamma sulinngifeqarnerit kiisalu nalliuttut eqqarsaatigalugit inissinneqartunik. Aningaasaqarnermut Ataatsimiititaq 2012-imi siullermeerluni ataatsimiissaaq januaarip ulluisa aqqaneq-aappaanni.

Immikkut sammineqartussatut ukiup tullissaanut aalajangerneqareersut tassaapput missingersuusiornissamut isumasioqatigiinnissat, apriilip naaneranut aamma septembarimi sapaatip akunneranut kingullermut inissinneqarsimasut. Aningaasanut missingiut 2013-imoortoq siullermeerlugu aappassaaneerlugulu suliarineqassaaq oktobarimi aamma novembarimi 2012.  

2012-imi februaari, apriili, juuli kiisalu decembari kommunalbestyrelsip ataatsimiiffigissanngilai, pilersaarut akuersissutigineqartoq malillugu.

Ataatsimiititat ataavartut sinnerisa 2012-imi ataatsimiiffissatik juullertinnagu aalajangersaavigissavaat.

Ataatsimiinnerit tamanut ammasut

Kommunalbestyrelsip ataatsimiinneri tamarmik tamanut ammasuusarput, taamaattumik innuttaasutut kommunalbestyrelsip ataatsimiittarneri qanoq ingerlanneqartarnersut paasisaqarusukkuit ataatsimiinnernut takkunnissannut tikilluaqqusaavutit. Kommunalbestyrelsip ataatsimiinnissai tamarmik sioqqutisumik tamanut nalunaarutigineqartarput.

Allattoq: Else Jensen

Assiliisoq: John David Eriksen / toqqorsivik