Ittoqqortoormiini nannuttassat tamakkerneqarput
Attaveqarfik
Kommuneqarfik SERMERSOOQ Kommunikationsafdelingen Kuussuaq 2Postboks 1005
3900 Nuuk Tlf.: 36 70 00 Fax: 31 11 51
E-mail: kommunikation2@sermersooq.gl Ammasarfii
Nerisassiornissamut ilitsersuutit pitsaanerpaat
Inuussutissarsiutinik Inerisaaviup innuttaasut kalaallit nerisassaataannik nerisassiornermut ilitsersuutaat pitsaanerpaat qulit toqqarpai, taakkulu nerisassiornermi najoqqutassatut quppersagaaqqatut qanittukkut saqqummersinneqassapput.
Kommuneqarfik Sermersuumi innuttaasut oktobarimi nerisassiornerminni ilitsersuutiminnik Inuussutissarsiutinik Inerisaaviup nerisassiornermi ilitsersuutinik unammisitsinerani inerisaavimmut nassitsiortuipput, periarfissinneqarlutik Kommuneqarfik Sermersuup quppersagaaqqatut nerisassiornermi najoqqutassiornermi ilanngunneqarnissaannut.
Nassiunneqartut ilagaat ilitsersuutit qulit pitsaanerpaatut toqqarneqartut, makitsinikkullu ilitsersuutiliortut sunik akissarsisinneqarnissaat pivoq. Ilitsersuutit assigiinngitsorujussuupput, soorlu suluppaagaq kokosilerlugu, nipisak suppaliaralugu, nerpilaat aamma umimmaap kanaava.
Inuit ajugaasinneqartut tassaapput:
- Sikkersoq Mathiassen, iganik pingasunik Brugsenimeersunik eqquisinneqartoq.
- Maja Frederiksen, NICE-mit kannimik aamma Ingers Kager-imi pisinissamut upernarsaammik 400 koruuninik nalilimmik eqquisinneqartoq.
- Binh Pham, dvd-mik Videobutikkenimit eqquisinneqartoq.
- Seri Cortzen, Grønlandsbankenimit Julie Edel Hardenbergip atuakkiaanik eqquisinneqartoq.
- Marianne Platou Olsen, Pisattat/Pisiffimmit Rikkes Kogebogimik eqquisinneqartoq.
- Ilaqutariit Josefsenikkut, Grønlandsbankenimit kitserivimmik eqquisinneqartut.
- Lene Holm Kleist, Grønlandsbankenimit Julie Edel Hardenbergip atuakkiaanik eqquisinneqartoq.
- Sofie Hvillum, Atlantic Musicimit cd-nik marlunnik eqquisinneqartut.
- Bent aamma Hansine Mikkelsen,Katuami filmeriarnissamut billettinik marlunnik eqquisinneqartut.
- Eva P. Markussen, Notabenemit tunissutissarsiniarnissamut uppernarsaammik 300 koruuninik nalilimmik eqquisinneqartoq.
Nerisassiornissamut ilitsersuutit maannakkut nutserneqarput quppersaganngorlugu saqqummerniassammata, saqqummerpallu soqutiginnittunit tamanit Nuummi Kalaaliaqqami qanittukkut pisiarineqarsinnaalissaaq.
Kommuneqarfik Sermersuumi Inuussutissarsiutinik Inerisaavik ilitsersuutinik nassitsisimasunut tamanut qujavoq, pissanngatigaalu innuttaasunut quppersagannguup takutinnissaa.
Allattoq: arkl
Assiliisoq: Inuussutissarsiutinik Inerisaavik
Nutserisoq: AKAPOL/ v. Elisabeth Lyberth