Nipi aamma Qaamasoq Saga-p tamanut ammarneqarnera

Assilissat assigiinngitsorpassuit qullermik qaammaqquserlugit seqersitat Katuap silataani iluanilu sarsuatinneqarput, borgmesterip Asii Chemnitz Narup-ip Karen Thastum-ip saqqummersitaa Nipi aamma Qaamasoq Saga tamanut ammarmagu.

Silap issinnera taarneralu puigorneqatsiarput, sisamanngornerup ualia inna nalunaaqutaq tallimanut Katuap paarlersuani nipit qaamanerlu akuleriissillugit saqqummersitsineq nutaaliaasoq ammarneqarmat. 

- Suminngaanneerpugut sumulluuna ingerlasugut? Nipi aamma Qaamasoq Saga-mi apeqqutit taakku aallaaviupput. Soqutiginartumik nutaaliaasumik attuisumillu kusanarluinnartumik saqqummersitsineq, sorlaqarfitsinnik kinaassutsitsinnillu kingumut eqqarsaatiginnilersitsisoq. Ilutigitillugu saqqummersitsineq kitaata tunullu imminnut atassuserneqarneranik ilapittuutaasoq, borgmesteri Asii Chemnitz Narup-i saqqummersitsinermik ammaalluni oqalugiaammini ilaatigut taama oqarpoq.

Asii Chemnitz Narup-ip Karen Thastum suliaanut annertuumut kiisalu suliaqartarnermini nuannarilluinnarlugu meeqqat akuutittarmagit qutsavigaa. Taamatuttaaq meeqqat

Tiniteqilaameersut, Kulusumeersut kiisalu Nuummeersut qutsavigai kingoqqiffitik pillugit eqqarsaatersuutiminnik avitseqatiginnissinnaammata, Nipi aamma Qaamaneq Saga-mi saqqummersitsinermi suleqataanermikkut.

Saqqummersitsinerup tamanut ammarneqarnerata kingorna Silbat Kuitse Katuap silataani qilaatersorluni takutitsivoq.  

Qaamaneq nipilu atorlugit alutornartuliamik takusassiaq novembarip ulluisa 13-iata tungaanut annertuninngorlugu silami takutitassiartaa takuneqarsinnaavoq, minnerusunngorlugulu takusassiartaa silami Katuallu isaariaani novembarip ulluisa 30-ata tungaanut takuneqarsinnaalluni.

Allattoq: Else Jensen

Assiliisoq: John David Eriksen