Ittoqqortoormiini nannuttassat tamakkerneqarput
Attaveqarfik
Kommuneqarfik SERMERSOOQ Kommunikationsafdelingen Kuussuaq 2Postboks 1005
3900 Nuuk Tlf.: 36 70 00 Fax: 31 11 51
E-mail: kommunikation2@sermersooq.gl Ammasarfii
Siulitta nipaat
Ukiut untritillit matuma siornatigut siulitta angalasimalikkersaaraangata imaluunniit inuup ikinngutaa pitsaanerpaaq, qimmeq, ataqqiniassagaangamikku qanormita nipeqartarsimappat? Tamanna marlunngormat ualikkut Nuummi innuttaasunut sullissivimmi tusaaneqarsinnaavoq.
Cd-t
Karsten Sommer.
James Bianco tivanerit eriarsornerillu isumaat oqaluttuarivai.
Asii Chemnitz Narup.
Ualeq eqqissisimanartoq anorlersorlu illup kialaartup iluani cd-mik nutaamik innuttaasunut sullissivimmi tusarnaarnermut atorneqarpoq, cd qulequtalik "East Greenland - 1906-89" saqqummersinneqarmat. Taanna imaqarpoq ukiut untritillit matuma siornatigut immiussarisimasanik, tunumi tivanermit erinarsornermillu.
- Kommunalbestyrelsimi kulturikkut inuunerput sutigut tamatigut nukittorsarniarparput, taamaattumik Karsten tunumiut tivariaasiat pillugu suliniutertik saqqummersinniarlugu qinnuteqaateqarmat Kulturimik Siuarsaanissaq pillugu Siunnersuisoqatigiinni nuannaaqaagut, borgmester Asii Chemnitz Narup Karsten Sommerip cd-mik saqqummersitsiniarluni suliniutaanut tapiissuteqarneq pillugu oqalugiarami oqarpoq.
Borgmesteri aamma oqarpoq Kommuneqarfik Sermersuumi kangiata kitaatalu kattunnerat pisuunnguallaataasoq, tamanna immitsinnut ilisarinerulernissamik periarfissiimmat. Aamma nangilluni oqarpoq Kommuneqarfik Sermersuup kulturikkut suliniutinut taamaattunut tapiissuteqartarnermini siunertaasoq qanga kulturitoqaq ilikkarneqarnissaa ineriartortinneqarnissaalu.
Saqqummersitsisartoq Karsten Sommer suliniummik aallarniisuuvoq, oqaluttuarporlu musiketnolog Michael Hauserilu marluullutik immiussat kiilerini toqqorsivinnilu assigiinngitsuni nassaarineqarsimasuneersut katillugillu akunnernik 800-nik sivisussuseqartut tusarnaartarsimallugit. Tassalu inerneraat cd-t tallimat tivanermik erinarsuutinillu katillugit akunnernik arfinilinnik imallit saqqummersinneqarnerat.
Uagut nalliussinermi najuuttugut cd-p imarisaanik tusarnaartinneqarpugut immiussallu quianartunik eqqumiikajaartunillu imaqarput. Immikkut misigisaavoq eqqarsartitsisoq, illoqarfissuarmiilluni qanga Nunatsinni pisimasunik tusarnaarluni.
Siulitta ukiut 100-t matuma siornatigut nipaannik tusarusukkuit, cd-t assigiinngitsut sisamat siulliit maannakkut pisiarineqarsinnaalereerput.
Allattoq: arkl
Assiliisoq: John David Eriksen
Nutserisoq: AKAPOL/ v. Elisabeth Lyberth