Ittoqqortoormiini nannuttassat tamakkerneqarput
Attaveqarfik
Kommuneqarfik SERMERSOOQ Kommunikationsafdelingen Kuussuaq 2Postboks 1005
3900 Nuuk Tlf.: 36 70 00 Fax: 31 11 51
E-mail: kommunikation2@sermersooq.gl Ammasarfii
Septembari
Kræfti akiorniarlugu borgmesteri katersueqataassaaq
Soorlu siorna aamma taamaaliortoq ukioq manna aamma borgmester Asii Chemnitz Narup nappaassuaq kræfti akiorniarlugu Neriuffiillu ikiorniarlugit katersueqataassaaq.
Sunniuteqarluartumik Paamiuni innuttaasunik borgmesterip oqaloqateqarnera
Paamiuni innuttaasut borgmesterimit Asii Chemnitz Narup-imit, sisamanngorneq 29. september tikillugu, tikeraarneqarput. Paamiuni innuttaasut periarfissinneqarput kommuneqarfiup innuttaasunik sullissinera pillugu toqqaannartumik isummaminnik saqqummiussinissaminnut.
Tungiunermut Suliffeqarnermullu ataatsimiititaq Tasiilamiippoq
Taamaattumik innuttaasunut ataatsimiititsinermut peqataanissamik aammalu Tungiuinermut Suliffeqarnermullu ataatsimiititap siulittaasuanik, Astrid Fleischer Reximik oqaloqateqarsinnaanermik periarfissiissummik atorluaasoqarsinnaavoq.
Kommunalbestyrelsip ataatsimiittarfia iluarsartuunneqarpoq
Kommuneqarfik Sermersuup Nuummi allaffeqarfiani kommunalbestyrelsip ataatsimiittarfia, aamma katitsitsisarfittut atorneqartartoq, maannakkut iluarsartuunneqarpoq.
Kiinnat nutaat marluk kommunalbestyrelsimi
Arnat marluk angutinit marlunnit Kommuneqarfik Sermersuup kommunalbestyrelsiani taarserneqassapput. Doris Jakobsen Folketing-imut ilaasortanngornerminut atatillugu kommunalbestyrelsimi sulinngikkallarnissaminik qinnuteqarpoq, taamatullu aamma Emilie Olsen Sisimiunut uteqqinnissani pillugu kommunalbestyrelsimit tunuarallarnissaminik qinnuteqartoq.
Tre Arktiske Værksteder
Soqutigisaqaqatigiit assigiinngitsut naalakkersuinikkullu suliallit ulluni makkunani, ullunik pingasunik sivisussusilimmik, ataatsimeeqatigiipput taaneqartumik Tre Arktiske Værksteder, Fagforbundet Norgemeersoq aaqqissuussisoralugu.
Inuttut ineriartorneq Tasiilami eqqaanilu
Tasiilami Tungiuinermut Immikkoortortaq isumaginninnermi sullissisunik ilinniagaqanngitsunik Tasiilameersunik, Kuummiuneersunik kiisalu Kulusumeersunik, sapaatip akunnera 38 tamakkerlugu inuttut ineriartornermik ilutsilluartumik pikkorissartitsivoq.
Borgmesteri Paamiuni naapiguk
Borgmesteri Asii C. Narup sapaatip akunnera una Paamiunukassaaq innuttaasunik oqaluussiartorluni, sulisut ataatsimeeqatigiartorlugit timersortarfillu misissoriartorlugu.
Arnat højskoliat Tasiilami
Tasiilaq: Tunumi arnat højskolertinneqartarnerisa sisamassaat Tasiilami, sapaatip akunnerani kingullermi, iluatsilluartumik ingerlanneqarpoq.
Tusagassiuutinut nalunaarut
Kalaallit Nunaanni aatsitassat pillugit ataatsimeersuarnerit annersaat iluatsilluartoq
Aatsitassat aamma uulia pillugit Katuami isumasioqatigiinneq
Katuami Inersuaqqami ullumi Kalaallit Nunaanni Aatsitassat aamma Uulia pillugit isumasioqatigiittoqalerpoq.
Tungusunnitsut aningaasarsiutitut
Kommuneqarfik Sermersuumi Inuussutissarsiutinut inersaavik Kommune Kujallermi igutsaatilinnik suleqateqarluni Arsummiut arfinillit peqataaffisaannik igutsaateqarnermik pikkorissartitsivoq, Narsarsuarmi aggustip ulluisa 24-aniit 28-at ilanngullugu ingerlanneqartumik.
Tamanut nalunaarut
Aaja Chemnitz Larsen Kommuneqarfik Sermersuumi Tungiuinermut Ingerlatsivimmi pisortaanerminit nammineq kissaateqarnini naapertorlugu 31.12.2011 aallarnerfigalugu tunuassaaq. Tungiuinermut Ingerlatsivimmi pisortatut ukiunik pingasunik isumaqatigiissuteqarnermi naanerani taamaalilluni tunuassaaq.
Paamiut takornariarfissatut nittarsaanneqarpoq turistdestination
Inuussutissarsiutinik Inerisaavik Savalimmiuneeqqammerpoq Vestnorden Travel Martimi peqataalluni Paamiuni takornariartitsineq siuarsarniarlugu.
Meeqqerivimmiut ilinniaqqittut
Ulluunerani meeqqerivimmi pisortat aamma Kommuneqarfik Sermersuumi perorsaanermi siunnersorti ilinniaqqikkamik NLP Masteritut aamma oqaloqatiginnittartutut, sungiusaaneq, aqutsineq aamma ilinniartitsineq immikkut ilisimasaqartutut, imminnut taasinnaanngorput.
Ukiut 65-it qaangiunnerini tikeqqinneq
Umiarsuaq takornariartaat Expedition, 120-nik issimasulik, septembarip qiteqqunnerani Illoqqortoormiunut tikippoq. Ilaasut ilagaat Walter R. West, USA-meeersoq, taanna silasiorfimmi Qinngaajivamiittumi aggusti 1945-miit aggusti 1946-i tikillugu sulisususimasut USAAF-imeersut suli uumasut kingullersaraat.
Kommuneqarfik Sermersooq peqataavoq inuussutissarsiornermi siunnersuisooqatigiinnik pilersitsinissamut
Kommuneqarfik Sermersuumi kommunalbestyrelsip aggustip ulluisa 30-anni ataatsimiinnermini aalajangerpaa kommuneqarfimmi inuussutissarsiornermi siunnersuisooqatigiinnik pilersitsinissamut peqataaniarluni.
Qinersineq naammassivoq
Folketing-imut qinersinerup aqaguani maanna kisitseqqissaarnerit pereerput. Folketing-imullu isertut tassaapput Sara Olsvig, Inuit Ataqatigiit aamma Doris Jakobsen, Siumut.
Ivittuuni nalliuttorsiorneq
Arfininngornermi septembarip ulluisa qulinganni Ivittuuni katersugaasivik aatsitassanut aatsitassanillu piiaaffimmut tunngasoq ukiunik tallimalilluuni nalliuttorsiutigineqarmat innuttaasunut nuannivissumik ullorsiortitsisoqarpoq.
Qinersinerup killiffissiornera
Kommuneqarfik Sermersuumi nalunaaqutaq 12.00 qinersisut naatsorsorneqarnerat.
Qinersiviit ammarneqarput
Kommuneqarfik Sermersuumi qinersiviit tamarmik kitaani nalunaaqutaq malillugu 9.00 qinersinermi aqutsisunit ammarneqarput, Illoqqortormiormiulli nalunaaqutaat akunnernik marlunnik siulliummat qinersiviit tassani siulliullutik ammarput.
Qinersisartunut ingerlassineq
Folketingimut qinersinermut atatillugu utoqqaat aamma innarluutillit kiisalu pitsorluttut qinersivinnut ingerlanneqarusuttut Nuummi Tasiilami Paamiunilu ukununnga saaffiginnissinnaapput:
Folketingimut qinersineq pillugu
Folketingimut qinersinermut tungasut uani atuarsinnaavatit aqagulu qinersinerup nalaani aamma uani malinnaasinnaallutit.
Nuuk qinersinissamut piaereerpoq
Qinersiviit ammarnissaat aqaguppoq nuummilu katersortarfik qinersiviussaaq. Katersortarfimmi qinersiviup pitsaanerulernissaa anguniarlugu allannguuteqartoqareersoq ullumi qinersinermi siulersuisut qinersivik akueraat.
Aqagu Folketingimut qinersineq
Aqagu sisamanngornermi septembarip ulluisa 15-ianni qinersiviit tamarmik ammassapput nal. 09.00-imiit 20.00-ip tungaanut.
Tasiilami qinersivimmut ingerlanneqarneq
Aqagu septembarip 15-ani Folketingimut qinersinermut atatillugu aamma Tasiilami pitsorluttut qinersivimmut qinersivimmiillu biilinik ingerlanneqarsinnaapput.
Nuuttut qinersisinnaanerat
Folketing-imut qinersinissami, 15. september pisussami, Kalallit Nunaanni qinersiniaraanni, danskisullu innuttaassuseqaraanni kommunimut kingusinnerpaamik 29.august nuunnermut nalunaarsimasariaqarpoq.
Kommuneqarfik Sermersooq ungasianit kiassaaneq pillugu varmesterinik pikkorissartitsisimavoq.
Kommuneqarfik Sermersooq Nukissiorfiit aamma Københavns Energi qanimut suleqatigalugit ulluni marlunni ungasianit kiassarneq pillugu varmemesterinik pikkorissartitsisimavoq.
Paamiuni qinersivimmut ingerlanneqarneq
Sisamanngorpat septembarip 15-ani Folketingimut qinersinermut atatillugu utoqqaat, innarluutillit pitsorluttullu qinersivimmut qinersivimmiillu biilinik ingerlanneqarsinnaapput.
Attaveqaqatigiinnermut pikkorissarneq soqutigineqarluartoq
Nuummi suliffinnik aallarniisut aamma anginngitsunik suliffiutillit attaveqaqatigiinnermut piginnaasaqarnerulernissartik kissaatigaat uanilu sapaatip akunnerani pikkorissarneq aaqqissuussinerlu soqutigilluarlugu qulequtalik: ”Attaveqaqatigiinneq – sunniutilimmik kimittuumillu!”
Kommunip suliniuteqartumut nersornaataanut innersuussigit
Sermersooq: Kommuneqarfik Sermersuumi innuttaasut maanna periarfissaqalerput ukiup suliniuteqartuatut nersorusutaminnik innersuussinissaminnut. Nersorinnissutip atuutilernissaanik kommunalbestyrelsip 2010-p naalernerani aalajangernera taamaalilluni timitalerneqartussanngorpoq.
Qinersisartunut bussit
Sisamanngorpat Folketingimut qinersisoqalerpat nuummiut qinersiartorlutik akeqanngitsumik bussersinnaapput.
Imminut toquttarneq akiorniarlugu ulloqartitsineq
Nuuk: Imminut toquttarneq akiorniarlugu nunarsuaq tamakkerlugu ulloqartitsineq malunnartinniarlugu Kommuneqarfik Sermersooq aamma Paarisa suleqatigiillutik Katuap paarlersuani, arfininngornermi 10.september, assigiinngitsunik aaqqissuussissapput.
Nammineq piumassuseq tunngavigalugu suliniutinut qinnuteqarit
Nammineq piumassuseq tunngavigalugu inuiaqatigiinni suliniuteqaruit/ssi maanna tapiiffigineqarnissamik qinnuteqarsinnaalerputit/si.
Nunatsinni sanaartukkat annersaat nappaanersiorneqartoq
Nuummi niuertarfeqarfissaq sivisuumik piviusunngoriartuaarsimavoq, maannali inissaminut inissippoq peerneqarsinnaanani, taamaattumillu ullumi Nunatsinni sanaartukkat annersaat nappaanersiorneqarpoq – Aantuukasik Centeri.
Qiniarsiartorfissat aqutsisussallu toqqarneqarput
Sermersooq: Kommuneqarfik Sermersuumi qinersinermi siulersuisut folketing-imut qinersinermut atatillugu qinersiartorfissat aqutsisussallu maanna saqqummiuppaat.
Aningaasanoorfinnut malittarisassat nutaat
Kommunalbestyrelsi / Sermersooq: Aningaasanik ikisilluni pinnguaatinut Kommuneqarfik Sermersuumi akuersissutinik tunniussisarnermi malittarisassat, kommunalbestyrelsip ataatsimiinnerani 30.august 2011 pisumi, naleqqussarneqarput.
Erinarsoqatigiit Tunumeersut nal.11.30 kommuneqarfiup allafiani
Nuuk: Erinarsoqatigiit Inngeratsiler aamma Kangiata Akisunnera ullumi nal.11.30 kommuneqarfiup allaffiani erinarsussapput.
Erinarsoqatigiit Tunumeersut atuarfinnut pulaarnerat
Sapaatip akunnerani matumani Nuummi atuarfinni tamani atuaqatigiiaanilu tamaginni Tunumiut kulturiannik sammisaqarfiuvoq, Tunumiut kulturiannik saqqumilaartitsinermut atatillugu.
Tikaagullittassanik agguaasseqqinneq
Tikaagullittassanik agguaasseqqinnermi siulittaasup aalajangiineratigut Kommuneqarfik Sermersuumi agguaasseqqinnermi siornatigut amerlassusiliisimaneq atuutitiinnarneqassaaq.
Inuttut ineriartorneq erinarsoqatigiinnerlu
Qeqertarsuatsiaani angutit inuttut ineriartornermut pikkorissareerlutik angutit erinarsoqatigiit Qissiat pikkunartumik tusarnaartitsimmata appisimaaqataapput.
Atuarfik Hans Lynge ammarpoq
Atuartunit Atuarfik Hans Lynge atuarfigineqalereerpoq, kisianni ataasinngormat erfalasut amuneqarput, tassami pisortatigoortumik ammaanersiorneqarmat. Tamanna ilaatigut malunnartinneqarpoq uaajeernermik, alanngaakkanik saqqummiisoqarluni aamma atuarfimmi meeqqat erinarsorlutik.
Innarluutilinnut aningaasaateqarfik Paamiuni atuutileqqippoq
Kommunalbestyrelsi / Paamiut: Paamiuni Timimikkut Innarluutilinnut Aningaasaateqarfik 1981-imeersoq nutaanik siulersuisortaarluni aningaasaateqarfiullu malittarisassai nutarterlugit aallarteqqissasoq, kommunalbestyrelsip 30. august ataatsimiinnermini aalajangiiffigaa.
Erinarsoqatigiit Ippiarsummi
Ippiarsuk erinarsoqatigiinnit Inngeratsilikkunnit kiisalu Kangiata Akisunneranit aamma pulaarneqarput, utoqqarnit innarluutilinnillu atuisunit nuannaarutigineqarlunilu killitsissutaasumik.
Qeqqussat nerisassatut
Uani sapaatip akunnerani Københavnimi nunanit avannarlerneersut ataatsimiipput nunat avannarliit imartaanneersunik qeqqussanik nunat avannarliit nerisassaataanni pitsaanerusumik atorluaasalernissaq pillugu.
Tunumiut kulturikkut pisuut
Tunumiut kulturiannik saqqumilaartitsineq sapaatip akuneranik sivisussuseqartoq, borgmersterimit Asii Chemnitz Narup-imit, arfninngorneq 3.september, Katuap paarlersuani pisortatigoortumik ammarneqarpoq.
Allakkatigut qinersisinnaalereerputit
15. septembari folketingimut qinersisoqarpat qinersiartorfimmut ornigussinnaanngikkuit imaluunniit qinersineq sioqqullugu qinersereerusukkuit Kommuneqarfik Sermersuup innuttaasunut sulliviini allakkatigut qinersisinnaalereerputit.
Illoqarfiup ineriartornera illuliortaaserlu qitiutillugit
Ataasinngornermi kommunalbestyrelsimi ilaasortat isumasioqatigiipput naleqartitanut ileqqunullu sanilliullugit illoqarfiup ineriartornera oqaluuseralugu. Marlunngornermilu aalajangerneqarpoq Kommuneqarfik Sermersooq nunat tamalaat illuliortaaseq aamma pilersaarusiortarnermi pisussat pillugit aaqqissuussinermi peqataassasoq.
Kommuneqarfik Sermersuumi kulturimik nittarsaassisoq
Kommunalbestyrelsip 30.august ataatsimiinnermini akuersissutigaa Kulturip siuarsarnissaanut Siunnersuisoqatigiit, Kommuneqarfik Sermersuumi kulturimik nittarsaassisartussamik toqqaasalernissaminnik piginnaatinneqassasut.
Kulturimut aningaasaliissutit aningaasaateqarfimmut
Kommunalbestyrelsip, marlunngornermi 30. august ataatsimiinnermini, akuersissutigaa Kommuneqarfik Sermersuumi kulturimut aningaasaliissutit aningaasaateqarfimmit ingerlanneqalissasut.