Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: kommunikation2@sermersooq.gl Ammasarfii

Nutaarsiassat

Ittoqqortoormiini nannuttassat tamakkerneqarput

Aasaanerani aallaarsimaarnermut MIA-mut nalunaarneq

Ullunik ataatsimiiffissanik allannguineq

Matusinissamut killiffik

Normu nutaaq

Akiliisarnermut tunngasoq

Akiliisarnermut tunngasoq

Qinnuteqarfissaq kingulleq 1. juni 2012

Qinnuteqarfissaq kingulleq 1. juni 2012

Suliariumannittussarsiuussineq

Suliariumannittussarsiuussineq

Attaveqarfik peeruk

2012

Ittoqqortoormiini nannuttassat tamakkerneqarput

Aalisarnermut, Piniarnermut Nunalerinermullu Naalakkersuisoqarfimmit (APNN) matu-muuna nalunaarutigineqassaaq ukioq manna Ittoqqortoormiini nannuttassiissutit 35-t tamarmik pisarineqarsimalermata.

Aasaanerani aallaarsimaarnermut MIA-mut nalunaarneq

NUUK: Aasaq manna Nuup Narsaani aasaanerani aallaarsimaarnermut MIA-mut peqataaniarpa? Peqataaneq taamaallaat 100 koruuneqarpoq. Neqeroorummut pilerisaarutit juni aallaqqaataani nuummi atuarfeqarfinnut agguaanneqassaaq.

Ullunik ataatsimiiffissanik allannguineq

Kommunalbestyrelsimi ataatsimiinnissaq aalajangersimasumillu qulequtaqarluni sammisaqarnissaq 2012-imi aggustip 27-ani 28-anilu pisussatut pilersaarutaasut aggustip 20-ani 21-anilu pisussanngorlugit siuartinneqarput.

Matusinissamut killiffik

Kommunalbestyrelsip ataatsimiinnerani kommunalbestyrelse ilisimatinneqarpoq Kangilinnguani sakkutooqarfiup matunissaanut killiffik aammalu Nuummi Arktisk Kommandop pilersinnissaanut killiffimmik tunngasumik.

Malimmi siulersuisut ilaasortartaarput

Naluttarfik Malimmi siulersuisuni inuttaqanngitsoq inuttalerniarlugu Nikoline Ziemer IA-meersoq Kommunalbestyrelsimit toqqarneqarpoq.

Peqqinnissaq pillugu politikkikkut suleqatigiinneq

Namminersorlutik Oqartussat inuiaqatigiit peqqinnissaat pillugu maajip arfineq pingajuani qulingiluaanilu ataatsimiititsineranni, kommunini sisamaasuni borgmesterit Naalakkersuisoq Agathe Fontainimit ataatsimeeqatigineqarput, peqqinnissaq pillugu qaninnerusumik suleqatigiinnissaq oqaluuserineqarluni.

KANUKOKA-mi politikkikkut ataatsimiititaliat

KANUKOKA-mi siulersuisut aalajangerpaat, suliassaqarfinni sisamani pingaarnerni ataatsimiititaliortoqassasoq, Sulisoqarnermut tunngasuni, Meeqqanut kulturimullu tunngasuni, Suliffeqarnermut Inuussutissarsiuteqarnermullu tunngasuni kiisalu Isumaginninnermut Inuiaqatigiinnullu tunngasuni.

Ulluunerani højskolemut Ilumiumut pilluaqqussut

Ulluunerani højskole Ilumiu Odd Fellow Ordenenimit 119.000 kr.-inik aningaasaliiffigineqarneranut atatillugu Borgmesteri Asii Chemnitz Narupi højskolemut pilersitsisuanullu Esther Hammekenimut pilluaqqusivoq.

IPK-p pilersinneqarnissaa

Sisimiut: Akunnerup naanerani, Ineqartut nuna tamakkerlugu kattuffiat, IPK, Sisimiuni pilersitsiniarlutik ataatsimeersuarput. Kattuffissaq nunarput tamakkerlugu oqaaseqartartuullunilu tusarliisartartuussaaq.

Kommunimi imikumik suliarinninnermut pilersaarut

Asseq: Sxc.hu

Som en del af Kommuneqarfik Sermersooqs kommuneplan 2012-2024 er der lavet en plan for håndtering af spildevand i kommunen.

Københavnimi peqqissartut illuat nutaaq

Ullumikkut tallimanngorneq maajip 11-ianni kalaallit peqqissartut illuat nutaaq atoqqaartinneqarpoq. Borgmester Asii Chemnitz Narup oqalugiaateqassaaq, peqqissartullu illutaavannut kusanartunik tunissuteqarluni.

Suliffissaaleqisunut annertuumik iliuuseqarneq

Kommuneqarfik Sermersuup suliffissaaliqisut suliffittaarnissaanut immikkut ittumik ilisuuseqarnissamut peqataaniarpoq.

Sulisut pillugit politikki siunertalik akuersissutigineqarpoq dtaget

Kommuneqarfik Sermersuumi pitsaasumik aqutsineq, sulianut piginnaasaqarluarneq, sulisunik peqataatitsineq, suliffimmi pitsaasumik atugaqarneq peqqissuunerlu tunaartarineqassapput.

2011-mut ukiumoortumik naatsorsuutit sammineqarput

Kommunalbestyrelsi maajip arfineq aappaani aningaasaqarneq pillugu isumasioqatigiipput, tassanilu 2011-mut naatsorsuutit eqqartorpaat. Maajillu arfineq pingajuani kommunalbestyrelsip ataatsimiinnerani naatsorsuutaagallartut akuersissutigineqarput.

Akiliisitsisalernissaq

Kommunit sisamaasut teknikkeqarnermut ingerlatsiviisa, KANUKOKA suleqatigalugu, ilaatigut nunaminertamik atuinissamut akuersissutit suliarineqarneranni akii akitsuutaallu pillugit missingiut suliarisimavaat.

Kommunalbestyrelsip aalajangiussai

Kommunalbestyrelsip marlunngornermi maajip arfineq pingajuani ataatsimiinnermini aalajangiussai uani takusinnaavatit.

Aasaanerani timersorneq 2012

Maanna piffissanngorpoq Aasami timersornermut peqataanissamut nalunaarnissaq.

Tasiilaq sulisutigut pisuunnguallappoq

Peqqinnissap tungaatigut innuttaasut qitiutinneqarput

TUSAGASSIUUTITGUT NALUNAARUT

Avatangiisit qitiutillugit suleqatigiiffik nutaaq.

Kammagiitta – qinngasaarinerup unitsinnissaanut sakkussatsialak

Meeqqerivik Puiami meeqqat suliniummut kammagiittamut peqataatinneqarput, suliniummiittullu sakkussat atornerisigut qinngasaarineq kammagiittarnerlu pillugit suliaqartinneqarlutik. Tamannalu angusaqarfiulluarsimavoq.

Nuummi inissiarsuarnik marlunnik isaterineq

Inissiarsuit A aamma L Kongevej-imiittut isaterneqassapput.

Tassa kiisami aallartilerput – Inissiarsuit Blok A aamma L Nuummiittut maajip aallartinnerani isaterneqalissapput.

Naggueqatigut inuusuttut NUIF-imi naapikkit

NUUK: naggueqatigut inuusuttut Ottawa-meersut torlorsorlutik qilaatersorlutillu takutitsisut unnugu, ataasinngornermi maajip arfineq aappaani, nal.20.00 NUIF-imi alutorsaatigisinnaavatit.

Isumasioqatigiinneq kommunalbestyrelsimilu ataatsimiinneq

Kommunalbestyrelsi ataasinngorpat marlunngorpallu Nuummi kommunalbestyrelsip ataatsimiittarfiani aningaasaqarneq pillugu isumasioqatigiissapput ileqquusumillu ataatsimiillutik.

Nuummi aasarnissaanut piareersarneq

Nuuk: Ukiuunera sivisoqisoq ississimaqisorlu qaangiummat, Kommuneqarfik Sermersuumi Teknikkeqarnermut Ingerlatsinermullu immikkoortortaqarfik upernariartulerneranut piareersaleruttorpoq. Aputaajaasoqassaaq naasulerfiillu karsit iliorarneqassallutik.

2011/2012-imi sunngiffimmi sammisat 54-it ingerlanneqarput

Nuuk: 2011-imi oktobarip 24-aniit 2012-mi marsip 30-ata tungaanut Kommuneqarfik Sermersooq meeqqanut inersimasunullu 54-inik sunngiffimmi sammisaqartitsivoq.

Ulloq qinnuteqarfissamut killigitinneqartoq immikkut akuerisaq

Tuttunniarnermi umimmanniarnermilu piniarnermut allagartap, ulloq 1. maj akilerneqarnissaanut piumasaqaatip, Naalakkersuisunut ilaasortap, Ane Hansenip aalajangiuppaa immikkut ittumik akuersissutigineqassasoq.

Tasiilami sapaatip akunnera 18-i

Sapaatip akunnera 18-imut atatillugu Tasiilami sapaatip akunnera una ullut tamaasa pisoqarfiuvoq.

Paasissutissiisarfiit misiligarneqassapput

Nuummi ataasinngorpat Innuttaasunut sullissivimmi paasissutissiisarfinnik ikkussuisoqassaaq. Paamiuni peqareerpoq.

Majip pingajuani saqqummersitsinerit marluk ammarneqassapput

Iluliaaraq, Nuummi meeqqat Inuusuttullu eqqumiitsuliornermik ilinniarfiat, meeqqat 50-t missaani saqqummersitseqqaarniarput saqqummersitsivitsinni.:

30 apriili 2012

Assilissat ikaartitikkat iluarsartuunneqarput

Assilissat ikaartitikkat kusanarluinnartut kommunalbestyrelsip ataatsimiittarfianni kusassaataasut maanna ajortilersimapput. Taamaattumik suli ajortinnerunissaat pinaveersaarniarlugu iluarsartuunneqarnissaannut aningaasaqarnermut ataatsimiititap kr. 429.800,00 atugassanngortissimavaat.

30 apriili 2012

Kommunip allaffii aqagu nal. 12 matussapput

Maajip aallaqqaataa tassaavoq Nunarsuarmi Sulinermik Inuussutissarsiutillit Ulluat, pisarnerlu malillugu ullup affaa suliffiussaaq. Taamaattumik aqagu nal. 12 Kommunip allaffii matussapput.

27 apriili 2012

Politikerit Ittoqqortoormiit nipeqartilerpaat

Borgmesteri ulluni makkunani Aningaasaqarnermut Ataatsimiititami ilaasortat Adolf Holm, Poul Hansen aamma Thomas Kristensen ilagalugit Ittoqqortoormiiniippoq illoqarfiup inissisimanera siunissamilu periarfissat pillugit innuttaasut oqaloqatigissallugit. Tunuliaqutaavoq nalunaarut Kommunalbestyrelsip suliakkiissutigisimasaa.

27 apriili 2012

Sapaatip akunnera 18 – ”Erngunnata atuisa”

Ikinngutivit akornani, ilinniarfinni imaluuniit ilaquttavit akornanni imigassartortarnermi ileqqut qanoq ippat? Ukiormanna sapaatip akunnerani 18-imi pisussani assigiinngitsuni imigassartortarnermi ileqqut pillugit oqalliseqataasinnaavutit.

26 apriili 2012

Uumasut nakorsaat

Aalisarnermut, piniarnermut nunalerinermullu Naalakkersuisup Ane Hansenip apriilip 20-ani tusagassiutitigut nalunaaruteqarnermini erseqqissaatigaa Namminersorlutik Oqartussat uumasut atugarissaarnissaat pillugit pisussaaffeqartut.

20 apriili 2012

TUSAGASSIUUTITIGUT NALUNAARUT

”Maaji peqqinnartuutiguk” 150.000 koruuninik tapiiffigineqarpoq

19 apriili 2012

Atuartut Kommuuni pulaarpaat

Ungasinngitsukkut atuartuniit paasisaqarusussuseqarluartunik uummaarissullunillu Arsummi allaffiup immikkoortortaqarfia pulaarneqarpoq.

18 apriili 2012

Qilalukkap tuugaava Kommunalbestyrelsip ataatsimiittarfianiittoq

Kommuunitoqqani tallimaasuni ataatsimiittartoqatigiinni sinniisut innersuussuteqarneri tunuliaqutigalugu, Kommuneqarfik Sermersuumi, pigisat oqaluttuassartallit kommuunitoqqaninngaanneersut qanoq pineqassanersut kommunalbestyrelsi ukiarmi aalajangiivoq.

17 apriili 2012

Dronningip inuuiani oqalugiaat

Apriilip 16-ianni Dronningip inuuianut atatillugu borgmesterip borgmesterillu tulliata aappaata oqalugiaatigisaat.

16 apriili 2012

Unnuk Inuit Games-imi pisussat

NUIF-ip Inuit Games-imik unnussiuaartitsinissaminut atatillugu qaaqqusivoq, ulluni ukunani 18. aamma 19. april aammalu 25.-26. april nal. 19-22.

16 apriili 2012

Borgmesterip Tasiilamut tikeraarnissaa

Borgemester Asii Chemnitz Narup-ip Tasiilamut borgmesteritut tikeraarnermini progammia ulikkaavippoq, tassami pilersaarutaammat aamma Isortoq Kuummiullu ilanngullugit tikeraassagai.

13 apriili 2012

Dronningip inuuia

NUUK/ ISORTOQ: Ataasinngorpat apriilip ulluisa 16-ianni Ataqqinartorsuup Dronning Margrethe aappaata inuuiani nalliussinermi peqataasinnaavutit.

12 apriili 2012

Arsummi innuttaasut nammineq suliffeqarfimmik aallarniipput

Arsuk Food ApS innuttaasut 46-t piginneqatigiinnissutinik pisinerisa kingorna piviusunngorpoq, taamaalillunilu tunisassiorfik Royal Greenlandimit tigullugu.

11 apriili 2012

Lars Samo kakkaqaatit!

Aatsaat taamak inuusutsigisumik North Pole Marathon-imi peqataasoqarpoq, nunarsuup avannaarpiarsuani issersuup ataani maratonerluni arpannermi ingerlanneqartumi naammasinnittoqarluni, tulluusimaarutigeqaarpullu Kalaallit Nunaanni inuusuttunut sinniisuutitarigatsigit.

11 apriili 2012

Kommuneqarfik Sermersuumi qimussimik sukkaniunneq

Arfininngornermi marsip ulluisa 31-ani silagissuugaa Kommuneqarfik Sermersuumi Tunumi innuttaasut ukiumoortumik qimussimik sukkaniuttut malinnaaffigaat.

10 apriili 2012

Innuttaasunut sullissiviup e-mail adressea allanngorpoq

Kommuneqarfik Sermersuumi innuttaasunut sullissiviup e-mail adresserisia nuukborger@sermersooq.gl atorunnaarpoq.

10 apriili 2012

Nuummi klassiskimik tusarnaartitsineq 2012

Nipilersornermik Ilinniarfik aamma orkesterskolen i Nuuk illoqarfimmi tusarnaartitseqattaarnissamut nipilersortartunik aggersaanikuupput.

04 apriili 2012

Nuummi qimmilerisoq suliunnaarpoq

ISS-ip kommunimik suleqateqarnini taamaatippaa marsip 30-iani 2012 aallarnerfigalugu.

04 apriili 2012

Innuttaasunut ataatsimiiisitsinissaq taamaatiinnarneqarpoq

Isuani saviminissamik piiaaffiliorniarneq pillugu innuttaasunik ataatsimiisitseqattaarniarnerit apriilimi pisussat taamaatiinnarneqarput piffissaligaanngitsumik.piffissaligaanngitsumut.

03 apriili 2012

Asii C. Narupip tarnikkut nappaatillit ulluanni 2012 oqalugiaataa

Borgmester Asii C. Narupip tarnikkut nappaatillit ulluanni

Tarnikkut nappaatillit ulluat oqalugiarnikkut, kusanartulianik, sanalukkanik, kaaginik, kaffe qanilaarlunilu ataatsimuualaarnermik malunnartinneqarpoq

Tarnikkut naappaatit ulluat ataqatigiilluni ammaqatigiillunilu

Tarnikkut nappaatit pillugit ulloqartitsineq ukioq manna Nuummi Paamiunilu arfininngornermi marsip ulluisa 31-anni ingerlanneqassaaq, Tasiilamilu ataasinngornermi apriilip ulluisa aappaanni ingerlanneqassalluni.

Sialuk, imeq, issi, sermeq

Sapaatip akunnerata naanera tamaat ataasinngorneq tikillugu siallernissaa ilimasaarutigineqarpoq. Taamaattumik Sanarfinermut Avatangiisinullu ingerlatsivik annertusisamik kuussiat assallugillu aputaajarpaat, annertuumik taseraqalersinnaanera pinaveersaartinniarlugu.

Asii C. Narupip Paamiunut tikeraarnissaagalua kinguartinneqarpoq

Borgmesteri Asii C. Narupi marsip ulluisa 28-aniit 30-at ilanngullugu Paamiunut tikeraarnissaa pilersaarutaasimagaluarpoq. Aningaasaqarnermut ataatsimiititap immikkut ittumik ataatsimiittussanngornera pissutigalugu tikeraarnissaagaluaq taamaatiinnarneqarpoq. Borgmesterip Asii C. Narupip Paamiuliarnissani apriilip ulluisa aqqarnaniit 11 - 13-iat ilanngullugu ullulerneqartoq qilanaaraa.

Angalanissamut aningaasaateqarfik siunertartaarpoq

Kommuneqarfik Sermersuup angalanissamut aningaasaateqarfiata innuttaasut angalanissaannik periarfissinnerisigut najugaqarfigisaminnit nikinnissaannut aamma nunanik tamalaanik paasisisimasaqarnerulernissaannik periarfissinniarpai.

Sunngiffimmi aalisarnermut akuersissut pillugu tusarniaaneq

Kommuneqarfik Sermersooq innuttaasunut soqutigisaqaqatigiiffinnullu kuuit eqalunniarfiit soqutigisat sumiiffissinissaannut, sukisaarsaatigalugulu aalisarnermut akuersissutinik tunniussinissami sumiiffinnik kuunnik eqalunniarfiusinnaasunik siunnersuuteqaqqusivoq. Uani akuersissut pineqartoq tassaavoq Kommuneqarfik Sermersuup suliffeqarfiillu isumaqatigiissuteqarnerat.

Arfernut anginernut pisassat agguataarneri

Arfernut assigiinngitsunut 2012-mi tusarniaareernerup kingorna akuerineqartut pisassat agguataarneqarput. Arfernillu piniarsinnaassagaanni angallatip arfanniarnissamut teknikkikkut akuerineqarsimasuussaaq.

Borgmesterit ujamii Paamiunut apuupput

Paamiut: Kommuniusimasuni borgmesterit ujamii Kommuneqarfik Sermersuumi sumiiffinni assigiinngitsuni saqqummersinneqartut maanna Paamiunut anngupput.

Ivittuut E-mailikkut attaveqaqqilerpoq.

Piffissami sivikitsumi Ivittuuni kommunip allaffia e-mailinik nassinneqarsinnaasimanngilaq, maannakkulli e-mailinik nassinneqarsinnaanngoqqillunilu akisinnaanngoqqippoq.

Oqarasuaatikkut siunnersuinermi ammasarfiit allanngorput

PAARISAp oqarasuaatikkut siunnersuisarnermini piffissaliussaanut allannguutit apriilip aallaqqaataani atuutilissapput.

Peqqinnissaq pillugu suliniutinut tapiinermut maleruagassat

Kommuneqarfik Sermersooq: Peqqinnerulersitsinissaq siunertaralugu suliniutinut aningaasaliinernut, kommunalbestyrelsip 2012-imut 500.000 koruuninik aningaasaliiffigisimasani marsip ulluisa 20-anni ataatsimiinnermini najoqqutassiuuppai.

Kommunalbestyrelsip ataatsimiinnera nittartakkakkut

Kommunalbestyrelsip ataatsimiinnera maanna immikkoortumit immikkoortumut nittartakkakkut malinnaaffiginissaa ajornarunnaarpoq.

Bussinut akigitat taamaaginnarput

Nuuk: Kommuneqarfik Sermersuumi kommunalbestyrelsip, marlunngornermi marsip ulluisa 20-anni ataatsimiinnermini, akuersissutigaa Nuup Bussii A/S-i ingerlatsinermut tapiissuteqarfigineqassasoq, taamaalilluni suliffeqarfik ilaasunut akigititaminik qaffaannginniassammat.

IMAK-ip mattussinera ajornartorsiortitsilersinnaavoq

Kommuneqarfik Sermersooq: Piorsaanermik Ingerlatsiviup Kommuneqarfik Sermersuumi kommunalbestyrelsimut ilisimatitsissutaa naapertorlugu ilinniartitsisoqarniarnikkut annertuumik ajornartorsiortoqalissaaq atorfinitsitsinissamik mattussineq aggustip aallaaqqaatata 2012-p kingorna atuutsinneqaannassappat.

Qinersinermut inatsisikkut oqartussaaqataaneq annerusoq

Kommuninit sisamanit aallartitaqarfiusumik KANUKOKA-p ataani, sumiiffinni oqartussaaqataanerup annertusarnissaanut oqallisissiamik saqqummiisussamik suleqatigiisitaliortoqarsimavoq.

Aningaasanik aqutsinermik annertusisitsineq nuussinerlu

Kulusuk.

Kommuneqarfik Sermersooq: Nunaqarfinnut aningaasaliissutinik nammineq aqutsinerup saniatigut aningaasaliissutinik allanik aqutsinissamik, aamma 2010-mi 2011-milu aningaasaliissutinit atunngitsuukkanik, nuussinissamik nunaqarfimmiut qinnuteqaataat Kommuneqarfik Sermersuumi kommunalbestyrelsip marsip ulluisa 20-anni ataatsimiinnermini akuersissutigai.

Nunaqarfimmiut atuartitaanerat oqaluuserineqarpoq

Kommuneqarfik Sermersooq: Nunaqarfinni meeqqat atuartitaaneranni atugassarititaasut pillugit Kommuneqarfik Sermersuumi kommunalbestyrelsi, ataasinngornermi marsip ulluisa 19-ianni, immikkut sammisaqarpoq.

ALLATTA – tamanut

Kalaallisut ingerlanneqartumik atuakkiornermik pikkorissaanissamut peqataanissamut inissat tamanut ammaanneqarput – ukiut apeqqutaatinnagit.

Kommunalbestyrelsip makku aalajangiuppai

Kommuneqarfik Sermersuumi kommunalbestyrelsip 2012-imi ileqquusumik aappassaanik ataatsimiinnermini, marlunngornermi marsip ulluisa 20-anni ingerlanneqartumi, makku aalajangersaavigai:

Suli nannuttassat nungunngillat

Kommuneqarfiup Sermersuup inoqarfiini tamani suli nannuttassaqarpoq.

Inuiattut ullorsiornissamut pilersaarusioqataagit

Nuuk: 2012-imi inuiattut ullorsiornissamut atatillugu Kommuneqarfik Sermersuumi Piorsaanermik Ingerlatsivik soqutiginnittunut soqutigisaqaqatigiinnullu tamanut pilersaarusiornissamut qaaqqusivoq.

Atuarfik Tuiisaq fooqqiivoq

Paamiut: Paamiuni atuarfik kinguaariit arlariit ilinniarnerminni aallartiffiat ataasinngornermi marsip ulluisa 19-ianni 40-liilluni nalliuttorsiussaaq.

AWG-mi pissartaq tikippoq

Paamiut: Arctic Winter Gamesimi isikkamik arsaallutik nunatsinni nukappissat pissartanngortut Paamiormiortaat Kuluk Hermansen Paamiunut tikimmat nuannattunnguaqarpoq.

Suli inissaqarpoq

NUIF-ik inuusuttut 15-25-inik ukiulit akeqanngitsumik atuakkiornermik pikkorissartitsinissaanut suli inissaqarpoq. Pikkorissarneq aallartissaaq 26. marts 2012 – 6. april 2012 tungaanut. Ingerlanneqartassalluni ataasinngornermiik tallimanngornermut nal 9.00 – 14.30 akornanni

Kommuniusimasup pigisai - Nuuk

Nuuk - sisamanngorneq: Kommuniusimasut pigisaannik akitsortserussinermi sinneruttut sisamanngornermi marsip ulluisa 15-ianni Nuummi Kommuneqarfiup Allaffiani tuniniarneqassapput, nalunaaqutaaq marluniit tallimap tungaanut.

Isiginnaartuuinnarnermit peqataanermut

Kommunalbestyrelsimut ilaasortaq Mille Søvndahl Pedersen aamma saamiatungaani borgmesteri Asii Chemnitz Narup-i.

Ilulissat / kommunit pillugit isumasioqatigiinneq: Kommuneqarfik Sermersuumi borgmesteri Asii Chemnitz Narupi Ilulissani kommunit pillugit isumasioqatigiinnermi politikereqatiminut marlunngornermi ualikkut oqalugiarpoq.

Aallartitat pikkorilluinnartut

Arctic Winter Games 2012, White Horse.

Nuuk: Arctic Winter Games 2012-imut White Horse-mi Canadamiittumi Nuummiit peqataasut sapaammi marsip ulluisa aqqarnganni tikimmata tikilluaqqulluarneqarput.

Meeqqat atuarfiat nukittunerusoq – Kommuneqarfik Sermersuumissaaq

Naalakkersuisup Palle Christiansenip meeqqat atuarfiini naammassisaqarfiusumik suliaqaqqusilluni kommuninut piumasaqarnera Sermitsiap tallimanngornermi marsip ulluisa aappaanni saqqummiuppaa. Kommunerujussuit pilersinneqarmatali Kommuneqarfik Sermersuup meeqqat atuarfiat nukittunerusoq kommunalbestyrelsimi politikkikkut oqaluuserisarpaa. Uani saqqummiukkusuppakka suliat aallartinneqarsimasut.

Aningaasaliissutinik qinnuteqarit

Sapaatip akunnerani 18-imi aaqqissuussinernut qinnuteqartoqarsinnaavoq. Ukioq manna sammineqassaaq ”Silaarunnani aalakoorneq”

Nuummi ISUA pillugu ataatsimiisitsinerit

Isua pillugu ataatsimiititsisoqarumaarpoq.

Naalakkersuisut pilersaarutigaat London Miningip Isuani saviminissamik piianissamut pilersaarut pillugu innuttaasunik ataatsimiisitsisarniarlutik. Innuttaasunik ataatsimiisitsinerit upernaaq manna London Miningip piiaanissamik qinnuteqaanni tunniuteriarpagu ingerlanneqassaaq.

Kommunit pillugit isumasioqatigiinnermi pilersaarut

Sisorartarfik Tasiilami ammarpoq

Maani assut silagippugut – sisorartarfillu Tasiilami massakkut ammarpoq.

Tusagassiuutinut nalunaarut

Timi Asimi oktobari 2011.

Suliniutip Timi Asimip iluatsilluarsimaqisup ingerlateqqinnissaa

Politikerit Ilulissani naapeqatigiissapput

Kommuneqarfik Sermersuumi borgmesteri Asii Chemnitz Narup, aamma aningaasaqarnermut ataatsimiititami ilaasortat, kommunit pillugit isumaqasioqatigiissitsinermut, Ilulissani ulluni marsip ulluisa aqqaneq-aappaanniit 15-iata tungaanut ingerlanneqartussamut peqataassapput.

Ataatsimoorussamik aningaasaateqarfimmut qinnuteqaatit

Sermersooq: Aningaasaateqarfik Kommuneqarfik Sermersooq - Reykjavik – Tórshavn-ip, qinnuteqarfigineqarsinnaanera maanna apriilip ulluisa 20-annut 2012-mut qinnuteqarfigineqarsinnaasutut killilerneqarpoq.

Tusagassiuutitigut nalunaarut

Kommuniusimasut pigisaannik Nuummi tuniniaaneq pillugu

Kommuneqarfik Sermersuumi inooriaaseq peqqinnartoq

Paamiut: Kommuneqarfik Sermersuumi Peqqinneq Pitsaaliuinerlu Sullissivik nerisatigut peqqinnartumik kiisalu peqqissumik inooriaaseqalernissaq anguniarlugu suliniuteqarluni Paamiuniit aallartippoq.

Tusagassiuutinut nalunaarut

Arctic Winter Games 2016 – Kalaallit Nunaat

29 februari 2012

Small Time Giants N.U.I.F-imi

Nuuk: Nuummi Inuusuttut Siuarsartut illuata N.U.I.F-ip nuannaarutigalugu nalunaarutigerusuppaa nipilersoqatigiit Small Time Giants CD-liaqqaatertik pillugu Katuami arfininngornermi marsip pingajuani nipilersornissartik sioqqullugu N.U.I.Fimi tusarnaartitsissammata tallimanngornermi marsip ulluisa aappaani nal. 20.00.

28 februari 2012

Qinngasaarisarneq pillugu sammisaqarneq iluatsilluartoq

Illoqqortoormiut: Ejnar Mikkelsenip Aluarpia-ni sapaatip akunnera kingulleq naammassilluartumik qinngasaarisarneq pillugu atuartut tamarmik sammisaqarput.

23 februari 2012

Ivittuut e-maileqanngikkallarpoq

Ivittuuni kommunip allaffia maannamut e-mailinik tigusisinnaanngilaq. Kommunip allaffia attaviginiarukku 691077-imut sianersinnaavutit, imaluunniit faximut 691073-imut nassitsisinnaallutit

21 februari 2012

Nuummi inuusuttut Siuarsartut, NUIF-ip, pilersaarusiuleruttorpaa workshop aamma inuusuttunut 15-niit 25-inut ukiulinnut sapaatip akunnerisa 13-anni 14-annilu atuakkiornermut pikkorissarnissaat, Hans Anton Lynge aamma Georg Olsen ilitsersuisoralugit, peqataarusuttut kingusinnerpaamik nalunaarsimassapput sapaatip akunnerisa 12-anni pingasunngornermi ulloq 21. marts 2012.

21 februari 2012

TUSAGASSIUTITIUT NALUNAARUT

Nordisk koncertkor, asseq: Lars Poort.

Eqqumiitsuliornermut kulturimullu 970.268 kr.-it

17 februari 2012

Kommunimi inuussutissarsiornikkut suliassat nutarternerat

Aningaasaateqarfik Sermersooq Inuussutissarsiutinut Siunnersuisoqatigiit februaarip aallaqqaataani pilersinneqarneranut atatillugu Kommuneqarfik Sermersuumi inuussutissarsiutitigut suliassat agguataarnerat nutarsaavigineqarpoq.

16 februari 2012

Borgmesteri misiginneqataavoq

Nutaarmiuni pisimasut alianartut pillugit, borgmester Asii Chemnitz Narup innuttaasunik misiginneqataalluni Nunaqarfimmi aqutsisut siulittaasuanut, Qaasuitsullu Kommuniata borgmesterianut allagaqarpoq.

13 februari 2012

Sullisseriaatsimik allannguineq

Nuummi Tungiuinermut Ingerlatsivimmi Inersimasunik Isumassuinermut Immikkoortortami sullissisarnermi allanngortiterineq pissutigalugu matumuuna nalunaarutigineqassaaq innuttaasut cpr.normutik aallaavigalugit sullissisartumit sullinneqartalissammata.

09 februari 2012

Kommuniusimasut pigisaannik akitsorterussineq – Nuuk

Akitsorterussinermi neqerooruteqarsimasut suliarineri maanna naammasseqqajaalerput, pisiarineqartullu immikkoortiterneqarlutillu poortorneqarput.

08 februari 2012

Titartaasartut nunarput siunissami Ilulissani saqqummiuppaat

Suliniummut illuliortaatsimik sulialimmut ”Future Greenland”-imut suleqataasut ulluni makkunani Ilulissani naapisimaarput. Isumassarsiat saqqummiussuunneqarput,oqaluuserineqarlutik kiisalu naleqqussarneqarlutik, tassami qaammatit sisamat qaangiuppata pilersaarutit naammassineqariissapput illuliortaatsimillu Venedig-imi takutitsinissarsuarmut piareersimariissallutik.

08 februari 2012

Inersimasunik isumassuiffik sapaatip akunnerata tulliani matoqqassaaq

Ataasinngorneq ulloq 13., marlunngorneq ulloq 14., sisamanngorneq ulloq 16. aamma tallimanngorneq ulloq 17. Inersimasunut isumassuiffik saaffiginnittartunut matoqqatinneqassaaq.

03 februari 2012

Kommuneqarfik Sermersuumut kommunimut pilersaarut siulleq

Kommuniusimasunut pilersaarutit nutarterneqarlutik ataatsimuulersinneqarlutillu siullermeerutaasumik Kommuneqarfik Sermersuumut tamarmut pilersaarummik suliaqarneq aallarteruttorpoq. Pilersaarut ukioq 2012-ip naanerata missaani 2013-illu aallartinnerata missaani piariissaaq.

03 februari 2012

Ukiortaamut iserluaqatigiinneq

Qeqertarsuatsiaat: Peqatigiiffiit assigiinngitsut aaqqissuussisoralugit nunaqqatigiit januaarip ulluisa 21-anni unnussiuaartinneqarput, nunaqqatigiit katerisimaartarneri allat assigalugit assigiinngitsorpassuarnik sammisaqaqatigiiffiusumik.

01 februari 2012

Lene Knüppel, Demokratit kommunalbestyrelsimit tunuarpoq

Kommunalbestyrelsimi ilaasortaq Lene Knüppel, Demokratit januaarip ulluisa 24-anni 2012-imi kommunalbestyrelsip ataatsimiinnissaa sioqqullugu kommunalbestyrelsimit tunuarnissani kissaatigisimavaa, qinigaaffiup sinnerani Kommuneqarfik Sermersuumi najugaqarunnaarnini pissutigalugu. Lene Knüppel manna tikillugu kommunalbestyrelsimit sulinngiffeqaraluarpoq.

01 februari 2012

”Aningaasaateqarfik Destination East Greenland” nutaamik ilaasortartaarpoq

Andersine Hansen-Kristiansen nammineq kissaateqarnermigut ”Aningaasaateqarfik Destination East Greenland”-imit ilaasortatut tunuarpoq. Januaarip ulluisa 24-anni 2012-imi kommunalbestyrelsip ataatsimiinnermini Andersine Hansen-Kristiansen-imut taarsiullugu ”Aningaasaateqarfik Destination East Greenland”-imi Thomas Kristensen, Atassut ilaasortanngussasoq aalajangiuppaa.

01 februari 2012

Aningaasatigut aqutsisinnaaneq - pisariaqartoq

Sulifiuteqassagaanni kisitsisit aamma ilikkagaqarfigisariaqarput.

Kommuneqarfik Sermersooq: Mikisunik suliffiutillit kiisalu aallarnisaasut Kommuneqarfik Sermersuup inuussutissarsiornermut inerisaaviata aningaasanik missingersuutinillu aqutsinermik pikkorissartitsisarnera soqutigalugu atorluarpaat. Soqutiginninneq annertungaarmat immikkoortortaqarfiup Tasiilami pikkorissartitsinissani, qaammammi uani pisussatut, pilersaarusiorpaa.

31 januari 2012

Kutsaddap siulersuisuinut Gert Ignatiussen toqqarneqarpoq

Kutsaddap malittarisassai malillugit kommunalbestyrelsimit toqqagaq ataaseq Kutsaddap siulersuisuinut toqqarneqatussaavoq. Kommunalbestyrelse ileqquusumik januarip 24-ani 2012 ataatsimiinnerminni Gert Ignatiussen IA toqqarneqarpoq.

31 januari 2012

Atuanngiffeqarnissat

Meeqqat atuarmianni atuartorpassuit erinisuutissaqassagunik erinigisuutiginerpaasannguatsiarpaat atuanngiffeqarnissartik. Atuanngiffeqarnerminni qasuersaarlutik, nukissaminnik katersillutik atuanngiffiup taamaatinnerani qilanaarlutik nukissaqarlutillu atuanngiffeqarneq naammassisarlugu.

27 januari 2012

Eqqaaniut: Qoorngormioq uummaarissoq toqukkut qimaguppoq

Assiliisoq: Leiff Josefsen.

Nuummi innuttaasoq malunnaatilik Adam Lynge 88-inik ukioqarluni januaarip uulluisa 20-ianni toqukkut qimaguppoq. Adap inuunermik nuannarinnittuullunilu eqeersimaartuunera minnerunngitsumillu asannittumik kinnertanera kingumut qujaniarluta eqqaasarumaarparput.

27 januari 2012

Kommunalbestyrelsip ataatsimiiffissaat allannguuteqalaarput

November 2011 kommunalbestyrelsip ataatsimiinnermini 2012-mut ullut ataatsimiiffissat aalajangiiffigaat. Eqqumaffiginngitsoorneqarsimavorlu majip aallaqqaataa ullup affaanik sulinngiffeqarfiusartoq, ileqquusumillu ataatsimiinnissaq nuunneqartariaqarluni.

27 januari 2012

Unnummi kulturisiorfimmi eqquisut

Januarip 21-ani unnummi kulturisiorfimmi Kommuneqarfik Sermersuup ataatsimiittarfiani nuannersorpassuarnik pissanganartorpassuarnillu pisoqarfiuvoq. Ilaatigut apeqqutinik eqquiniaatitsilluni unammisitsisoqarluni, iluatsitsillutillu eqquisut tallimat nassaarineqarlutik.

27 januari 2012

Ataasinngorneq januarip 23-ani Paamiuni peqatigiiffiit Peqatigiiffik Qajaq Paamiut aamma Peqatigiiffik Narsalik Takornarialerinermullu siunnersorti Helga Lorentzen ataatsimeeqatigiipput. Tassani aaliangiunneqarpoq siornatigut ingerlanneqartarnikuusoq qaannamik parrunneq Paamiuniit Narsalimmut aqaguanilu uterlugu aasamut qaannamik unammersuarnerup kinguninnguani piviusunngortinneqarumaartoq. Parrunneq katillugu 110 kilometeringajannik takissuseqarpoq ulluni taakkunani marlunni.

27 januari 2012

Nunaqarfinni sulisunut elektroniskimik oqallittarfik

Amalianguaq H. Lukassen Kapisilinni allaffimmini.

Kapisillit / sineriak tamakkerlugu: Sinerissami kommunit nunaqarfiisa allaffiini sulisut, Kommune Kujalleq kisiat pinnagu, kiisalu kommunit allaffiisa qullersaqarfiini nunaqarfinnik sullissisut KANUKOKA´p nittartagaatigut oqallittarfittaarput.

26 januari 2012

Akitsorterussinermut ulloq kingulleq

Kommuneqarfik Sermersooq: Kommuniusimasut pigisaannik akitsorterussineq soqutigineqarluarpoq. Soqutiginnikkuillu peqataanissannut suli angumersisinnaavutit.

25 januari 2012

Kommuneqarfik Sermersuup avatangiisit nakkutiginerulerpai

Siuarsarnissamut suliniut, misileraaneq, aalajangersimasumik siunertat, immaqalu biilit avatangiisinut sunniuteqarnerlunngitsut eqqagassanik avatangiisinut akornutaannginnerusumik eqqaasarnerit qulakkiissavaat.

25 januari 2012

Ataatsimiititani marlunni nikinneq

Poul Hansen saamerleq aamma Justus Hansen talerperleq nikinnermi inuttaapput.

Kommuneqarfik Sermersooq: Poul Hansen Demokratineersoq Kulturimik Siuarsaaneq pillugu Siunnersuisoqatigiinnut Justus Hansen (D) taarserlugu inissippoq, Justus Hansen-ilu Aningaasaqarnermut Ataatsimiititami Mille Søvndal Pedersen-imut (IA) sinniisussatut inissilluni.

25 januari 2012

Kommunimi taxanut maleruaqqusaq nutaaq

Kommuneqarfik Sermersooq: Akiliisitsilluni inunnik assartuutinut / taxanut maleruaqqusaq nutaaq, Kommuneqarfik Sermersuumi tamarmi atuuttussaq kommunalbestyrelsip januaarip ulluisa 24-anni ataatsimiinnermini akuersussitigaa.

25 januari 2012

Paamiut kusanartumik takutitsigu

Taamatut qulequtserlugu sisamanngormat Paamiuni unnussiuaartitsisoqarpoq Takornariaqarneq sammineqarmat.

25 januari 2012

Kommunip normutoqaa atorunnaarpoq

Nuuk: Nuummi kommuneqarfiup allaffianut normutoqaq 347000 maanna sianerfigineqarsinnaajunnaarluni atorunnaarpoq. Sianerluni kommunimut attaveqarniaraanni 367000 kisimi sianerfigineqarsinnaalerpoq.

24 januari 2012

Kommunalbestyrelsip makku aalajangiuppai

Kommuneqarfik Sermersuumi kommunalbestyrelsip 2012-imi siullermeerluni ileqquusumik ataatsimiinnermini, marlunngornermi januaarip ulluisa 24-anni ingerlanneqartumi, makku aalajangersaavigai:

24 januari 2012

Unnummi kulturisiofimmi 585 pulaarput

”Qaamanerup takkukkiartoqqilernerani illqarfitsinni suliffeqarfippassuarni peqatigiiffinnilu pisunut pissanganartunut qaaqqusissut tiguarput”, taama oqarpoq kommuneqarfitsinni aqutsisorput Asii Chemnitz Narup, Katerittarfimmi Amisuni Unnuk Kulturisiorfimmik ammaanermini.

23 januari 2012

Ineriartortitsivigineqarsinnaasut pillugit politikkikkut oqallinneq

Siornatigut immukkut sammisaqartitsinermi assilisaq.

Kommuneqarfik Sermersuumi kommunalbestyrelsi ullumi sammisaqarpoq, politikerit namminneerlutik saqqummiussisuullutik, Kommuneqarfik Sermersuumi sumiiffini assigiinngitsuni killiffik, unamminartut aamma periarfissat oqallisigalugit.

23 januari 2012

1.a-kkut borgmesterimik naapitsinerat

Tallimanngorneq januaarip ulluisa 20-anni nalunaaqutaq qulinngulersoq meeqqat nipaat kamippaallu ukiorsiutit borgmesterip allaffiata tungaanut ingerlarpalunnerat tusarsaapput. Atuartut 15-it Atuarfik Samuel Kleinschmidtimi 1. a-mi atuartut borgmesterimik naapitsinissaminnik isumaqatigiissuteqarlutik apuupput.

23 januari 2012

Kulturimik nersorinninneq

Nive Nielsen aamma Kimmernaq Kjeldsen.

Kommuneqarfik Sermersooq: Kommuneqarfik Sermersooq sinnerlugu kulturikkut avammut nittaarsaasussaq siulleq persuarsiorpalaartumik sapaammi januaarip ulluisa 22-anni Katuap inersuaaraani toqqarneqarpoq. Kommuneqarfik Sermersuup kulturikkut avammut nittarsaassisussaa tassaassaaq erinarsortartoq Nive Nielsen.

22 januari 2012

Kommunip erfalasui qiteqqusimapput

Kommuneqarfik Sermersuumi siornatigut pisortaanerusimasoq, Niels Kreutzmann, toqukkut qimaguppoq.

20 januari 2012

Kulturikkut nittarsaassissussaq 2012 ilisaritinneqassaaq

Nuuk: Kommuneqarfik Sermersuup kulturikkut avammut nittarsassisussaa siullermeerutaasumik toqqarneqassaaq, sapaammi januaarip ulluisa 22-anni, Katuap inersuaaraani, kulturikkut assigiinngitsunik aaqqissuussinertalimmik.

20 januari 2012

Kommunalbestyrelsip ileqquusumik ataatsimiinnera siulleq

Kommuneqarfik Sermersooq: Kommunalbestyrelsip ileqquusumik ataatsimiinnera 2012-imi siullermeerutaasoq, marlunngornermi januaarip ulluisa 24-anni nal. 15.00 ingerlanneqassaaq.

20 januari 2012

Ataatsimoorussamik suliniummut soqutiginninneq annertooq

Kommuneqarfik Sermersuup inuussutissarsiornikkut inerisaavia nutaamik piginnittortaarpoq nutaamillu ateqalerluni – Sermersuup inuussutissarsiornikkut siunnersuisoqatigiivi.

19 januari 2012

Kommuneqarfik Sermersuumi Unnuk Kulturisiorfik pissanganartoq

Unnummi kulturisiorfimmi, arfininngornermi januaarip ulluisa 21-ani pisussami, pisarneq malillugu Kommuneqarfik Sermersuup illoqarfiini nunaqarfiinilu assigiinngitsorpassuarnik pisoqarfiussaaq. Videokonference atorlugu ataatsimoorussamik illoqarfiit akornanni aaqqissuussineq ukioq manna aamma mininneqanngilaq.

19 januari 2012

Suliatit kommuneqarfiup allaffiani saqqummersikkit

Nuuk International Friskole.

NUUK: Ukioq nutaaq aallartippoq taamalu innuttaasunut sullissivik aammaloorluni titartakkanik, qalipakkanik innuttaasullu suliaannik allanik kommuneqarfiup allaffiani qalipaasersueqasinnaasunik kusassaataasinnaasunillu ujartuivoq.

18 januari 2012

Tusagassiuutitigut nalunaarut

2012-imi Kommuneqarfik Sermersuumi kulturambassadørissamik toqqaanissamut qaaqqussut.

16 januari 2012

Sulilluarsimanerit pikkorissarnerillu

Illoqqortoormiunut Tasiilamullu qatserutaasivinnut ornigulluni takuniaanernut ilutigitillugu tunngaviusumik qatserinermik ikiueqqaarnermillu pikkorissartitsisoqarpoq.

16 januari 2012

Iværk´ Messe – suliniut pitsaasoq

Nuuk: Kommuneqarfik Sermersuup inuussutissarsiutinut inerisaaviata aallarnissaasunut namminersorlutillu suliffiutilinnut aaqqissuussisarnini iluatsilluartut ingerlateqqippai. Takutitsiviit 16-it, tamarmik immikkut assigiinngitsunik soqutigisallit, arfininngornermi januaarip ulluisa 14-iani Katuap paarlersuani Iværk´ Messe-mut peqataapput.

16 januari 2012

Akitsorterussineq aallarteqaaq

Kaffisorfiit Nuup Kommuneanik imaluunniit Illoqqortoormiut Kommuneanik ilisarnaatitallit soqutigaagit? Imaluunniit nalunaaqutaaraq Paamiut Kommuneanik ilisarnaatitalik? Taamaappat Kommuneqarfik Sermersuup akitsorterussinissaani januaarip ulluisa 16-iani aallartittumi peqataagit.

13 januari 2012

Tusagassiuutitigut nalunaarut

Asseq: Illoqqortoormiuni Innuttaasunik Sullissivik.

Kommuniusimasut pigisaat akitsorterunneqalerput

13 januari 2012

Qilaatersorneq soqutigineqarluartoq

Nuuk: Nuummi Inuusuttut Siuarsartut qilaatersornermik sammisaqartitsinerat aallartilluavippoq, inuusuttunit inersimasunillu 30-t missaanniittunit peqataaffigineqarluni, pingasunngornermi januaarip ulluisa 11-anni, 2012.

12 januari 2012

Dronning-imut tunissut

Kommuneqarfik Sermersooq: Naqitamik assilialiaq Anne Birthe Hovemit sananeqartoq Ataqqinartorsuup Danmarkip naalagaaffiani ukiuni 40-ni qullersaanerminik nalliuttorsiutiginninnerani Kommuneqarfik Sermersuumi kommunalbestyrelsimit tunissutigineqarpoq.

11 januari 2012

Dronningimut pilluaqqussuteqarit

Ataqqinartorsuup Dronning-ip, ukiuni 40-ni Danmarkip naalagaaffiani qullersaanermini nalliuttorsiornissaanut, januaarip ulluisa 14-iani pisussamut, pilluaqqusiartornissannut suli periarfissaqarputit.

10 januari 2012

DVD aamma CD meeqqat toqqissisimasumik inuuneqarnissaat pillugu

Suleqatigiilluarsimaneq pillugu Line Dalentoft KNR-ip pisortaanut Ivalo Egedemut qujavoq.

Inersimasut tamarmik meeqqat paarineranni peqataassapput. Taamatut oqariartuuteqarpoq erinarsuut aamma DVD ”Perulerama”, Peqqinneq Pitsaaliuinerlu pillugit Sullissiviup namminneq kajumissusertik aallaavigalugu suleqataasut inuit peqatigalugit saqqummersitaa.

10 januari 2012

Tasiilami innuttaasunut nalunaarut

Tasiilami piterarnera pissutigalu Kommuneqarfik Sermersuumi borgmesterip Asii Chemnitz Narup-ip kiisalu kommunimi qinikkat Tasiilameersut Tasiilami innuttaasunik ataatsimiititsinissaraluat unnugu marlunngornermi pisussaagaluaq taamaatiinnarneqarpoq. Ilanngullugu nalunaarutigineqassaaq Tasiilami kommunip allaffia ullup sinneranut matuneqarmat.

10 januari 2012

PAAMIUT: Qinngasaarisarnerup meeqqani ingalassimatinnissaa pillugu Paamiuni meeqqerivinni sulisut atuarfimmilu mikinerni ilinniartitsisut pikkorissartinneqarput.

09 januari 2012

Qilaatip nipaa appiinnaleqaaq

Nuuk: Qilaatersorneq uaajeernerlu soqutigisarigukkit ilikkagaqarfiginissaannut maanna periarfissaqalerputit, pingasunngorpat januaarip ulluisa aqqarnanni, Allerup inersuani ingerlanneqartussami.

09 januari 2012

Paamiuni timersullammaat

PAAMIUT: Timersorumatuut nersorniarlugit innuttaasunit pissanngatigineqarlutik Kunngit pingasuni toqqarneqarput.

06 januari 2012

Nuummi ukiortaami tusarnaartitsinermut nuannersumut peqataagit

Wienimi januaarip aallaqqaataani ukiortaami tusarnaartitsisoqartarpoq. Nuummi januaarip arferngata aappaani nalunaaqutaq 19.00 Katuap paarlersuani tusarnaartitsisoqassaaq. Soqutiginnittut tamarmik tusarnaartitsinermut kusanarluinnartumut akeqanngitsumullu qaaqqusaapput.

06 januari 2012

Timersortartut ulluat Timersortarfimmi ingerlanneqarpoq

Nuuk: Kunngit Pingasut Ulluanni pisarnertut Nuummi Timersortarfimmi ”Ukioq manna Timersortartut Ulluat” ingerlanneqarpoq.

05 januari 2012

Borgmesterip Kunngit Pingasut ulluat Tasiilami nalliussissavaa

Asii Chemnitz Narup ippassaq pingasunngornermi Tasiilamut pivoq, sapaatip akunnera tassani tikeraassalluni. Tikeraarnermini innuttaasunik ataatsimiisitsiniarpoq, ullormi timersornerup ulluani peqataassalluni, kommuneqarfiup suliffeqarfiutaanut pulaassalluni taakkunanilu sulisut oqaloqatigissallugit.

05 januari 2012

Kommuneqarfik Sermersuumi ukioq manna Timersortartut Ulluat

Pisarnertut Kunngit Pingasut Ulluanni, januaarip arfernani, Kommuneqarfik Sermersuumi ukioq manna Timersortartut Ulluat nalliussineqassaaq.

04 januari 2012

Ukiutoqqami kingullerpaamik arpanneq

Qeqetarsuatsiaat: Nunaqarfimmiut tamarmik decembarip 31-ani 2011-mi kingullerpaamik arpaqatigiinnissamut qaaqquneqarput. Issikkaluaqisorlu innuttaasut ilaat aaqqissuussaq nuannersoq peqqinnartorlu atorluarpaat.

04 januari 2012

Nuummi meeqqat 2006-imi inunngortut 1. Klassimut allatsinnerat.

03 januari 2012

IVÆRK’ MESSE 2012

NUUK: Inuussutissarsiutinik Inerisaavik arfininngornermi januaarip 14-ani Katuami suliffeqarfimmik aallarnisaaneq pillugu sammisaqartitsinissamut qaaqqusivoq. Tassani aallarnisaasut soqutiginnittullu allat naapinnissamut periarfissinneqassapput.

02 januari 2012

Tusagassiuutitigut nalunaarut

Dronningimut pilluaqqussuteqarit