Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Allatta!

Nuummi inuusuttut Siuarsartut, NUIF-ip, pilersaarusiuleruttorpaa workshop aamma inuusuttunut 15-niit 25-inut ukiulinnut sapaatip akunnerisa 13-anni 14-annilu atuakkiornermut pikkorissarnissaat, Hans Anton Lynge aamma Georg Olsen ilitsersuisoralugit, peqataarusuttut kingusinnerpaamik nalunaarsimassapput sapaatip akunnerisa 12-anni pingasunngornermi ulloq 21. marts 2012.

Atuakkiornermut pikkorissaanissap siunertaraa, atuakkanik saqqummersitsisarnernut inuusuttut soqutiginninnerulersinnissaat aamma piginnaasaminnik misiliitinnissaat.

”Tusagassaqartitsiviit aqqutigalugit tusartarparput kalaallit inuusuttut atuakkiortut saqqummersitsisarnerat akuttoriartortoq kiisalu inuusuttut nunat allamiut atuakkiortut saqqummersitaannut soqutiginninnerulersimasut. Piffissanngorpoq inuusuttortatsinnik qiimmassaanissarput kaammattuinissarpullu atuakkiortaleqqullugit minnerunngitsumik pissutigalugu inuusuttut kalaallit oqaasiinnut soqutigisakinnerulersimanerat”. -Ulunnguaq Markussen, suliniummi suleqataasoq, NUIF

NUIF takorluukkanik pinngorarfiuvoq, tassani inuusuttut sorpassuarnut peqataasinnaapput soorlu nipilersornermut, nutaaliornermut, qitinnermut, qarasaasialerinermut, nerrivimmi arsaararnermut allarpassuarnullu. NUIF-imi siunertaraarput, suliniutit assigiinngitsut aqqutigalugit inuusuttut suleqatigiinneq ilinniassagaat, nammineq periarfissarsiornissaq siunertaralugu piginnaasaminnillu misileraanissaq.

Oqaluttuaaraliornermut unammisitsineq ingerlanneqassaaq 2012-imi, 2013-imilu atuakkamik kalaallisut danskisullu naqitamik saqqummersitsisoqassaaq. Aaqqissuussisuupput NAPA aamma Milik Publishing.

Pikkorissaqataanissamut peqataarusuttut nalunaarsinnaapput uunga: NUIF, Kissarneqqortuunnguaq 21 imaluunniit uunga sianerluni: 366303 mail: ulma@sermersooq.gl