Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Borgmesteri misiginneqataavoq

Nutaarmiuni pisimasut alianartut pillugit, borgmester Asii Chemnitz Narup innuttaasunik misiginneqataalluni Nunaqarfimmi aqutsisut siulittaasuanut, Qaasuitsullu Kommuniata borgmesterianut allagaqarpoq.

-          Nutaarmiuni alianaqisumik quarsaarnaqisumillu pisoqarneranut atatillugu Kommuneqarfik Sermersuumi innuttaasut sinnerlugit Nutaarmiuni, Tasiusami Nuussuarmilu innuttaasunut tamanut misiginneqatiginninnerput apuukkusuppara.

-          Pisimasoq alianartoq tamatsinnik qamuuna eqquillunilu attuivoq. Piffissami artornartorsiorfissinni eqqarsaatitsigut najorpatsigit, Kommuneqarfimmi borgmesteri Nunaqarfimmi Aqutsisut siulittaasuanut Simon Sakariassenimut allappoq.

Aamma Qaasuitsup Kommuniani borgmester Jess Svanemut misiginneqatiginninneq Borgmester Asii Chemnitz Narup-ip apuukkusuppaa, Kommuneqarfimmi innuttaasut sinnerlugit.

-          Pisimasoq alianartoq Kommuneqarfik Sermersuumi tamatsinnut attuivoq. Erloqinartorsiorfiup nalaani tuppallersaataavoq nalunagu qimagaasut Nutaarmiunilu innuttaasut kiisalu Nutaarmiut eqqaanni najugallit ikiorserniarlugit sulilluarassi. Piffissami artornaqisumi eqqarsaatitsinniittuarpusi.

-          Ataqqinnillunga nukissaqarluarnissassinnillu uummammik pisumik kissaassillunga, borgmester Asii Chemnitz Narup allappoq.