TUSAGASSIUTITIUT NALUNAARUT

Nordisk koncertkor, asseq: Lars Poort.

Kommuneqarfik Sermersuumi kulturpulje aningaasaateqarfinngorpoq. Aningaasaateqarfiup ataatsimeeqqaarnerani ilaatigut Gaypride-imut, isiginnaartitsinermut assinillu saqqummersitsinernut 970.268 kr.-inik tapiissuteqarput.

Kulturpulje (Kulturimut aningaasat agguaassassat) januaarip aallaqqaataaniit 2012-imi aningaasaateqarfinngorpoq, tamanna Kommunalbestyrelsip aggustip ulluisa 30-iani 2011-imi ataatsimiinnerminni aalajangerpaat. Aningaasaateqarfiup siulersuisui tassaapput Kulturip siuarsarneqarnissaa pillugu Siunnersuisoqatigiinni ilaasortat.

Aningaasaateqarfik ateqarpoq Aningaasaateqarfik Sermeq - Kulturi nutaamik eqqarsalersitsisarmat, qallunaatut Sermeq Fonden - fordi kultur skaber fornyelse.

Februaarip arfineq pingajuani aningaasaateqarfik ataatsimiimmat qinnuteqartut 15-it tamakkiisumik ilaannakortumilluunniit akuersissutiginiarlugit aalajangerpoq.

Qinnuteqartut uku akuersissutigineqarput:

•    Vivaldi 2012, erinarsoqatigiissuit tusarnaatitsinerat, Nunani Avannarlerni Erinarsoqatigiissuit Tusarnaartitsisartut, 50.000 kr.
•    Gaypride 2012, aaqqissuussineq, Nuka Bisgaard, 100.000 kr.
•    Small Time Giants, tusarnaartitsineq, Jacob Søvndahl Skovaa, 29.210 kr.
•    Qasapip ullui kingulliit – isiginnaartitsissut tusarnaartitsinertalik, Inuit Theatre aamma Katuaq, 90.000 kr.
•    Outervision Dance Festival 2012, Katuaq, 60.000 kr.
•    Nunanit Avannarlerneersut, NAPA,103.400 kr.
•    Assilialiat aamma oqaaseqatigiiliat, Camilla Nielsen aamma Frederik Kristensen, 103.153 kr.
•    Nipilersortartut Naapeqatigiinnerat 2012, Orkesterskolen Arnannguaq J.P. Gerstrømimit, 100.000 kr.
•    Nipilersugassiarsuarnit festivaali, Hanne Sandvig,50.000 kr.
•    Assinik saqqummersitsineq – Katuami Canadamut ulloritinneqartut, Karitas Production Pipaluk K. Jørgensenimit, 30.000 kr.
•    Kulusuk Midnight sun festival 2012, Tinka Mikaelsen, 75.000 kr.
•    Ikinngutigiit arnat – ikinngutigiit arnat assigiinngitsut pillugit piviusulersaarut, Pia aamma Ulrik Bang, 46.000 kr.
•    Katuami elektroniskiusumik festivaali, Aqqalu Lu Berthelsen,7.000 kr.
•    Eqqumiitsuliat isumallit – meeqqanut inuusuttuaqqanullu eqqumiitsuliornermik pilersaarut, Red Barnet, 26.750 kr.
•    Ilaqutariinnut Nuummi Ilaqutariinnik Sullissivimmut attuumassuteqartunut suliniut eqqumiitsuliornertalik, Red Barnet, 49.755 kr.