Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Ukiortaamut iserluaqatigiinneq

Qeqertarsuatsiaat: Peqatigiiffiit assigiinngitsut aaqqissuussisoralugit nunaqqatigiit januaarip ulluisa 21-anni unnussiuaartinneqarput, nunaqqatigiit katerisimaartarneri allat assigalugit assigiinngitsorpassuarnik sammisaqaqatigiiffiusumik.

Dartimik toraajuneqqusaanneq, isit asserlugit arsaanneq, erinarsuutinik nalorsitsaarineq, akornatigullu erinarsullattaarluni nereqatigeereernerup kingorna meeqqanit inersimasunillu aliikkusersuutigineqartut ilagaat.

Peqatigiiffiit qangaaniit ukiortaarsioqatigiissitsisarnerat eqqaamannittunit oqaluttuarineqarnerat kiisalu poortukkanik quianartunik allagartalersukkanik eqquiniaasitsineq aamma  quianarsinnaasunik oqalungusiallattaarnerit nipilersortulerlunilu qittannermik akunniliillattaarneq nuannivissimasoq aaqissueqataasup Eleonora Klemmensen-ip unnersiutigaa.

Peqatigiiffiit uku aaqqissuisuupput: Q.U.P ujakkaartartut, Aalisartut Piniartullu Peqatigiiffiat,  Qeqertarsuatsiaat Nipaat, Illerfissarsiutileqatigiit kiisalu Sanningasoq Tungujortoq.  

Assiliisoq: Eleonora Klemmensen, Qeqertarsuatsiaat