Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Akitsorterussineq aallarteqaaq

Kaffisorfiit Nuup Kommuneanik imaluunniit Illoqqortoormiut Kommuneanik ilisarnaatitallit soqutigaagit? Imaluunniit nalunaaqutaaraq Paamiut Kommuneanik ilisarnaatitalik? Taamaappat Kommuneqarfik Sermersuup akitsorterussinissaani januaarip ulluisa 16-iani aallartittumi peqataagit.

2009-mi kommunit kattunneqarnerisa kingorna kommuniusimasut pigisimasaannik arlalinnik Kommuneqarfik Sermersooq peqarpoq. Kommunalbestyrelsi ukiarmi aalajangiivoq pigisat tamakku ilai akitsorterussinikkut annerpaamik neqerooruteqartumut tunineqassasut.

Ammassallip kommunerisimasaata pigisai Tasiilami katersugaasivimmut tunniunneqarmata, Paamiuni, Nuummi aamma Illoqqortoormiuni pigisarineqarsimasut tassa maanna tuniniarneqartussanngorput.


Akitsorterussinermi isertitat Kommuneqarfik Sermersuup meeqqanik angalatitsisarnermi aningaasaateqarfittaavanut, meeqqat ilaqutariillu meerartallit angalanissaannut tapiissuteqartartussamut ilanngunneqassapput.


Akitsorterussinissaq aallartissaaq januaarip ulluisa 16-iani nalunaaqutaq 10.00 tallimanngorneq januaarip ulluisa 27-ani nalunaaqutaq 12.00-ip tungaanut, sermersooq.gl –ikkut aamma Kommuneqarfik Sermersuup Innuttaasunut Sullissiviisigut.

Akitsorterussinermi imatut peqataasinnaavutit
 
Akitsorterunneqartut assigiinngitsut suuneri uani takusinnaavatit:
1.     Akitsorterunneqartut assingi sermersooq.gl–imi  takusinnaavatit uani,
2.    imaluunniit assit Kommuneqarfik Sermersuup Innuttaasunut Sullissiviini takusinnaavatit.

(Pigisaat  taama isikkoqartillugit tunineqassapput, ilaallu atorneqarsimammata tamanna ilaatigut takuneqarsinnaasassaaq)

Imatut neqerooruteqassaatit:
1.    Mailikkut allassinnaavutit uunga: auktion@sermersooq.gl
2.    imaluunniit Kommuneqarfik Sermersuup Innuttaasunut Sullissiviini neqerooruteqarnissannut ikiorneqarsinnaavutit.

Paasissutissat makku  ilisimatitsissutigikkit:
•    Atitit tamaasa
•    Cpr-nr.
•    Telefon normut
•    Najukkat
•    Akitsorterussinermi tuniniarneqartup normua
•    Neqeroorutivit koruuninngorlugu annertussusaa

Akitsorterussineq naammassippat:

Pigisanut assigiinngitsunut annerpaamik neqerooruteqarsimasut Kommuneqarfik Sermersuumit saaffigineqassapput akiligassamillu nassinneqarlutik. Pigisaq  nassiunneqassappat nassitsinermi  akiakiligassamut ilanngunneqassaaq. Akiligassaq akilerneqareerpat pigisaq tunniunneqassaaq nassiunneqarluniluunniit.

Pigisamut ataatsimut arlallit assigiimmik neqerooruteqarsimappata neqerooruteqartumut siulliusumut pigisaq tunineqassaaq.

Akitsorterussinermut peqataalluarisi!



Allattoq: arkl
Assit: sermersooq.gl

Nutserisoq: AKAPOL/ v. Elisabeth Lyberth