Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Aningaasatigut aqutsisinnaaneq - pisariaqartoq

Kommuneqarfik Sermersooq: Mikisunik suliffiutillit kiisalu aallarnisaasut Kommuneqarfik Sermersuup inuussutissarsiornermut inerisaaviata aningaasanik missingersuutinillu aqutsinermik pikkorissartitsisarnera soqutigalugu atorluarpaat. Soqutiginninneq annertungaarmat immikkoortortaqarfiup Tasiilami pikkorissartitsinissani, qaammammi uani pisussatut, pilersaarusiorpaa.
Noa Maratse-p (talerperleq) pikkorissarnermut siullermut peqataajartorluni Iværk´Messeqarnera naammattoorpaa. Noa Maratse-p (talerperleq) pikkorissarnermut siullermut peqataajartorluni Iværk´Messeqarnera naammattoorpaa. Sulifiuteqassagaanni kisitsisit aamma ilikkagaqarfigisariaqarput. Sulifiuteqassagaanni kisitsisit aamma ilikkagaqarfigisariaqarput.

Kommunit kattussuunnerisa kingunerisaanik innuttaasut namminersorlutik suliffiutitaarusuttartut ilaat periarfissanik aammaanneqarput.  Taakku ilagaat 40-nik ukiulik ruujorilerisoq, Noa Maratse:

- Kommunip aallarnisaasunut siunnersuisinnaanera atorluarpara, kiisalu aningaasanik missingersuutinillu aqutsinermut Nuummut pikkorissariarpunga, klippekorti atorlugu. Periarfissiissut pitsarujussuuvoq, taamaalillungalu namminersortunngorusunnera maanna piviusunngortissinnaanngorpara. 

Noa Maratse ukiualuit matuma siorna namminersortunngorniarluni misiliigaluarpoq, taamanikkulli aningaasanik missingersuutinillu aqutsinermut ilisimasaqannginnami iluatsinngitsoorsimallugu. Maanna piareersimasutut misigisimavoq, apriilillu aallaqqaataani ruujorilerisutut namminersortunngornissani siunniullugu.

Inuussutissarsiutinut inerisaavik novembarimi 2011-mili arlaleriarluni aningaasanik missingersuutinullu aqutsisinnaanermut pikkorissaasarpoq. Mikisunik suliffeqarfiutillit kiisalu aallarnisaasut pikkorissarnissamik pisariaqartitsinerat annertummat, aamma Tasiilami, februaarip qiteqqunnerani Tasiilami pikkorissaanissaq maanna pilersaarusiorfigineqarpoq, sammineqassaarlu naatsorsuuserineq aamma aningaasanik missingersuusiorneq kiisalu takoqqusaarusiorneq.

Allattoq: Else Jensen

Assiliisoq: John David Eriksen & Else Jensen