Ataatsimoorussamik suliniummut soqutiginninneq annertooq

Inuussutissarsiornikkut siunnersuisooqatigiit pilersitsisoraat Kommuneqarfik Sermersooq, Grønlandsbanken, Banknordik, NSIP (SIK-p nuummi immikkoortortaqarfia) kiisalu suummi sulisitsisut peqatigiiffiat (GA-p nuummi immikkoortortaqarfia) Pilersitsinermi tamarmik borgmesterip Asii Chemnitz Narupip tikilluaqqusiffigisaani peqataapput. Borgmesterip tikilluaqqusinermini ilaatigut oqaatigaa ”Nuannaarutigeqaara – kommunip inuussutissarsiornikkut - ataatsimoorussamik suliniutaata pilersinniarnerani annertuumik soqutiginninnersi takutikkassiuk. Ataatsimoorluta Kommuneqarfik Sermersuumi inuussutissarsiornikkut siuarsaaneq suliarissavarput.” 

Aningaaseriviit marluusut Grønlandsbanken Banknordikilu inuussutissarsiornikkut siunnersuisooqatigiit inatsilerin erup tungaatigut ingerlatsisuussapput, siunnersuisooqatigiillu aqqanilinnik ilaasortaqassalluni. Tamatuma saniatigut taaseqataasinnaanatik Niuernermik Ilinniarfik Ilimmarfillu sinniisuutitaqassapput.

Inuussutissarsiorneq pillugu siunnersuisooqatigiinnut annertuumik isumalluartoqarpoq, tamannalu borgmesterip oalusiarnermini isertuutinngilaa, ”Inuussutissarsiornermik siunnersuisooqatigiit inuussutissarsiornermi siuarsaaneq ullumikkut kommuneqarfiup ingerlatsineranit pitsaanerusumik siuarsaanissaa pingaaruteqarluinnarpoq. Nutaamik sinaakkusiorneq, nutaanik attaveqaateqalerneq, nutaanik suliniuteqalerneq allatulluunnit. Ersarissumik takuneqarsinnaatilerlugu kommuni ingerlatsinani siunnersuisuuqatigiit inuussutissarsiutitigut siuarsaanermik ingerlatsisuusut. Ullumikkut suliaq kusanartoq pilersinneqartoq eqqortuusoq takutinneqassaaq”

Asii oqalugiarnermini ima nangippoq ”Immikkut qutsavigerusuppakka pilersitseqataasut, suliassaq tigulluarassiuk – taamatullu nutaaliornermut inuussutissarsiornermilu siuarsaanissamut”. 

Asiip oqalugiaataa tamarmiusoq uani atuarneqarsinnaavoq.