Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Dronning-imut tunissut

Kommuneqarfik Sermersooq: Naqitamik assilialiaq Anne Birthe Hovemit sananeqartoq Ataqqinartorsuup Danmarkip naalagaaffiani ukiuni 40-ni qullersaanerminik nalliuttorsiutiginninnerani Kommuneqarfik Sermersuumi kommunalbestyrelsimit tunissutigineqarpoq.

Tunissummut ilanngullugu borgmesteri Asii Chemnitz Narup-i imaattumik pilluaqqussuteqarpoq:  

Ataqqinartorsuaq, Danmarkip naalagaaffiani qullersaaninni ukiunik 40-nngortorsiorninni uummammit pisumik pilluangaarit.

Kommuneqarfik Sermersuumi Kommunalbestyrelsi sinnerlugu qamannga pisumik qutsavigaakkit, Ataqqinartorsuaq, kunngikkormiutullu ataqqinassusillit tamarmik, nalaagaaffimmi qullersaaninni Kalaallit Nunaannut misigissuseqarfiginnillutit, tunniusimallutit inussiarnersumillu takutitsisarnerit pillugit. 

Kalaallit Nunaanni angalasarninni misigisarparput Ataqqinartorsuaq illit inuiaallu kalaallit naapinnissinni attaveqatigiinneq nuannersoq. Immikkut qutsavigaakkit inuiaqatigiittut ineriartornitsinni siumukarusussutsimillu sulissutiginninnitsinni ilumoorlutit tapersersuininnut.

Qularutiginngilarput inuiaat kalaallit Ataqqinartorsuullu akunnerminni imminnut nuannariinnerat ataqatigiinnerallu atajuassasoq.

Ataqqinartorsuup, kunngikkormiutullu ataqqinassusillit tamarmik, ukiuni aggersuni inuunerannik malinnaaviginissaat qilanaaraarput.

Pilluaqqussutitut nassiupparput naqitamik assialialiaq eqqumiitsuliortutta pikkorissut ilaannit Anne Birthe Hove-mit sanaarineqartoq.

Ataqqinningaarlunga

Asii Chemnitz Narup

Borgmesteri

Kommuneqarfik Sermersooq

Relateret