Ittoqqortoormiini nannuttassat tamakkerneqarput
Attaveqarfik
Kommuneqarfik SERMERSOOQ Kommunikationsafdelingen Kuussuaq 2Postboks 1005
3900 Nuuk Tlf.: 36 70 00 Fax: 31 11 51
E-mail: kommunikation2@sermersooq.gl Ammasarfii
DVD aamma CD meeqqat toqqissisimasumik inuuneqarnissaat pillugu
Inersimasut tamarmik meeqqat paarineranni peqataassapput. Taamatut oqariartuuteqarpoq erinarsuut aamma DVD ”Perulerama”, Peqqinneq Pitsaaliuinerlu pillugit Sullissiviup namminneq kajumissusertik aallaavigalugu suleqataasut inuit peqatigalugit saqqummersitaa.
DVD CD-erlu
Peqqinneq Pitsaaliuinerlu pillugit sullissivimmi sulisut nipilersorlunilu videoliami inuttaasoq Marius.
Suleqatigiilluarsimaneq pillugu Line Dalentoft KNR-ip pisortaanut Ivalo Egedemut qujavoq.
nipilersorluni videoliami inuttaasoq Marius.
Line Dalentoft Nikku Olsenilu.
”Perulerama” tassaavoq erinarsuut pikkunartoq nipigissarneqarluarsimasoq aamma kusanartumik nipilersorluni videoliaasoq, qamani misigissutsinik sakkortuumik attuisoq. Erinarsortartut Krissie Winberg, Nivi Pedersen aamma nivissat erinarsoqatigiit, Qupannavaakkut,
alutornartumik erinarsorput akisussaanermik misigisaq eqqorlugu tamatumalu eqqortuuneranik paasitilluta ilumut meeqqat qanoq atugaqarnerat tassaasoq pingaaruteqarluinnartuusoq tamatta ataatsimut suleqataaffigisassarput.
DVD CD-ertaalu ataatsimut pigilerusukkukkit Nunatsinni niuertarfinni assigiinngitsuni 100 koruunilerlugu pisiarineqarsinnaavoq. DVD aamma CD-p tunineqarneranni sinneqartoorutit inunnut suliniaqatigiiffinnullu meeqqat peqqissusiannik aamma qanoq atugaqarnerannik namminneq kajumissutsiminnik suliniartunut iluaqutaasussanngortinneqassapput.
Nikku Olsen, Kiiu Olsen aamma Viila Sandgreen Peqqinneq Pitsaaliuinerlu pillugit sullissivimmeersut, isumassarsillaqqissuseqarnerisigut aamma nipilersornermut piginnaaneqarnerisigut suliniut tamanna pilersippaat, erinnamik, nipilersorluni videoliamik, CD-mik aamma DVD-mik saqqummersitsinermik kinguneqartumik.
Sullissiviup pisortaa Line Dalentoft oqaluttuarpoq suliniummi kikkut tamarmik peqataasut namminneq kajumissusertik aallaavigalugu suleqataasimasut, taamaaliornermikkullu siunertamut pitsaasumut aamma tunniussaqarlutik.
DVD aamma CD meeqqat peqqissusiat pillugu aamma pitsaasumik atugaqarnissaannik suliniarnermi iluaqutigineqartussatut suliarineqarput. Angajoqqaani, inunni meeqqanik sullissisuusuni aamma inuiaqatigiinni inersimasuni tamani DVD aamma CD eqqasalersitsinissamik siunertaqarput.
Allattoq: arkl
Assiliisoq: John David Eriksen
Nutserisoq: AKAPOL/ v. Elisabeth Lyberth