Kammagiitta

Meeqqat mikineriniit qinngasaarisarnerup pingitsoortinnissaa pillugu Kommuneqarfik Sermersuup pitsaaliuinermik immikoortortaqarfiata sumiiffinni assigiinngitsuni ingerlattagaa Paamiuni ingerlanneqaqqammerpoq. Meeqqerivinni sulisut amerlanersaat aamma mikinerni ilinniartitsisut peqataapput.

Pikkorissartut eqimattakkaarlutik sullipput, pikkorissaassutigineqarlutik kuffertip imarisai assigiinngitsut.

Akaarinninneq, ataqqinninneq, isumassuilluarneq, toqqissisimaneq, sapiissuseqarneq kiisalu ikinngutaalluarneq suliniummi pingaarnertut ilisarnaataapput. Pikkorissaassutigineqartut peqataasut sullivimminni oqaloqatigiinnikkut ingerlateqqissagaat peqqinnermik pitsaaluinermillu immikkoortortaqarfimmeersup pikkorissaajartortup Arnaaraq Petersenip sermersooq.gl-mut oqaatigaa. Paamiuni pitsaaliuinermik siunnersorti Klara Hansenip aamma oqaatigaa angajoqqaat suliniummut akuutinneqartassasut.

Kommuneqarfik Sermersuumi sumiiffinni assigiinngitsuni amerlanerni pikkorissartitsineq ingerlanneqareerpoq. Illoqqortoormiuni aamma nunaqarfinni suli pikkorissartitsisoqanngilaq, taakkuli tullinnguupput.

Kalaallit Nunaanni pisortat kiisalu aningaasaateqarfik Mary Fonden aamma suliniaqatigiiffiup Red Barnetip suliniut aallartitaat ukioq-mannamiit kommunit akisussaaffigiligaat, meeqqanut pingasuniit arfine-pingasut tikillugit ukiulinnut tulluarsagaavoq.    

Allaaserinnittoq assiliisorlu: Søren P. Lyberth.