Ineriartortitsivigineqarsinnaasut pillugit politikkikkut oqallinneq

Siornatigut immukkut sammisaqartitsinermi assilisaq.

Ukiuni makkunani nunap immikkoortuini assigiinngitsuni ineriartortitsinermi atugassarititaasut isiginiarneqartorujussuupput. Kommuneqarfik Sermersuup kommunalbestyrelsiani tamanna aamma pivoq, ullumi ataasinngornermi januaarip ulluisa 23-anni Tunup, Nuup Paamiullu eqqai ilanngullugit sammineqarmata.   

Sanarfinermut Avatangiisinullu ataatsimiititami ilaasortat Kommuneqarfik Sermersuumi sumiiffiit assigiinngitsut qanoq periarfissaqarfiunerinik ineriartortitsivigineqarsinnaanerinillu saqqummiussipput.  Saqqummiunneqartunut apeqqutit oqaaseqaatillu takutippaat saqqummiunneqartut kommunalbestyrelsimit pingaartinneqartut, eqimattanilu oqaluuserineqaqqinnissaannut tunngavissinneqarlutik.
 
Kommunimut pilersaarut digitaliusoq
Kommuneqarfik Sermersuup kommunimut pilersaarut 2009-mi suliaralugu aallartippaa. Kommuneqarfik Sermersuup ineriartortinnissaanut kommunalbestyrelsip naliliineranik periusissiaanillu taanna imaqarpoq.

Kommuneqarfik Sermersooq takussutissianik periusissianillu assigiinngitsunik arlariiaanik peqartinnagu nutaatut ukiunut sisamakkaanut aallartitsisoqarpoq, tamatumalu nassatarisaanik kommunimut pilersaarutit tamakkiisumik ukiut sisamakkaarlugit akuersissutigineqartalissallutik. Tamatumuuna qulakkeerneqassaaq pilersaarutip ataavartumik nutarsarterneqartarnissaa, politikkikkullu angorusutat aallaavigalugit suliarineqartarnissaa.

Kommunimut pilersaarut maanna digitalinngortinneqassaaq, taamaalilluni tamanit takuneqarsinnaanera ajornannginnerulersinneqassalluni, nutaajunerpaarlu aaneqarsinnaasassalluni taamalilluni aamma inikitsumik pissarsiarineqarsinnaalissalluni.  
 

Allattoq: arkl
Assiliisoq: John David Eriksen