Kommuneqarfik Sermersuup avatangiisit nakkutiginerulerpai

Kommunimi najugaqarfinni tamani eqqagassanut ataqatigiissumik aaqqissuussineq nutaaq pissanganartorlu qulakkiissavaa – Pilersaarut sinaakkutillu nuna tamakkerlugu 2010-2013-mi pilersaarummeersuuvoq.
Kommuneqarfik Sermersuup pingaartilluinnarlugu 2024 tikillugu eqqakkanik isumaginnilluartarnissamik ineriartortitsineq aalajangersimasumik anguniagaqarluni ineriartortitsiniarpoq.

Eqqagassanik pilersaarummi malitassat akitsuutillu naleqqussarneqassapput, taamaalilluni kommunimi innuttaasunut suliffeqarfinnullu assigiissarneqarniassammata – periusissarlu, mingutsitsisup nammineq piffik mingutsitsiviup imminut akilersinnaasumik ingerlanissaa akisussaaffigissavaa. Taamaattumillu eqqakkat annertussusaannik immikkoortiteriaatsimillu qarasaasiakkut nalunaarsueriaaseq pitsanngorsarneqassaaq, taamaalilluni aningaasartuutit eqqortut atorlugit akitsuuserineq, ingerlaavartumik ingerlasinnaaniassammat.

Kommunimi innuttaasut eqqagassat ulorianartut pitsaanerusumik isumagisinnaalernissaannut periarfissat Kommunalbestyrelsip qimerloorpaa. Siunissami tunniussisarfimmut tunniussinngikkaluarluni ajornannginnerusumik eqqakkanik ulorianaatilinnik innuttaasunut periarfissaqalernissaat sulissutigineqarpoq. Taamaattumik elektroniskiusunut imaluunnit nillataartitsivinnut / qerititsivinnut karsinik igitsiviusinnaasunik kommunimit aaneqartussanngorlugit tunniussisoqarsinnaanera periarfissaqartinneqassalluni.  

Naatsorsuutigineqarpoq siunniussap eqqakkanik annikillinerutitsillunilu atoqqissinnaasut annertusinissaat. Kommunalbestyrelsip kissaatigaa Eqqaaveqarnermut pilersaarutip innuttaasut suliffeqarfiillu kommunitta eqqiluitsuutinnissaanut peqataanerunissaminnut piumassuseqarnerulersissagai. Avatangiisimut nakkutiginnilluarneq qularnanngilaq.

Allattoq:ensk

Nutserisoq: Poul Olsen

Assiliisoq: John David Eriksen