Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Nunaqarfinni sulisunut elektroniskimik oqallittarfik

Kapisillit / sineriak tamakkerlugu: Sinerissami kommunit nunaqarfiisa allaffiini sulisut, Kommune Kujalleq kisiat pinnagu, kiisalu kommunit allaffiisa qullersaqarfiini nunaqarfinnik sullissisut KANUKOKA´p nittartagaatigut oqallittarfittaarput.
Amalianguaq H. Lukassen Kapisilinni allaffimmini. Amalianguaq H. Lukassen Kapisilinni allaffimmini.

Amalianguaq H. Lukassen-ip, Kapisilinni kommunip allaffiani sulisuusup, nunaqarfinni allaffimmiut taama periarfissaqartitaalernerat nuannaarutigaa:

- Nunaqarfimmi sulisuulluni ilaatigooriarluni kiserliornarsinnaasarpoq, pingaartumik kisimiilluni sulisuusimagaanni. Isumasioqatissaaleqinarsinnaasarpoq, pingaartumik allaffinni qulleraqarfigisatsinni inuit attavigiuminaalligaangata.

Oqallittarfimmi ilaasortat piffissap annerpaartaa imminnut aattaveqatigiissinnaapput, taamaalillutillu nalornisaqartillutik imminnut siunersioqatigiinnissaminnut periarfissaqalerlutik. Tamatuma kinguneranik nunaqarfimmi innuttaasunik sullissineq assigiiaarnerusumik aamma pisinnaalersoq, Amalianguaq H. Lukassen-ip oqaluttuaraa.

Nunaqarfinni kommunit allaffiini sulisut, kiisalu kommunit qitiusumik allaffeqarfiini sulisut nunaqarfinnik sullissinermut soqutigisallit, sulilu oqallittarfimmut ilaasortanngorsimanngitsut kajumissaarneqarput ilaasortanngoqqullugit, Amalianguaq H. Lukassen, amlu@sermersooq.gl attavigalugu.

Allattoq: Else Jensen

Assiliisoq: John David Eriksen / toqqorsivik.