Nuummi meeqqat 2006-imi inunngortut 1. Klassimut allatsinnerat.

Meeqqat atuarfiat pillugu Inatsisartut peqqussutaat nr. 8, 21.maj 2002-meersoq § 27 naapertorlugu  atuarfimmi atualerneq pissaaq ukiup atuarfiusup aallartinnerani ukiumi meeqqap 6-inik ukioqaler-fiani. 

Taamaattumik meeqqat 2006-mi inunngortut 1. klassimut allatsissapput. Tamanna pissaaq Piorsaanermut Ingerlatsivimmi. Tassunga isaariaqarpoq Nota Benep aamma Hotel Nuuk akornatigut 

Pingasunngorneq 25. januar 2012 kl. 10.00 - 16.00

Sisamanngorneq 26. januar 2012 kl. 10.00 - 17.00 

Meeqqap CPR-normua kuisinnermut – atertaarnermullunniit uppernarsaataa, pinngitsoorani nassarneqassaaq. 

Aamma atuarfimmi paaqqinnittarfimmut allatsinnissamut periarfissaqarpoq. 

Angajoqqaat meeqqap peroriartorneranut tunngassumik pissuteqarlutik, atualeqqaarnissap ukiumik ataatsimik kinguartinnissaanik kissaateqartut qinnuteqaateqarsinnaapput uunga:

Piorsaanermut Ingerlatsivik, Atuarfeqarnermut immikkoortortaqarfik, Boks 1005, 3900 Nuuk.

Qinnuteqaat Piorsaanermut Ingerlatsiviup Atuarfeqarnermut immikkoortortaqarfianit tiguneqareersimassaaq kingusinnerpaamik 1. februar 2012.

Qinnuteqaat immersugassaq Piorsaanermut Ingerlatsivimmi pineqarsinnaavoq imaluunniit kommunip meeqqeriviutaanut saaffiginninnikkut pineqarsinnaalluni. 

Tamatuma kingorna atuarfinnut inissiigallarneq pissaaq. Tamanna pereerpat kingusinnerukkut atuarfinnut ataasiakkaanut paasissutissiilluni ataatsimiinnissamut aggersaasoqarumaarpoq.